ज्‍याल्‍गा 17:5 - ह्योल्‍मो

⁵ मोहगी प्रालाला साङदे ज़्‍या़क्‍योगी मिहन च्‍यी़ प्री़हदे येहकें, “छ्यिम्‍बु बेबिलोन, थाम्‍ज्‍यी जाम्‍बुलीङकी स्‍याहङ-छो़मु दाङ नाम्‍दो लाहङज्‍ये ल़ेहमु ल़ेहया़ पेहकेनया़गी आमा!”

ज्‍याल्‍गा 17:5 ပူးပေါင်းရင်းမြစ်များ

फिलिप्‍पी 3:19

ता़ह खुङ ज्‍युक्‍स्‍योलला ङ्याल्‍वाला छ्यिच्‍ये येह च्‍यिबेमाना फोवाराङ खुङदी ल्‍हा यिहम्‍बा। खुङ राहङगी ङोहजागी तामया़ला छ्य़ेन्‍दो तेन्‍गे। ओहले खुङ जाम्‍बुलीङगी दि ल़ेहमुराङ से़हया़ थो़ला सेम च्‍याङगे।

२ थेसलोनिकी 2:7

ओ़ह छ्य़े-ठिम गोम्‍गेन्‍दीगी राहङगी ल़ेहया़ नाहङदा-नाहङॱराङ पेहच्‍ये छू़-सीहन्‍दी येह। ओहले नाहरे थु कू़हदे ज़्‍या़गेन्‍दी खोगी लाहमले थेन्‍दी माहकाहल थु ओ़हदीला का़दीॱराङ ज़्‍या़ज्‍ये येह।

ज्‍याल्‍गा 1:20

ङाहगी योबा लाहक्‍पाला ख्‍येगी थोङग्‍यो दि कार्मा तिहन दाङ सेरकी छ्येकुङ तिहनकी तेहन्‍दादी दिराङ यिहम्‍बा: कार्मा तिहनदी छेन्‍छोक तिहनला चारा पेहकेन्‍गी स्‍यिहङगामकी स्‍याहप्‍च्‍यीया़ यिहम्‍बा ओहले सेरकी छ्येकुङ तिहनदी छेन्‍छोक तिहन यिहम्‍बा।”

ज्‍याल्‍गा 11:8

खुङकी रो़ह ओ़ह छ्यिम्‍बु क्‍याहसा यरूशलेमकी लाहमया़ला आहन्‍डाराङ लिहच्‍ये येह। पे यिहॱना़ ओ़ह क्‍याहसाती “सदोम” दाङ “मिश्र” यिहम्‍बा। ओ़ह क्‍याहसालाराङ खुङया़गी चो़वोला क्‍याहङस्‍यीङला च्‍याङग्‍यो येहकें।

ज्‍याल्‍गा 14:8

ओहले येहपाराङ लेहमेन स्‍यिहङगामकी स्‍याहप्‍च्‍यी च्‍यी़ दि ल़ेहमु म़ेदी ओहङसीन, “ता़ह चो़हसीन! क्‍याहसा छ्यिम्‍बु बेबिलोन चो़हसीन। ओ़हदीगी जाम्‍बुलीङकी थाम्‍ज्‍यी क्‍यिहपाया़ला मोहगी छ्येउ-छ्येंमुकी मेहन्‍ज्‍याले थुङ च्‍य़ूदी खुङया़ला ज़ि च्‍य़ूसीन।”

ज्‍याल्‍गा 16:19

ओहले ओहजे छ्यिम्‍बु क्‍याहसानी बो सुम काहल्‍सीन। ओहले थाम्‍ज्‍यी क्‍याहल-खापकी क्‍याहसाया़ रोहम्‍दी तोङसीन। किन्‍ज्‍योगी ओ़ह छ्यिम्‍बु बेबिलोन माएँ क्‍याहसाला टेहम्‍बा साल नाङसीन ओहले मिहरो राहङगी ज्‍यी़ज्‍ये ल़ेहमु थुयालगी काहङग्‍यो फार्कोलेगी खोला थुङज्‍येला नाङसीन। ओ़ह फार्को, मिहरोगी थुयालकी छ्याङगी काहङग्‍यो येहकें।

ज्‍याल्‍गा 17:1

ओ़ह फार्को तिहन नोम्‍गेन स्‍यिहङगामकी स्‍याहप्‍च्‍यी तिहन नाहङले मेहन्‍दा च्‍यी़ ङाहसाला फेप्‍ती सुङ नाङसीन, “देला स्‍यो, माहङबुराङ चाङबुया़गी पोहला तेहकेन ओ़ह छ्यिम्‍बु स्‍याहङ छो़मुगी काह-ठि पेहती ङ्य़ेहबा खुर कोहच्‍ये येह म़ेदी ङाह ख्‍येला तेन्‍गे।

ज्‍याल्‍गा 17:2

जाम्‍बुलीङकी क्‍याहल्‍बुया़गी मोह साला काहल्‍दे छ्येउ-छ्येंमु पेहको येहकें ओहले जाम्‍बुलीङकी मिहया़ छ्याङगी ज़िक्‍यो ल़ेहमु ओ़ह स्‍याहङ-छो़मु ङ्याम्‍बु छ्येउ-छ्येंमु पेहते ज़ी़दी तेहक्‍यो येहकें।”

ज्‍याल्‍गा 17:7

ओहजेला ओ़ह स्‍यिहङगामकी स्‍याहप्‍च्‍यीगी ङाहला सुङ नाङसीन, “ख्‍ये च्‍यिबे ह्‍अ ल़ेहक्‍यो?” ओ़ह पी़हमी दाङ मोहला खुर्केन गो़ तिहन दाङ रोहवा च्‍यु थो़क्‍यो सेम्‍ज्‍येनगी तेहन्‍दाला साङदे ज़्‍या़क्‍यो तामगी तेहन्‍दा ङाह ख्‍येला स्‍येकें।

ज्‍याल्‍गा 18:2

मिहरोगी सुङ-क़े छ्यिम्‍बु तेन्‍दी दि ल़ेहमु सुङ नाङसीन, छ्यिम्‍बु क्‍याहसा बेबिलोन ता़ह तोङसीन, ता़ह ल्‍हान्‍डा-ल्‍हेन्‍डी दाङ मेहचाङा नाम्‍स्‍यीया़, नामे नाजोकी नाम्‍दो लाहङज्‍ये ल़ेहमु दाङ चाङमा म़ेहबाकी च्‍याह-च्‍यिहवाया़ ओ़हला तेहच्‍ये येह।

ज्‍याल्‍गा 18:21

ओहले स्‍युक छ्यिम्‍बु स्‍यिहङगामकी स्‍याहप्‍च्‍यी च्‍यी़गी ला़हवोर छ्येवा तोह च्‍यी़ क्‍या़दी दि ल़ेहमु सुङदी छो-क्‍याहम्‍जोला क्‍युर नाङसीन, “दि ल़ेहमुराङ पेहती दि क्‍याहसा छ्यिम्‍बु बेबिलोनॱआङ स्‍युकगी क्‍युर चाहङज्‍ये येह ओहले ओ़हदी येहपाराङ नाहमॱआङ थोङज्‍ये म़ेह।

ज्‍याल्‍गा 19:2

च्‍यिबेमाना मिहरोगी ठिम ठाबे दाङ तेहम्‍बा-तेहन्‍सुम येह। जाम्‍बुलीङ थाम्‍ज्‍यीला राहङ छ्येउ-छ्येंमुगी गो़ कोर च्‍य़ूगे ओ़ह स्‍याहङ-छो़मुला मिहरोगी ङ्य़ेहबा नाङदी येह, ओहले राहङला स्‍याहप्‍तो स्‍युहएँ मिहया़गी ठा़गी क्‍यिम्‍बा मिहरोगी ल़ेहन नाङ सिहन्‍दी येह।”

ज्‍याल्‍गा 7:3

“किन्‍ज्‍योला स्‍याहप्‍तो स्‍युहएँगी मिहया़की प्रालाला ङ्यिहगी थे़जी माहक्‍याहप थु जाम्‍बुलीङ, छो-क्‍याहम्‍जो दाङ तोहङबोया़ला च्‍यिॱआङ ऩे माहक्‍याल।”