ज्‍याल्‍गा 14:4 - ह्योल्‍मो

⁴ खुङगी पी़हमी-पेहजाया़ ङ्याम्‍बु ल़ेह चोक्‍पा माहबेबा पेहती राहङला चाङमा ज़्‍या़दी येहकें। ल़ूह स्‍ये़बु का़ह-का़हला फेप नाङगे मिहरोकी तिङदा तिङ ताहदा क्‍याहप्‍ती डोएँया़ दिया़राङ यिहन्‍गे। खुङया़ किन्‍ज्‍यो दाङ ल़ूह स्‍ये़बुकी तेहन्‍दाला मिहया़गी पाहरक्‍यीले रिहन च्‍याल्‍दी खा फ़ेदी ज़्‍या़क्‍योगी फी़ ल़ेहमु यिहम्‍बा।

ज्‍याल्‍गा 14:4 ပူးပေါင်းရင်းမြစ်များ

मत्ती 19:12

पा़हमा मेहबेकें केच्‍याया़ लेहमेन लेहमेनॱराङ ओहङगे च्‍यिबेमाना काहजे मिहया़नी क्‍येएँ यिहन्‍ज्‍युराङ ङुहरुम ओहङगे, लाहलाला लेहमेन मिहया़गी ङुहरुम जे तेरक्‍यो ओहङगे ओहले लाहलादी किन्‍ज्‍योगी क्‍याहल्‍सीगी तेहन्‍दाला पा़हमा मेहबेकेनया़ॱआङ ओहङगे। ता़ह ची़ ख़ूएँया़गीदी दि ताम ची़ज्‍यु।”

मत्ती 25:1

“ओहले स्‍यिहङगामगी क्‍याहल्‍सी पोहमो स्‍यार्मा याहङबा च्‍यु ङ्याम्‍बु तुहर ख़ूएँ। खुङया़गी राहङ-राहङगी लो ख्‍येर्ती माहक्‍पा साम्‍बाला थू़ज्‍येला काहल्‍सीन।

मत्ती 8:19

ओ़हजेलाराङ छ्य़े-ठिमकी लोबेन च्‍यी़ ओहङदी येशूला स्‍युहसीन, “लोबेन लाह, राहङ काहल फेपॱनाङ ङाहॱआङ राहङ ङ्याम्‍बुराङ डोएँ।”

यूहन्‍ना 10:27

ङाहती ल़ूहया़गी ङाहगी ताम ङ्यिहन्‍गे। ङाह खुङया़ला ङोह स्‍य़ेएँ ओहले खुङया़ ङाहती तिङदा तिङ ओहङगे।

यूहन्‍ना 12:26

ङाहला स्‍याहप्‍तो स्‍युहज्‍ये छोल्‍गेन्‍दी ङाहला तिङ ङ्या़ कोहएँ। ओहले ङाह का़हला येहबा, ओ़हला ङाहला स्‍याहप्‍तो स्‍युहएँया़ॱआङ ओहङज्‍ये येह। ङाहती याहपगी ङाहला स्‍याहप्‍तो स्‍युहएँया़ला चा़ जे नाङज्‍ये येह।”

यूहन्‍ना 13:37

ओहले पत्रुसगी येशूला मासीन, “चो़वो, ङाह च्‍यिबे ताहन्‍दाॱराङ राहङला तिङ ङ्यादी ओहङ मी़हखुएँ ले? ङाह राहङगी तेहन्‍दाला स्‍यि कोहॱनाङ स्‍यिएँ।”

यूहन्‍ना 8:12

येहपाराङ येशूगी खुङया़ला सुङ नाङसीन, “ङाह जाम्‍बुलीङगी येहसेर यिहम्‍बा। ङाहला तिङ ङ्या़गेया़ नाहमॱआङ ना़-जुबेला डो कोहज्‍ये म़ेह, यिहॱनाङ खोगी मिहली तेर्केन्‍गी क्‍या-साङे ज्‍योर्च्‍ये येह।”

ल़ेह-पेन 20:28

ता़हनी ख्‍याराङॱआङ जेम्‍बु पेहतोङ, ओहले नाम्‍पार-ताहक्‍पा थुगी ख्‍याला च्‍योल नाङग्‍योकी छो़बाया़लाॱआङ या़हबु पेहती त़ेदोङ। किन्‍ज्‍योगी छेन्‍छोकला या़हबु पेहती कोहरोवा जे नाङदोङ च्‍यिबेमाना चो़वो छ्येवा येशूगी ओ़ह मिहया़ला राहङदीराङ ठा़ स्‍याहल च्‍य़ू नाङदी ङ्योह नाङग्‍यो यिहन।

१ कोरिन्‍थी 16:15

आदा-नो़ह दाङ आज्‍यी-नुहमुया़, ख्‍याया़गी अखैयाला येहकेन्‍गी स्‍तिफनास दाङ खोगी खाङबा म़ेहमे थाम्‍ज्‍यीला ङोह स्‍य़ेएँ। खुङगी थाम्‍ज्‍यी म़ेदी तोहङस्‍यो किन्‍ज्‍योला यिह-छ्य़े पेहक्‍यो येहकें। ताहन्‍दा खुङया़गी मास्‍यीकागी पुह पोहमोया़ला स्‍याहप्‍तो स्‍य़ूहज्‍येला राहङगी मिहजीराङ तेर्ती येहबा।

१ कोरिन्‍थी 6:20

ख्‍याया़ला किन्‍ज्‍योगी रिहन च्‍याल्‍दी ङ्योह नाङग्‍यो यिहम्‍बा। ओ़ह सोङबे ख्‍याया़गी ज़ुबु लाहमले किन्‍ज्‍योला ज़िज्‍यिद फुल्‍दोङ।

१ कोरिन्‍थी 7:28

यिहॱनाङ ख्‍येगी पा़हमा पेहॱनाङ ओ़ह तिहक्‍पानी मिहन। पा़हमा माहबेबा पोहमो स्‍यार्मा याहङबागी पा़हमा पेहकेमु मोहगी तिहक्‍पा पेहक्‍यो मेहयोहङगे। यिहन्‍दी सुङनाङ पा़हमा पेहकेनया़गी दि मिहलीला तुहक्‍पु खुर कोहच्‍ये येह, ओ़ह सोङबे ङाहगी ख्‍याला दि तुहक्‍पुले थार च्‍य़ूज्‍ये छोल्‍ग्‍यो यिहम्‍बा।

२ कोरिन्‍थी 11:2

किन्‍ज्‍योगी ख्‍याया़ला ठादो जे नाङग्‍यो ल़ेहमु ङाहॱआङ ख्‍याया़ला ठादो पेहकें। च्‍यिमे च्‍यी़राङ माहक्‍पा साम्‍बा मास्‍यीका ङ्याम्‍बु ङाहगी ख्‍याया़ला लाङज्‍याङ पेह तेर्सीन, ता़ह ङाह ख्‍याया़ला च्‍यिॱआङ क्‍येन म़ेहबा नाम्‍पार-ताहक्‍पा नामा साम्‍बाला ल़ेहमु पेहती माहक्‍पा साम्‍बागी लाहक्‍पाला च्‍योल्‍ज्‍ये सेम्‍बा येहबा।

एफिसी 1:14

किन्‍ज्‍योगी ताहम्‍ज्‍या ज़्‍या़ नाङग्‍योकी ओङ माहन्‍ज्‍योर थु ओ़ह नाम्‍पार-ताहक्‍पा थुकी बे़ना यिहम्‍बा। ओहराङ किन्‍ज्‍योला त़ेरा तेच्‍या फुल्‍दोङ।

एफिसी 5:27

ओहले मास्‍यीकागी छेन्‍छोकला क्‍या-साङे येहसेर ल़ेहमु जेती राहङगी दिनला ख्‍योङ ख़ूज्‍यु, ओहले ओ़ह छेन्‍छोक च्‍यिॱआङ मेम्‍बा म़ेहबा ओहङ कोहएँ, ङ्येर्माङ छ्या़क्‍यो ओहङज्‍ये मेहयोहङगे, ङ्य़ेहबा-छ्यू़बा म़ेहबा ओहङ कोहएँ, ओहले नाम्‍पार-ताहक्‍पा दाङ च्‍यिॱआङ क्‍येन माहफो़बा ओहङ कोहएँ।

१ तिमोथी 4:3

ओहले खुङया़गी पा़हमा पेहच्‍ये मेहयोहङगे ओहले काहजे से़हया़ साहज्‍येॱआङ मेहयोहङगे म़ेदी लोप्‍कें। यिहॱनाङ यिह-छ्य़े दाङ तेहन्‍दामकी स्‍याहलला ङोह स्‍य़ेगेया़गी थुज्‍यी-छ्ये़ फुल्‍दी दि साहज्‍ये से़हया़ साहज्‍ये ओहङगे च्‍यिबेमाना किन्‍ज्‍योगीॱराङ दि थाम्‍ज्‍यी ज़ो नाङग्‍यो यिहम्‍बा।

हिब्रू 12:23

स्‍यिहङगामला मिहन प्रुह सिहन्‍ग्‍यो तोहङस्‍यो क्‍येक्‍योया़गी छो़बाला ख्‍याया़ ओहङदी येह। ख्‍याया़ मिह थाम्‍ज्‍यीला ठिम ताङ नाङगे किन्‍ज्‍योगी ठिम-खाङला ओहले मिहरोगी याहङ-ताहक्‍पा ज़ो नाङग्‍यो टाहङदेन मिहया़गी नाम्‍स्‍यी येहकें ग्‍या़ला लेप्‍ती येह।

याकूब 1:18

किन्‍ज्‍योगी थुला ठुङग्‍यो सोङबे तेहन्‍दामकी सुङ लाहमले मिहरोगी ओहराङला ज़ो नाङसीन च्‍यिबेमाना मिहरोगी छ्या़ च्‍य़ू नाङग्‍योकी से़हया़ नाहङला ओहराङ तोहङस्‍यो सेदो ल़ेहमुराङ डो ख़ूज्‍यु म़ेदी यिहम्‍बा।

१ पत्रुस 2:9

यिहॱनाङ ख्‍याया़नी दाम्‍ग्‍योगी मिहया़, क्‍याहल्‍बुला स्‍याहप्‍तो स्‍युहएँगी पूजाहारी, नाम्‍पार-ताहक्‍पा क्‍यिहपाया़, किन्‍ज्‍योगी राहङदीराङ मिहया़ यिहम्‍बा। मिहरोगी ख्‍याया़ला ना़-जुबेलेगी याहम्‍जेन छ्येवा जेती क्‍या-साङेला नोम फेन नाङसीन च्‍यिबेमाना ख्‍याया़गी किन्‍ज्‍योकी याहम्‍जेन छ्येवागी छ्या़लेया़ मिहया़ला स्‍युक छ्यिम्‍बु पेहती स्‍ये ख़ूज्‍यु म़ेदी यिहम्‍बा।

ज्‍याल्‍गा 17:14

खुङया़गी ल़ूह स्‍ये़बुला टाह पेहते मा़ क्‍याहप्‍च्‍ये येह, यिहॱनाङ ल़ूह स्‍ये़बुगी खुङया़ला क्‍याहल्‍ज्‍ये येह, च्‍यिबेमाना मिहरो चो़वोया़गी चो़वो ओहले क्‍याहल्‍बुया़दीॱआङ क्‍याहल्‍बु यिहम्‍बा। ओहले मिहरोगी क़े क्‍याहप नाङग्‍यो दाम नाङग्‍यो दाङ यिह-छ्य़ेबाया़ॱआङ मिहरो ङ्याम्‍बुराङ ओहङज्‍ये येह।”

ज्‍याल्‍गा 21:22

ओ़ह क्‍याहसा नाहङला ङाहगी छ्योखाङ च्‍यी़ॱआङ माहथोङ, च्‍यिबेमाना ओङज्‍या छ्यिम्‍बु नोम्‍गेन्‍गी चो़वो किन्‍ज्‍यो दाङ ल़ूह स्‍ये़बुॱराङ ओ़ह क्‍याहसाती छ्योखाङ यिहम्‍बा।

ज्‍याल्‍गा 21:23

ओ़ह क्‍याहसाला क्‍या-साङे ज़ोज्‍येला ङ्यिहमा दाङ दायुम मेहकोहएँ च्‍यिबेमाना किन्‍ज्‍योकी ज़िज्‍यिदॱराङ ओ़ह क्‍याहसाती क्‍या-साङे यिहम्‍बा। ओहले ओ़ह क्‍याहसाती लो़दी ल़ूह स्‍ये़बु राहङराङ यिहम्‍बा।

ज्‍याल्‍गा 3:4

यिहॱनाङ सार्डिसकी छेन्‍छोकला लाहला दि रोहवा मिहया़ॱआङ येहबा, खुङगी राहङगी काप्‍च्‍या चाङमा ज़्‍या़दी येह। खुङ ङाह ङ्याम्‍बु काप्‍च्‍या कार्पु केहन्‍दी डोज्‍ये येह, च्‍यिबेमाना खुङ दि ल़ेहमु पेहच्‍येला सी़हज्‍ये येह।

ज्‍याल्‍गा 5:9

खुङया़गी दि ल़ेहमु म़ेदी लु साम्‍बा च्‍यी़ लेहन्‍सीन, “दि स्‍युगु टिहल्‍मा लेहन्‍ज्‍ये दाङ दि थे़जी रोप्‍ती खा फे़ज्‍येला राहङज्‍यीॱराङ सी़हज्‍ये येह च्‍यिबेमाना राहङला मिहया़गी सेसीन ओहले राहङ ठा़गी थाम्‍ज्‍यी क्‍यिहपा, ताम, लुहङबा दाङ जाम्‍बुलीङगी मिहया़ला किन्‍ज्‍योगी तेहन्‍दाला ङ्योह नाङसीन।