ज्‍याल्‍गा 18:17 - ह्योल्‍मो

¹⁷ याहम्‍बीज्‍यीलाराङ मोहती देजे माहङा क्‍युह नोहरया़ तोङसीन। छ्यु-टुहकी कप्‍तान, छ्यु-टुहला डोएँगी मिहया़, छ्यु-टुह चा़लतीएँगी मिहया़ ओहले छो-क्‍याहम्‍जोला ल़ेह पेहती टेहपा सोएँगी थाम्‍ज्‍यी मिहया़ था़-रिहङबुराङ लाहङदी तेहसीन।”

ज्‍याल्‍गा 18:17 ပူးပေါင်းရင်းမြစ်များ

ल़ेह-पेन 27:11

यिहॱनाङ माक्‍पेनगी पावलकी तामला यिह मा़हछ्ये। ओहले माक्‍पेनगी छ्यु-टुह चा़ल्‍ती़एँ मिह दाङ छ्यु-टुह ताहक्‍पुगी माक्‍यो तामला माहङबु यिह छ्य़ेसीन।

ज्‍याल्‍गा 17:12

“ख्‍येगी थोङग्‍योकी रोहवा च्‍य़ूदी क्‍याहल्‍बु च्‍यु यिहम्‍बा, खुङया़गी ताहन्‍दा थु क्‍याहल्‍बु पेहच्‍येला ओङ ज्‍योर्ती म़ेह। यिहॱनाङ खुङया़गी ओ़ह सेम्‍ज्‍येन ङ्याम्‍बु ङ्यिहमा ङ्युहङसेगी तेहन्‍दाला क्‍याहल्‍बुगी ओङ ज्‍योर्च्‍ये येह।

ज्‍याल्‍गा 17:16

ख्‍येगी थोङग्‍योकी रोहवा च्‍यु दाङ ओ़ह सेम्‍ज्‍येनगी ओ़ह स्‍याहङ-छो़मुला नाम्‍दो पेहच्‍ये येह ओहले मोह ङ्याम्‍बु येहकेन्‍गी थाम्‍ज्‍यी फ्रो़दी मोहला च्‍येहन्‍डामु जे़दी मोहती स्‍या साहज्‍ये येह ओहले मोहला मेहला सा़ज्‍ये येह।

ज्‍याल्‍गा 18:19

ओहले खुङया़गी राहङ-राहङगी गो़ला सासा टाम्‍दी दि ल़ेहमु म़ेदी तुहङाल पेहती ङी़हदी क़े तेन्‍सीन, “दि क्‍याहसाला काहन्‍डुमु तुहक्‍पु बाप ओहङसीन। दि क्‍याहसाकी क्‍युह-नोहरगी पेहती छ्यु-टुहगी ताहक्‍पुया़ छ्युक्‍पु काहल्‍दी येहकें यिहॱनाङ याहम्‍बीज्‍यीलाराङ ओ़ह थाम्‍ज्‍यी तोङसीन।”