ज्‍याल्‍गा 19:3 - ह्योल्‍मो

³ येहपाराङ खुङया़गी क़े छ्यिम्‍बु तेन्‍दी दि ल़ेहमु मासीन, “हाल्‍लेलूयाह! ओ़ह क्‍याहसा छ्यिम्‍बु छी़क्‍योगी तिहपा नाहम-माना याहर नामला डे़देराङ तेहच्‍ये येह।”

ज्‍याल्‍गा 19:3 ပူးပေါင်းရင်းမြစ်များ

यहूदा 1:7

काह-ठि पेहती सदोम, गमोरा दाङ ओ़ह साहर-सुहरकी क्‍याहसाया़ छ्येउ-छ्येंमु पेहती पे-मिहस्‍यीएँ ल़ेह चोक्‍पाया़ला छ्यिक्‍यो येहकें, खुङया़गी नाहम-आङ मिहस्‍यीएँगी मेहकी ङ्य़ेहबा खुर्ती येह। दि ल़ेहमु पेहती खुङ ओहराङगी तेहन्‍दाला पे च्‍यी़ काहल्‍दी येह।

ज्‍याल्‍गा 14:11

ओहले खुङया़ला तुहक्‍पु तेर्केन्‍की तिहपा नाहम्‍माॱनाङ याहर ङो़ले उहर्ती डोज्‍ये येह। सु सुगी ओ़ह सेम्‍ज्‍येन दाङ खोगी कुला छ्येपा फुल्‍दी खोगी मिहनगी पार क्‍याहप्‍कें खुङया़गी ङ्यिहन-नुहप नाहमॱआङ थाङ सो ङ्युहङज्‍ये म़ेह।”

ज्‍याल्‍गा 18:18

खुङया़गी ओ़ह क्‍याहसा छ्यिम्‍बु छी़दे तिहपा थेन्‍ग्‍यो थोङसीम्‍बाॱराङ दि ल़ेहमु म़ेदी क़े तेन्‍सीन, “दि ल़ेहमु छ्यिम्‍बु क्‍याहसा लेहमेन का़हॱलाङ म़ेहबा येहकें!”

ज्‍याल्‍गा 18:9

मोह ङ्याम्‍बु छ्येउ-छ्येंमु पेहकें दाङ खाम्‍साङ-ङ्याहम्‍साङ पेहकें जाम्‍बुलीङकी क्‍याहल्‍बुया़ मोहला सा़क्‍योगी तिहपा थोङदी मोहगी तेहन्‍दाला ज्‍यिबुराङ तुहङाल पेहती ङुहज्‍ये येह।

ज्‍याल्‍गा 19:1

दि तिङले ङाहगी स्‍यिहङगामले मिह मिह-माहङ छ्यिम्‍बुच्‍यीगी क़े छ्यिम्‍बु तेन्‍दी दि ल़ेहमु माएँ थ़ेसीन, “हाल्‍लेलूयाह! थार्पा, ची़नाङ दाङ स्‍युक किन्‍ज्‍योदीॱराङ यिहन,

ज्‍याल्‍गा 19:4

ओहले ओ़ह छ्य़े-ठिमकी लोबेनया़ मेहन्‍दा खाल च्‍यी़ ज़्‍यि ओहले ओ़ह सोम्‍बो सेम्‍ज्‍येन ज़्‍यिगी खेप्‍चु क्‍याहप्‍ती ज़्‍य़ू-ठिला ज़्‍य़ू नाङग्‍योकी किन्‍ज्‍योला दि ल़ेहमु म़ेदी छ्या़ छाल्‍सीन, “आमेन, हाल्‍लेलूयाह!”