ज्‍याल्‍गा 14:15 - ह्योल्‍मो

¹⁵ ओहले लेहमेन स्‍यिहङगामकी स्‍याहप्‍च्‍यी च्‍यी़ छ्योखाङले थेन्‍दी मुक्‍पा थो़ला ज़्‍य़ू नाङगेन्‍दीला क़े छ्यिम्‍बु तेन्‍दी दि ल़ेहमु मासीन, “राहङगी सोहरा नोम्‍दी कामे तुह नाङदोङ च्‍यिबेमाना ता़ह ती़हजी काहल सिहन्‍सीन। जाम्‍बुलीङकी कामे छ़े सिहन्‍दी येह।”

ज्‍याल्‍गा 14:15 ပူးပေါင်းရင်းမြစ်များ

मत्ती 13:30

तेन्‍दो टू़हगे ती़हजी माहकाहल थु ङ्यिकालाराङ ङ्याम्‍बु-ङ्याम्‍बुराङ छार च्‍य़ूदोङ ओहले तेन्‍दो तो़हगेन ती़हजीला ङाह ल़ेहमीया़ला तोहङले युहक्‍पी रुहप पेहती मेहला सा़ज्‍येला बिरा ताहम्‍दोङ ओहले ने़हदी ती़हदी चाहङला ज़्‍या़दोङ म़ेदी माएँ।”

मत्ती 13:39

युहक्‍पीगी सेन ताप्‍केन टाहदी ती़ह गो-छ्येवा यिहम्‍बा ओहले तेन्‍दो तो़हगेन ती़हजी माक्‍योदी दि जाम्‍बुलीङ तोङगे ङ्यिहमा यिहम्‍बा ओहले तेन्‍दो टूहएँ दाङ तो़हगेन ल़ेहमीया़दी स्‍यिहङगामकी स्‍याहप्‍च्‍यीया़ यिहम्‍बा।

मत्ती 23:32

ता़ह ख्‍याया़गी आख्‍ये मे़हमेया़गी छ़ूक्‍योगी ल़ेह छाङबु पेहतोङ।”

मर्कूस 4:29

ओहले तेन्‍दो छ़े फान्‍ज्‍यो खोगी सोहरागी तेन्‍दो ङाएँ च्‍यिबेमाना ओहजेला तेन्‍दो रूगे ती़हजी काहल सिहन्‍ग्‍यो ओहङगे।”

१ थेसलोनिकी 2:16

लेहमेन क्‍यिहपाकी मिहया़ला थार्पा तेर्केन्‍की या़हबु लेहङगु ङ्यिहला स्‍ये मा़हच्‍यु। दि ल़ेहमु पेहती किन्‍ज्‍योगी ज़ी़नाङला खुङया़गी गो़ तिहक्‍पागी काहङदी काहल्‍सीन। यिहॱनाङ ता़ह ज्‍युक्‍स्‍योलला किन्‍ज्‍योगी थुयाल खुङ थो़ला बाप्‍ती येह।

ज्‍याल्‍गा 11:19

ओहले स्‍यिहङगामला किन्‍ज्‍योकी छ्योखाङ खा फ़ेसीन, ओहले छ्योखाङ नाहङला ताहम्‍ज्‍या ज़्‍या़ नाङग्‍योकी काहम थोङसीन। ओ़ह तिङला येहसेर क्‍याहप्‍सीन। ज़ी़ज्‍ये ल़ेहमु क़ेया़ ओहले गड्याङ-गुडुङ म़ेदी नाम क़े तेन्‍ग्‍यो थ़ेसीन। साङगुल ओहङसीन ओहले छ्यिम्‍बु-छ्यिम्‍बु सेराया़ क्‍याहप्‍सीन।

ज्‍याल्‍गा 13:12

खोगी तोहङस्‍यो सेम्‍ज्‍येनकी ओङ लाहमलेॱराङ ओ़ह सेम्‍ज्‍येनकी छापला ओङ छ्य़ेसीन ओहले जाम्‍बुलीङ दाङ ओ़हला तेहकेन्‍गी मिह थाम्‍ज्‍यीला खोगी तोहङस्‍यो सेम्‍ज्‍येनला छ्येपा फुल च्‍य़ूसीन। ओ़ह सेम्‍ज्‍येनदी नाहन्‍दी छ्यिम्‍बु टा़ह सिहन्‍ग्‍यो येहकें।

ज्‍याल्‍गा 14:14

दि तिङले ङाहगी तासीन ओहले मुक्‍पा कार्पु च्‍यी़ दाङ ओ़ह थो़ला ज़्‍य़ू नाङग्‍यो मिहगी स़ेबु ल़ेहमु मेहन्‍दा च्‍यी़ला थोङसीन। मिहरोगी उला सेरकी पेस्‍यो दाङ छ्या़ला सोहरा नुम्‍बु च्‍यी़ नोम्‍ग्‍यो येहकें।

ज्‍याल्‍गा 14:16

दि ल़ेहमु पेहती मुक्‍पा थो़ला ज़्‍य़ू नाङगेन्‍दीगी राहङगी सोहरा नोम्‍दी जाम्‍बुलीङगी कामेया़ तुह नाङसीन।

ज्‍याल्‍गा 14:17

दि तिङले ङाहगी स्‍यिहङगामला किन्‍ज्‍योकी छ्योखाङले फेप्‍क्‍यो लेहमेन स्‍यिहङगामकी स्‍याहप्‍च्‍यी च्‍यी़ थोङसीन। मिहरोकी छ्या़लाॱआङ सोहरा नुम्‍बु च्‍यी़ येहकें।

ज्‍याल्‍गा 14:18

ओहले मेह थो़ला ओङ येहकेन लेहमेन स्‍यिहङगामकी स्‍याहप्‍च्‍यी च्‍यी़ छ्येकाङले फेप्‍सीन। मिहरोगी सोहरा नोम्‍गे स्‍यिहङगामकी स्‍याहप्‍च्‍यीला क़े छ्यिम्‍बु तेन्‍दी दि ल़ेहमु सुङ नाङसीन, ख्‍ये लाहक्‍पाला येहकेन सोहरा नुम्‍बु लेहन्‍दी जाम्‍बुलीङकी कुहन्‍डुमया़ तिहदोङ, च्‍यिबेमाना ता़ह जाम्‍बुलीङकी कुहन्‍डुमया़ या़हबु पेहती छ़े सिहन्‍दी येह।

ज्‍याल्‍गा 15:6

चाङमा दाङ येहपा छ्याएँ थु नाहम्‍सा नोम्‍दी प्राहङगोला सेरकी थाक्‍पा ल़ेहमुज्‍यी ताहम्‍ग्‍यो स्‍यिहङगामकी स्‍याहप्‍च्‍यी तिहन ज्‍युक्‍स्‍योलला बाप ओहङगेन्‍गी तुहक्‍पु तिहन नोम्‍दी छ्योखाङले फिला थेन फेप्‍सीन।

ज्‍याल्‍गा 16:17

ओहले तिहम्‍बा स्‍यिहङगामकी स्‍याहप्‍च्‍यीगी राहङगी फार्को ल्‍हा़बाला पुङ नाङसीन। ओहले छ्येकाङकी ज़्‍य़ूॱठिलेगी सुङ-क़े छ्यिम्‍बुच्‍यीगी दि ल़ेहमु सुङ नाङग्‍यो थ़ेसीन, “ता़ह सिहन्‍सीन।”

ज्‍याल्‍गा 6:10

ओहले खुङया़गी दि ल़ेहमु म़ेदी क़े छ्यिम्‍बु तेन्‍सीन, “ओ़ नाम्‍पार-ताहक्‍पा, तेहन्‍दाम दाङ ओङज्‍या छ्यिम्‍बु नोम नाङगेन्‍गी चो़वो छ्येवा! ङ्यिहला सेक्‍यो सोङबे जाम्‍बुलीङकी मिहया़ला नाहम थु ठिम ताङदे ङ्य़ेहबा काल नाङगे?”