ज्याल्गा 15:4 - ह्योल्मो4 ओ़ चो़वो छ्येवा, राहङगी ज्यिक्पा मिहखुर्केन्गी मिह सुॱआङ येहटो ले? राहङ छेनकी ज़िज्यिद सुगी मे़हपेहटो ले? च्यिबेमाना राहङ च्यी़राङ नाम्पार-ताहक्पा ज़्य़ू नाङदी येह। क्यिहपा थाम्ज्यी ओहङदी राहङला ज्याल्ज्ये येह। च्यिबेमाना राहङगी छ्या़लेया़ टाहङदेन दु म़ेदी ता़ह मिहया़गी थोङ सिहन्दी येह।” အခန်းကိုကြည့်ပါ။ |
ओहले तिहम्बा स्यिहङगामकी स्याहप्च्यीगी राहङ ङ्याम्बु येहकेन्की रोहवा-लीङ फुसीन, ओहले स्यिहङगामला छ्यिम्बु-छ्यिम्बु सुङ-क़ेगी दि रोहवा सुङ नाङसीन, “जाम्बुलीङगी क्याहल्सी ओहराङ चो़वो दाङ किन्ज्योकी मास्यीकागी क्याहल्सी काहल्दे येह ओहले मास्यीकागी नाहम्स्यी किन्दु ओङ छ्य़े नाङज्ये येह।”
खोगी क़े छ्यिम्बु च्यी़ तेन्दी मासीन, “किन्ज्यो ङ्याम्बु ज्यी़दोङ ओहले मिहरोला ज़िज्यिद फुल्दोङ च्यिबेमाना ता़ह किन्ज्योगी मिहया़ला ठिम ताङ नाङगेन्गी ती़हजी लेप सिहन्दी येह। स्यिहङगाम, जाम्बुलीङ, छो-क्याहम्जो दाङ छ्यु क्येज्युया़ ज़ो नाङगेन्गी किन्ज्योला त़ेरा तेच्या फुल्दोङ।”
“फिलाडेल्फियाकी छेन्छोकला चारा पेहकेन्गी स्यिहङगामकी स्याहप्च्यीला दि ताम प्री़हदोङ: ‘किन्ज्योॱराङ नाम्पार-ताहक्पा दाङ तेहन्दाम यिहन, मिहरो ङ्याम्बुराङ क्याहल्बु दाऊदकी दिमी येहबा, मिहरोगी खा फे़ नाङग्योकी कोह सुज्यीगीॱआङ क्याहप मी़हखुएँ ओहले मिहरोगी क्याहप नाङग्योकी कोह सुज्यीगीॱआङ खा फे़ मी़हखुएँ मिहरोगी दि ल़ेहमु सुङ नाङगु दु।
ओ़ह सेम्ज्येन ज्य़िगादीॱराङ स्योक्पा ट़ूह ट़ूह येहकें ओहले ओ़ह स्योक्पाया़ फी़ दाङ नाहङ ङ्यिकाराङ ङो़ले मी़या़गी काहङग्यो येहकें। ङ्यिहन-नुहप खुङया़ थाङ मा़हसेहबा पेहते दि ल़ेहमु म़ेदी छ्ये़-लु ल़ेहन तेहक्यो येहकें, “ओङज्या छ्यिम्बु नोम्गेन चो़वो छ्येवा किन्ज्यो नाम्पार-ताहक्पा, नाम्पार-ताहक्पा, नाम्पार-ताहक्पा ज़्य़ू नाङदी येहबा। मिहरो तोहङ यिहन्ज्युराङ ज़्य़ू नाङदी येहकें, ताहन्दाॱआङ ज़्य़ू नाङदी येहबा ओहले फेप नाङज्ये येह।”