ज्‍याल्‍गा 16:15 - ह्योल्‍मो

¹⁵ “त़ेदोङ, ङाह कुमेन ल़ेहमुराङ पेहती ओहङज्‍ये येह। ङ्यि छ़ेती तेहकें दाङ राहङ काप्‍च्‍या सी़दे ज़्‍या़गेया़ काहजे सोनाम-साक्‍पु। मिहन्‍सीमाना खो च्‍येहन्‍डामुॱराङ डो कोहच्‍ये येह ओहले खो ङोह छा कोहच्‍ये येह।”

ज्‍याल्‍गा 16:15 ပူးပေါင်းရင်းမြစ်များ

मत्ती 25:13

“ओ़ह सोङबे ख्‍याया़ टिहम्‍बु पेहती तेहतोङ च्‍यिबेमाना मिहगी स़ेबु का़हन्‍दी ङ्यिहमा दाङ ती़हजीला फेप नाङज्‍ये येह माएँ ताम, ओ़ह ख्‍याया़ला क्‍यी़ह ज्‍योर्च्‍ये म़ेह।”

मत्ती 26:41

“ङ्यि मा़हलोहबा पेहती तेह, सोल्‍वाङ ताप्‍तोङ, ओहले ङ्याहम्‍छेला माहछ्यीज्‍यु। तेहम्‍बाराङ ख्‍याया़गी सेमनी तुहक्‍पु पेहच्‍येॱलाङ ठाबे येह, यिहॱनाङ ज़ुबुगी ला़ मेहखा दु!” म़ेदी सुङ नाङसीन।

मर्कूस 14:38

ङ्याहम्‍छेला माहछ्यीज्‍यु म़ेदी ख्‍या ङ्यि मा़हलोहबा पेहती सोल्‍वाङ ताप्‍तोङ। सेम नि तेहम्‍बाराङ ठाबे दु, यिहॱनाङ ज़ुबुदी मा-फाम्‍बु दु” म़ेदी येशूगी सुङ नाङसीन।

लूका 21:36

ओ़ह सोङबे जेम्‍बु पेहती तेहतोङ, दि ज्‍यिक्‍पा थाम्‍ज्‍यी ङो़ले थार्ते ख्‍या मिहगी स़ेबुगी दिनला मा़हन्‍ज्‍यीबा पेहती लाहङ ख़ूज्‍यु म़ेदी नाहम-माना किन्‍ज्‍योला सोल्‍वाङ ताप्‍ती तेहतोङ!” म़ेदी येशूगी सुङ ख्‍येप्‍टा नाङसीन।

ल़ेह-पेन 20:31

ओ़ह सोङगोराङ जेम्‍बु पेहती तेहतोङ। ओहले ङाहगी लोह सुम थु ङ्यिहन-नुहप मिज्‍यु ताङदी चो़वो छ्येवागी स्‍याहप्‍च्‍यी रे़ह-रे़हला लोप्‍क्‍योगी तामया़ टेहम्‍बा माहच्‍येह।

२ कोरिन्‍थी 5:3

च्‍यिबेमाना ओ़ह स्‍यिहङगामकी ज़ुबु ओहराङगी केहन फान्‍ज्‍यो ओहराङ च्‍येहन्‍डामु ओहङज्‍ये म़ेह।

१ थेसलोनिकी 5:4

यिहॱनाङ आदा-नो़ह दाङ आज्‍यी-नुहमुया़, ख्‍या फ़ेबे-म़ेहमेॱया ना़-जुबेला म़ेह। ओ़ह सोङबे ओ़ह ङ्यिहमागी ख्‍या फ़ेबे-म़ेहमेया़ला कुमेनगी ल़ेहमुराङ ह्‍अ ल़ेह च्‍य़ूज्‍ये म़ेह।

१ थेसलोनिकी 5:6

ओ़ह सोङबे ओहराङ लेहमेन मिहया़ ल़ेहमु पेहती ङ्याहल्‍दी तेहच्‍ये मेहयोहङगे, यिहॱनाङ जेम्‍बु पेहती ङ्यि छेती तेह कोहकें।

१ पत्रुस 4:7

ता़ह ना थाम्‍ज्‍यी तोङदी डोएँगी ती़हजी पोहलाराङ लेप सिहन्‍दी येह। ओ़ह सोङबे राहङगी सोल्‍वाङकी तेहन्‍दाला राहङ सेम थिक-चिला ज़्‍या़दी जेम्‍बु पेहती तेहतोङ।

२ पत्रुस 3:10

यिहॱनाङ चो़वोगी ठिम ताङ नाङगे ङ्यिहमानी याहङमे-याहङ कुमेन ल़ेहमुराङ पेहती ओहङज्‍ये येह। ओहजे काहङला नाम दिङडा तेन्‍दी चो़हज्‍ये येह। ङ्यिहमा, दायुम दाङ कार्माया़ थाम्‍ज्‍यीराङ मेह-टे़हगी स्‍य़ूहज्‍ये येह। जाम्‍बुलीङ दाङ जाम्‍बुलीङला येहकेन्‍गी ना थाम्‍ज्‍यी से़हया़ छी़दी तोङज्‍ये येह।

ज्‍याल्‍गा 22:7

“त़ेदोङ, ङाह ग्‍यो़बा ओहङगेॱराङ येह। दि छ्य़ेला लुहङतेम्‍बाया़गी प्रुहक्‍योगी सुङ ची़गेया़ काहजे सोनाम-साक्‍पु।”

ज्‍याल्‍गा 3:11

त़ेदोङ, ङाह ग्‍यो़बाराङ ओहङज्‍ये येह। ख्‍ये ङ्याम्‍बु च्‍यि येहबा, ओ़हदीला या़हबु पेहती ज़ुङदी ज़्‍यो़, ओहले ख्‍येती पेस्‍यो सुज्‍यीगीॱआङ फ्रो़ज्‍ये म़ेह।

ज्‍याल्‍गा 3:18

ओ़ह सोङबे छ्युक्‍पु डोज्‍येला मेहला सा़क्‍योकी सेर ओहले राहङदी च्‍येहन्‍डामु ज़ुबु उप्‍च्‍येला काप्‍च्‍या कार्पु ओहले ख्‍येगी थोङ ख़ूज्‍यु म़ेदी ख्‍येती मी़ला कुज्‍येला मालाम, दि थाम्‍ज्‍यी ङाह ङ्याम्‍बु ङ्ये़हदोङ म़ेदी ङाह ख्‍येला टे़ह-रिहम तेर्के।