ज्‍याल्‍गा 19:14 - ह्योल्‍मो

¹⁴ स्‍यिहङगामकी माक्‍मीया़ कार्पु दाङ चाङमा रे़हगी काप्‍च्‍या नोम्‍दी कार्पु ताबु खाला स्‍येहन्‍दी मिहरोगी तिङदा तिङ फेप्‍सीन।

ज्‍याल्‍गा 19:14 ပူးပေါင်းရင်းမြစ်များ

मत्ती 21:5

“सियोन साने़की मिहया़ला म़े तेर, ‘त़ेदोङ, ता़ह ख्‍याया़गी क्‍याहल्‍बु छ्यिम्‍बु फेप नाङगेराङ येहबा, मिहरो स्‍यिहवा जे-नाङदी पुहङगु खाला स्‍येहन्‍दी फेप नाङगेराङ येह, मिहरो पुहङगु पी़हरु थो़ला स्‍येहन्‍दी फेप नाङज्‍ये येह’।”

मत्ती 26:53

ङाहगी लाङबा यिहनानी ङाहगी याहपगी ङाहला नाहरेराङ ॱठि दाङ ठिले माहङा स्‍यिहङगामगी स्‍याहप्‍च्‍यीया़ ताङ नाङज्‍ये येहकें। च्‍यि ख्‍येगी दि ओहङ मी़हखुएँ म़ेदी साम्‍लु क्‍येउ दुबा?

मत्ती 28:3

मिहरोगी स्‍याहल्‍दोङ चिलाम ल़ेहमुराङ येहसेर क्‍याहप्‍क्‍यो दाङ नाहम्‍सादी खावा ल़ेहमुराङ कार्पु येहकें।

२ थेसलोनिकी 1:7

ओहले ख्‍या तुहक्‍पु ङ्युहङगेनया़ला ङ्यिह ङ्याम्‍बुराङ मिहरोगी थाङ सो च्‍य़ू नाङज्‍ये येह। ओहले दि थाम्‍ज्‍यी मिहरोगी चो़वो येशू ओङ छ्यिम्‍बुकी स्‍यिहङगामकी स्‍याहप्‍च्‍यीया़ ङ्याम्‍बु स्‍यिहङगामले माहर फेप नाङगेमु जे नाङज्‍ये येह।

यहूदा 1:14

आदमकी मिहदो तिहन हनोकगीॱआङ दि मिहया़गी तेहन्‍दाला तिङले ओहङगेन्‍गी तामया़ तोहङलेराङ दि ल़ेहमु जेती सुङ नाङग्‍यो येहकें, “त़ेदोङ चो़वो, टाहङमाराङ क्‍याहप मी़हखुएँगी राहङगी नाम्‍पार-ताहक्‍पा मिहया़ ङ्याम्‍बु फेप नाङगेराङ येह,

ज्‍याल्‍गा 14:1

ओहले ङाहगी येहपाराङ ताएँमु सियोन काहङला ल़ूह स्‍ये़बु ज़्‍याङदी ज़्‍य़ूक्‍यो थोङसीन। मिहरो ङ्याम्‍बु मिह बुम च्‍यी़ दाङ तोङरा ज़्‍यिप्‍च्‍यु ज़्‍यि येहकें ओहले खुङया़गी प्रालाला ल़ूह स्‍ये़बुकी छेन दाङ मिहरोकी याहपकी छेन प्रुहक्‍यो येहकें।

ज्‍याल्‍गा 14:20

ओहले क्‍याहसा फिला येहकेन्‍की कुहन्‍डुम च्‍यिर्सा ग्‍या़ला ओ़ह कुहन्‍डुमया़ च्‍यिर्सीन ओहले ओहलेगी ठा़गी स्‍योलो थेन्‍सीन। ओ़ह ठा़, ताबुगी खाला क्‍याहप्‍क्‍योकी खम्‍देर थु थोम्‍बु ओहले नेसा क्‍याह सुमचे थु रिहङबु फेल्‍दी येहकें।

ज्‍याल्‍गा 17:14

खुङया़गी ल़ूह स्‍ये़बुला टाह पेहते मा़ क्‍याहप्‍च्‍ये येह, यिहॱनाङ ल़ूह स्‍ये़बुगी खुङया़ला क्‍याहल्‍ज्‍ये येह, च्‍यिबेमाना मिहरो चो़वोया़गी चो़वो ओहले क्‍याहल्‍बुया़दीॱआङ क्‍याहल्‍बु यिहम्‍बा। ओहले मिहरोगी क़े क्‍याहप नाङग्‍यो दाम नाङग्‍यो दाङ यिह-छ्य़ेबाया़ॱआङ मिहरो ङ्याम्‍बुराङ ओहङज्‍ये येह।”

ज्‍याल्‍गा 19:11

ओहले ङाहगी स्‍यिहङगाम खा फे़क्‍यो थोङसीन ओहले ओ़हला ताबु कार्पु च्‍यी़ थोङसीन। ओ़ह ताबु खाला स्‍येहन नाङग्‍योगी छेनदी “यिह-छ्य़ेबु दाङ तेहन्‍दाम” दुबा। मिहरोगी टाहङदेनला ठिम दाङ मा़ क्‍याहप नाङगे।

ज्‍याल्‍गा 19:8

चाङमा दाङ येहपा छ्याएँ थु रे़हगी काप्‍च्‍या मोहला केहन्‍ज्‍येला नाङसीन।” दि येहपा छ्याएँ थु रे़हगी काप्‍च्‍यादी किन्‍ज्‍योगी मिहया़गी पेहक्‍योगी या़हबु ल़ेहया़ यिहम्‍बा।

ज्‍याल्‍गा 3:4

यिहॱनाङ सार्डिसकी छेन्‍छोकला लाहला दि रोहवा मिहया़ॱआङ येहबा, खुङगी राहङगी काप्‍च्‍या चाङमा ज़्‍या़दी येह। खुङ ङाह ङ्याम्‍बु काप्‍च्‍या कार्पु केहन्‍दी डोज्‍ये येह, च्‍यिबेमाना खुङ दि ल़ेहमु पेहच्‍येला सी़हज्‍ये येह।

ज्‍याल्‍गा 4:4

ओ़ह ज़्‍य़ू-ठिकी कोर-क्‍यिहले लेहमेन ङ्यिहस्‍यु िज्‍़य ज्‍यू़-ठिया़ येहकें, ओहले ओ़ह ज्‍यू़-ठिया़ला सेरकी पेस्‍यो दाङ नाहम्‍सा कार्पु नोम्‍ग्‍यो ङ्यिहस्‍यु िज्‍़य छ्य़े-ठिमकी लोबेनया़ ज़्‍य़ू नाङग्‍यो ङाहगी थोङसीन।

ज्‍याल्‍गा 7:9

ओ़ह तिङले ङाहगी तासीन ओहले सुगीॱआङ टाहङजी क्‍याहपॱराङ मी़हखुएँ मिह मिह-माहङ छ्यिम्‍बुच्‍यी थोङसीन। खुङ रेबेॱराङ क्‍यिहपा, छाङ, मिहया़ ओहले लेहमेन लेहमेन ताम माएँ मिहया़लेगी ओहङग्‍यो येहकें। खुङ काप्‍च्‍या कार्पु केहन्‍दी लाहक्‍पाला खजूर तोहङबोकी याहल्‍गा थो़दी ज़्‍य़ू-ठि दाङ ल़ूह स्‍ये़बुकी दिनला लाहङदी तेहक्‍यो येहकें।