तेहम्बाराङ, ख्याया़ राहङ-राहङगी सेमगी स्या़बा पेहती ता़ह तिहक्पा पाङज्येला ठाबे काहल्ग्यो यिहन म़ेदी तेन्ज्येला ङाह ख्याया़ला छ्युगी बप्तिस्मा तेर्को येह, यिहॱनाङ ङाह म़ेदी तिङले फेप नाङगेन्दीगी ख्याया़ला नाम्पार-ताहक्पा थु दाङ मेहगी बप्तिस्मा नाङज्ये येह। मिहरोनी ङाह म़ेदी ज्यिबुराङ ओङ छ्यिम्बु येहबा। ङाहनी मिहरोगी स्याहप्चेन थो़ज्येलाॱआङ सी़हज्ये म़ेह।
ज्याल्गा 15:2 - ह्योल्मो2 दि तिङले ङाहगी मेह ङ्याम्बु से़क्योकी स्येलगी छो-क्याहम्जो ल़ेहमुज्यी थोङसीन। ओ़ह सेम्ज्येन, खोगी कु दाङ खोगी मिहनकी टाहङजी थो़ला क्याहल्गेनया़ राहङ लाहक्पाला किन्ज्योगी नाङग्यो वीणा थो़दी ओ़ह स्येलकी छो-क्याहम्जो सुहरला लाहङ तेहती येहकें। အခန်းကိုကြည့်ပါ။ |
ज्याल्गा 15:2
14 ပူးပေါင်းရင်းမြစ်များ
ओ़ह तुहक्पुया़ ख्यागी च्यिबे खुर कोहक्यो मासीमाना ओ़ह तुहक्पुया़ लाहमले ख्यागी किन्ज्योला यिह छ्य़ेक्योदी तेहम्बाराङ यिहम्बा दु म़ेदी ताहक्स्यार ओहङज्येगी तेहन्दाला यिहम्बा। तोङदी डोएँगी सेरलानी मेहला सा़दी या़हबु चोक्पा खा फ़ेदी ताहङमा ज़ोएँ मासीमाना ख्याया़गी यिह-छ्य़ेनी ओ़ह म़ेदीॱआङ माहङबु चा़ छ्यिम्बु यिहम्बा। ओ़ह सोङबे दि यिह-छ्य़ेला क्ये़ह चाङमा ज़ोज्येला ङ्याहम च्येकें। दिगी पेहती येशू मास्यीका फेप नाङगे ङ्यिहमाला ख्या तेच्या, ज़िज्यिद दाङ चा़ सी़हएँगी मिहया़ ओहङ ख़ूज्यु।
ओ़ह तोहङस्यो सेम्ज्येनकी छापला दि ल़ेहमु याहम्जेम्बाकी ताक्छेनया़ तेन्गेन्गी स्युक खोला तेर्ते येहकें। दिगी पेहतीराङ खोगी जाम्बुलीङकी मिह थाम्ज्यीला गो़ कोर च्य़ूसीन। पादाङगी नाहन्दी काहल्देॱआङ थारक्यो ओ़ह सेम्ज्येनला ची़नाङ पेहच्येला थाम्ज्यीगी खोगी कु जे़दोङ म़ेदी ओ़ह ङ्यिपा सेम्ज्येनगी मिहया़ला कुल्सीन।
ओ़हजेलाराङ सोम्बो सेम्ज्येन ज़्यि दाङ टाहङबु छ्य़े-ठिम ताङगे लोबेन खाल च्यी़ ज़्यिगी ल़ूह स्ये़बुकी कुम्देनला छ्या़ छाल्सीन। ओहले खुङ रे़ह-रे़हगी लाहक्पाला वीणा दाङ टिहमा स्यिहम्बु स्युक्पागी काहङग्यो सेरकी साङबुर येहकें। ओ़ह स्युक्पाकी टिहस्यिहमदी किन्ज्योला स्याहप्तो स्युहएँया़गी ओहर-छ्य़े स्य़ूहक्योकी सोल्वाङया़ यिहम्बा।
ကြော်ငြာတွေ