Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ज्‍याल्‍गा 15:4 - ह्योल्‍मो

4 ओ़ चो़वो छ्येवा, राहङगी ज्‍यिक्‍पा मिहखुर्केन्‍गी मिह सुॱआङ येहटो ले? राहङ छेनकी ज़िज्‍यिद सुगी मे़हपेहटो ले? च्‍यिबेमाना राहङ च्‍यी़राङ नाम्‍पार-ताहक्‍पा ज़्‍य़ू नाङदी येह। क्‍यिहपा थाम्‍ज्‍यी ओहङदी राहङला ज्‍याल्‍ज्‍ये येह। च्‍यिबेमाना राहङगी छ्या़लेया़ टाहङदेन दु म़ेदी ता़ह मिहया़गी थोङ सिहन्‍दी येह।”

အခန်းကိုကြည့်ပါ။ ကော်ပီ




ज्‍याल्‍गा 15:4
44 ပူးပေါင်းရင်းမြစ်များ  

ओहले किन्‍ज्‍योगी जे नाङग्‍यो काटीनगी तेहन्‍दाला लेहमेन क्‍यिहपाकी मिहया़गी मिहरोला ज़िज्‍यिद फुल्‍ज्‍यु। छ्य़े-ठिमला दि ल़ेहमु प्री़हदी येहबा, “ओ़ह सोङबे ङाह लेहमेन क्‍यिहपाया़की पाहरक्‍यीला राहङला त़ेरा तेच्‍या फुल्‍गे, ओहले राहङगी छेनला छ्ये़-लु लेहन्‍गे।”


च्‍यिबेमाना छ्य़ेला दि ल़ेहमु प्री़हदी येहबा, “ख्‍याया़ नाम्‍पार-ताहक्‍पा पेहतोङ, च्‍यिबेमाना ङाह नाम्‍पार-ताहक्‍पा येह।”


ओहले तिहम्‍बा स्‍यिहङगामकी स्‍याहप्‍च्‍यीगी राहङ ङ्याम्‍बु येहकेन्‍की रोहवा-लीङ फुसीन, ओहले स्‍यिहङगामला छ्यिम्‍बु-छ्यिम्‍बु सुङ-क़ेगी दि रोहवा सुङ नाङसीन, “जाम्‍बुलीङगी क्‍याहल्‍सी ओहराङ चो़वो दाङ किन्‍ज्‍योकी मास्‍यीकागी क्‍याहल्‍सी काहल्‍दे येह ओहले मास्‍यीकागी नाहम्‍स्‍यी किन्‍दु ओङ छ्य़े नाङज्‍ये येह।”


खोगी क़े छ्यिम्‍बु च्‍यी़ तेन्‍दी मासीन, “किन्‍ज्‍यो ङ्याम्‍बु ज्‍यी़दोङ ओहले मिहरोला ज़िज्‍यिद फुल्‍दोङ च्‍यिबेमाना ता़ह किन्‍ज्‍योगी मिहया़ला ठिम ताङ नाङगेन्‍गी ती़हजी लेप सिहन्‍दी येह। स्‍यिहङगाम, जाम्‍बुलीङ, छो-क्‍याहम्‍जो दाङ छ्यु क्‍येज्‍युया़ ज़ो नाङगेन्‍गी किन्‍ज्‍योला त़ेरा तेच्‍या फुल्‍दोङ।”


ओहले छ्युला ख्‍ये लेहन्‍गे स्‍यिहङगामकी स्‍याहप्‍च्‍यीगी दि ल़ेहमु सुङग्‍यो ङाहगी थ़ेसीन, “ओ़ नाम्‍पार-ताहक्‍पा किन्‍ज्‍यो राहङ ताहन्‍दा ज़्‍य़ू नाङदी येह ओहले तोहङ यिहन्‍ज्‍युराङ ज़्‍य़ू नाङदे येहकें, राहङगी ताङ नाङग्‍योकी ठिम तेहम्‍बा यिहन।


दि तिङले ङाहगी छ्येकाङले दि ल़ेहमु सुङग्‍यो सुङ-क़े च्‍यी़ थ़ेसीन, “वाङज्‍या छ्यिम्‍बु नोम्‍गेन चो़वो छ्येवा किन्‍ज्‍यो, तेहम्‍बाराङ राहङगी ताङ नाङगेन्‍गी ठिम ठाबे दाङ तेहन्‍दाम येह!”


च्‍यिबेमाना मिहरोगी ठिम ठाबे दाङ तेहम्‍बा-तेहन्‍सुम येह। जाम्‍बुलीङ थाम्‍ज्‍यीला राहङ छ्येउ-छ्येंमुगी गो़ कोर च्‍य़ूगे ओ़ह स्‍याहङ-छो़मुला मिहरोगी ङ्य़ेहबा नाङदी येह, ओहले राहङला स्‍याहप्‍तो स्‍युहएँ मिहया़गी ठा़गी क्‍यिम्‍बा मिहरोगी ल़ेहन नाङ सिहन्‍दी येह।”


चाङमा दाङ येहपा छ्याएँ थु रे़हगी काप्‍च्‍या मोहला केहन्‍ज्‍येला नाङसीन।” दि येहपा छ्याएँ थु रे़हगी काप्‍च्‍यादी किन्‍ज्‍योगी मिहया़गी पेहक्‍योगी या़हबु ल़ेहया़ यिहम्‍बा।


“फिलाडेल्‍फियाकी छेन्‍छोकला चारा पेहकेन्‍गी स्‍यिहङगामकी स्‍याहप्‍च्‍यीला दि ताम प्री़हदोङ: ‘किन्‍ज्‍योॱराङ नाम्‍पार-ताहक्‍पा दाङ तेहन्‍दाम यिहन, मिहरो ङ्याम्‍बुराङ क्‍याहल्‍बु दाऊदकी दिमी येहबा, मिहरोगी खा फे़ नाङग्‍योकी कोह सुज्‍यीगीॱआङ क्‍याहप मी़हखुएँ ओहले मिहरोगी क्‍याहप नाङग्‍योकी कोह सुज्‍यीगीॱआङ खा फे़ मी़हखुएँ मिहरोगी दि ल़ेहमु सुङ नाङगु दु।


ओ़ह सेम्‍ज्‍येन ज्‍य़िगादीॱराङ स्‍योक्‍पा ट़ूह ट़ूह येहकें ओहले ओ़ह स्‍योक्‍पाया़ फी़ दाङ नाहङ ङ्यिकाराङ ङो़ले मी़या़गी काहङग्‍यो येहकें। ङ्यिहन-नुहप खुङया़ थाङ मा़हसेहबा पेहते दि ल़ेहमु म़ेदी छ्ये़-लु ल़ेहन तेहक्‍यो येहकें, “ओङज्‍या छ्यिम्‍बु नोम्‍गेन चो़वो छ्येवा किन्‍ज्‍यो नाम्‍पार-ताहक्‍पा, नाम्‍पार-ताहक्‍पा, नाम्‍पार-ताहक्‍पा ज़्‍य़ू नाङदी येहबा। मिहरो तोहङ यिहन्‍ज्‍युराङ ज़्‍य़ू नाङदी येहकें, ताहन्‍दाॱआङ ज़्‍य़ू नाङदी येहबा ओहले फेप नाङज्‍ये येह।”


ओहले खुङया़गी दि ल़ेहमु म़ेदी क़े छ्यिम्‍बु तेन्‍सीन, “ओ़ नाम्‍पार-ताहक्‍पा, तेहन्‍दाम दाङ ओङज्‍या छ्यिम्‍बु नोम नाङगेन्‍गी चो़वो छ्येवा! ङ्यिहला सेक्‍यो सोङबे जाम्‍बुलीङकी मिहया़ला नाहम थु ठिम ताङदे ङ्य़ेहबा काल नाङगे?”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ