ज्‍याल्‍गा 19:5 - ह्योल्‍मो

⁵ ओहले ज़्‍य़ूॱठिलेगी दि ल़ेहमु सुङगेनॱराङ जेक्‍यो सुङ-क़े च्‍यी़ थ़ेसीन, “किन्‍ज्‍योला स्‍याहप्‍तो स्‍युहएँया़ दाङ मिहरोगी ज्‍यिक्‍पा खुर्केन ख्‍या फेमा छ्यिम्‍बु थाम्‍ज्‍यीगी मिहरोला त़ेरा तेच्‍या फुल्‍दोङ।”

ज्‍याल्‍गा 19:5 ပူးပေါင်းရင်းမြစ်များ

ज्‍याल्‍गा 13:16

ओहले खोगी फेमा दाङ छ्यिम्‍बु, छ्युक्‍पु दाङ प्राङबु, योक्‍पु दाङ योक्‍पु माहबेबा थाम्‍ज्‍यीला राहङदी योबा लाहक्‍पाला क्‍यिनी प्रालाला पार क्‍याहप च्‍य़ूसीन।

ज्‍याल्‍गा 16:17

ओहले तिहम्‍बा स्‍यिहङगामकी स्‍याहप्‍च्‍यीगी राहङगी फार्को ल्‍हा़बाला पुङ नाङसीन। ओहले छ्येकाङकी ज़्‍य़ूॱठिलेगी सुङ-क़े छ्यिम्‍बुच्‍यीगी दि ल़ेहमु सुङ नाङग्‍यो थ़ेसीन, “ता़ह सिहन्‍सीन।”

ज्‍याल्‍गा 19:18

ख्‍याया़गी क्‍याहल्‍बुया़, माक्‍पेन छ्यिम्‍बुया़, स्‍युक छ्यिम्‍बुगी मिहया़, ताबुया़, ताबु खाला स्‍येहन्‍गेन्‍गी मिहया़, योक्‍पु पेहक्‍यो दाङ राहङवाङ (योक्‍पु माहबेबागी) मिहया़ ओहले फेमा छ्यिम्‍बु थाम्‍ज्‍यीदी स्‍या साहज्‍ये येह।”

ज्‍याल्‍गा 20:12

ओहले स्‍यिक्‍यो मिह फेमा दाङ छ्यिम्‍बु थाम्‍ज्‍यीराङ ज़्‍य़ू-ठिकी दिनला लाहङदी तेहक्‍योदी ङाहगी थोङसीन ओहले छ्य़ेया़ खा फ़ेसीन। लेहमेन छ्य़े च्‍यी़ॱआङ खा फ़ेसीन, ओ़हदी मिहलीगी छ्य़े यिहन्‍गे। ओ़ह छ्य़ेला प्रुहक्‍यो खुङया़गी ल़ेहला ते़बे स्‍यिक्‍यो मिहया़ला ठिम ताङसीन।

ज्‍याल्‍गा 7:15

ओ़ह सोङबे खुङ किन्‍ज्‍योकी कुम्‍देनला येह ओहले खुङगी ङ्यिहन-नुहप किन्‍ज्‍योकी नाम्‍पार-ताहक्‍पा छ्योखाङला मिहरोला स्‍याहप्‍तो स्‍युहएँ। ओहले ज़्‍य़ू-ठिला ज़्‍य़ू नाङगेन्‍दी खुङया़गी पाहरक्‍यीला ज्‍यू़दे खुङया़ला जेम्‍बु जेती ज़्‍या़ नाङज्‍ये येह।