ज्‍याल्‍गा 18:11 - ह्योल्‍मो

¹¹ जाम्‍बुलीङकी छोङबाया़ मोहगी तेहन्‍दाला ज्‍यिबुराङ तुहङाल पेहती ङुहज्‍ये येह, च्‍यिबेमाना खुङगी चोङज्‍येला ज़्‍या़क्‍योगी पेलाया़ येहपाराङ सुज्‍यीगीॱआङ ङ्योहज्‍ये म़ेह,

ज्‍याल्‍गा 18:11 ပူးပေါင်းရင်းမြစ်များ

मत्ती 22:5

यिहॱनाङ ओ़ह डोम्‍बोया़गी नाङदाराङ माहताङबा पेहती राहङ-राहङगी ल़ेहला काहल्‍सीन। लाहला राहङगी स्‍यिहङला फार काहल्‍सीन ओहले लाहलादी राहङगी छोङ क्‍याहप्‍च्‍येला काहल्‍सीन।

यूहन्‍ना 2:16

ओहले येशूगी दुङगुकुर चोङगेनया़ला काप्‍क्‍येन नाङदी सुङ नाङसीन, “ख्‍याया़गी दि से़हया़ देलेगी ख्‍येर्ती सोङ! ङाहती याहपगी ज़िम्‍गाङला ख्‍याया़गी छोङ क्‍याहप्‍केन खाङबा माहज़ो़।”

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।

ज्‍याल्‍गा 18:15

दि पेलागी छोङबाया़ ओ़ह क्‍याहसाला छोङ पेहते क्‍युह ज़ोक्‍यो येहकें ता़ह दि थो़ला तुहक्‍पु बाप ओहङगे ज्‍यी़सुगी खुङया़ था़-रिहङबुराङ लाहङदी दि ल़ेहमु म़ेदी तुहङाल पेहती ङुहज्‍ये येह,

ज्‍याल्‍गा 18:20

ए स्‍यिहङगामला ज़्‍य़ू नाङगेया़ थाम्‍ज्‍यी, मोह तोङदी काहल्‍ग्‍यो सोङबे क़ेहनाङ पेहतोङ! ए किन्‍ज्‍योगी मिहया़, ल़ेह-पेनया़ ओहले लुहङतेम्‍बाया़ ख्‍या थाम्‍ज्‍यी क़ेहनाङ पेहतोङ च्‍यिबेमाना मोहगी ख्‍याया़ला च्‍यि पेहपा, ओ़हगी छापला किन्‍ज्‍योगी मोहला ङ्य़ेहबा काल नाङदी येह।

ज्‍याल्‍गा 18:23

लोकी क्‍या-साङे ता़ह यिहन्‍ज्‍यु ख्‍येला येहपा छ्या़ज्‍ये म़ेह ओहले माहक्‍पा साम्‍बा दाङ नामा साम्‍बाकी क़े ख्‍येला थे़ज्‍ये म़ेह। च्‍यिबेमाना ख्‍येगी छोङबाया़ जाम्‍बुलीङगी छ्यिम्‍बु-छ्यिम्‍बु मिहया़ येहकें, ओहले ख्‍येगी ङ्येहन क्‍याहप्‍ती क्‍यिहपा-क्‍यिहपागी मिहया़ला गो़ कोर च्‍य़ूसीन!”

ज्‍याल्‍गा 18:3

च्‍यिबेमाना क्‍यिहपा थाम्‍ज्‍यीगी मोह ङ्याम्‍बु छ्येउ-छ्येंमु पेहक्‍यो सोङबे खुङ थाम्‍ज्‍यी छ्याङगी ल़ेहमु ज़ी़दी येह। जाम्‍बुलीङगी क्‍याहल्‍बुया़गी मोह ङ्याम्‍बु छ्येउ-छ्येंमु पेहसीन। ओहले मोहगी खाम्‍साङ-ङ्याहम्‍साङ पेहती मिहजी ताङग्‍यो सोङबे जाम्‍बुलीङकी छोङबाया़ ज्‍यिबुराङ छ्युक्‍पु काहल्‍सीन।

ज्‍याल्‍गा 18:9

मोह ङ्याम्‍बु छ्येउ-छ्येंमु पेहकें दाङ खाम्‍साङ-ङ्याहम्‍साङ पेहकें जाम्‍बुलीङकी क्‍याहल्‍बुया़ मोहला सा़क्‍योगी तिहपा थोङदी मोहगी तेहन्‍दाला ज्‍यिबुराङ तुहङाल पेहती ङुहज्‍ये येह।