Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ज्‍याल्‍गा 14:13 - ह्योल्‍मो

13 दि तिङले ङाहगी स्‍यिहङगामले दि ल़ेहमु सुङग्‍यो सुङ-क़े च्‍यी़ थ़ेसीन, “दि ताम प्री़हदोङ: ता़ह यिहन्‍ज्‍यु चो़वोला यिह छ्य़ेदी स्‍यिएँया़ काहजे सोनाम-साक्‍पु।” नाम्‍पार-ताहक्‍पा थुगी दि ल़ेहमु सुङ नाङगु दु, “यिहम्‍बा, च्‍यिबेमाना ता़ह यिहन्‍ज्‍यु खुङया़गी राहङगी तुहक्‍पु दाङ कादुपले थाङ सो ङ्युहङज्‍ये येह ओहले खुङया़गी ल़ेह खुङ ङ्याम्‍बुराङ ओहङज्‍ये येह।”

အခန်းကိုကြည့်ပါ။ ကော်ပီ




ज्‍याल्‍गा 14:13
41 ပူးပေါင်းရင်းမြစ်များ  

ओ़हजेलाराङ स्‍यिहङगामले, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ सेम काहसो येह” म़ेदी माएँ सुङ-क़े च्‍यी़ थ़ेसीन।


ओहले अब्राहामगी मासीन, ‘पुह, ख्‍येला टेहम्‍बा म़ेहबा? काहल्‍ग्‍योगी छेला ख्‍येगी क्‍यिपु ज्‍योर्सीन, लाजरसकीनी तुहक्‍पु च्‍यी़राङ तुहक्‍पु खुर्सीन! ओहले ताहन्‍दानी लाजरसगी देला क्‍यिपु दाङ काहसो ज्‍योर्ती येह ओहले ख्‍येगीदी ओ़हला तुहक्‍पु ङ्युहङदी येहबा।


“ङाहगी ख्‍याला माएँ, जाम्‍बुलीङगी क्‍युहगी ङ्येहवाया़ जे़दोङ ओहले ओ़ह क्‍युह चो़हगे ती़हजीला ख्‍याला नाहमॱआङ था-मे़हछ्येएँगी ग्‍या़ला फेप स्‍युहज्‍ये येह।”


का़हलेॱआङ ओहराङ थार्के मासीमाना चो़वोकी तेहन्‍दालाराङ थार्के ओहले स्‍यिएँ मासीमानाॱआङ चो़वोकी तेहन्‍दालाराङ स्‍यिएँ। ओ़ह सोङबे ओहराङ थार्नाॱआङ, स्‍यिॱना़ङ ओहराङ चो़वोदीॱराङ यिहन।


ओ़हठी यिहन्‍सीमाना मास्‍यीकाला यिह-छ्य़े पेहती स्‍यिक्‍योया़ॱआङ थाम्‍ज्‍यीराङ तोङसीन।


यिहॱनाङ मास्‍यीकानी टोहङदीॱआङ येहपाराङ सोम्‍बो ज़्‍याङ नाङसीन। ओहले टोहङग्‍योया़लेगी थाम्‍ज्‍यी म़ेदी तोहङस्‍यो सोम्‍बो ज़्‍याङ नाङगेन्‍दी मास्‍यीका यिहन्‍गे सोङबे स्‍यिक्‍यो मिहया़ॱआङ तिङले येहपाराङ सोम्‍बो लो़हज्‍ये येह माएँ तामगी दास्‍यीती मास्‍यीकाॱराङ यिहम्‍बा।


ओ़ह सोङबे ङाहगी च्‍याहम्‍बु आदा नो़ह दाङ आज्‍यी-नुहमुया़, ख्‍या सेम माहयाहङबा पेहती थिक-चि पेहती तेहतोङ। चो़वोगी छ्या़लेला ख्‍या नाहम-माना याहरक्‍यी पेहती सोङ। च्‍यिबेमाना ख्‍याया़ला क्‍यी़हराङ येहबा, चो़वोगी तेहन्‍दाला पेहक्‍योगी ख्‍याया़गी तुहक्‍पु नाहमॱआङ थोरो डोज्‍ये म़ेह।


ङ्यिह का मे़हक्‍याहल्‍गे, तोहरोङ ज़ुबु लाहमले खा फ़ेदी चो़वो ङ्याम्‍बु तेहच्‍ये सेम्‍बा येहबा।


का़हलेॱआङ ख्‍यागी फुल्‍ग्‍यो यिह-छ्य़ेकी मार्च्‍येला ङाहतीॱआङ ठा़ मार्च्‍ये ल़ेहमुराङ पेहती फुल्‍दी स्‍याहल च्‍य़ू कोहॱनाङ ङाहला काहसो येह, ओहले ङाह ख्‍या थाम्‍ज्‍यी ङ्याम्‍बु क़ेहनाङ पेहकें।


च्‍यिबेमाना येशू टोङदीॱआङ येहपाराङ सोम्‍बो ज़्‍याङ नाङसीन माएँ तामला ङ्यिहगी यिह छ्य़ेक्‍यो येह। ओ़ह ल़ेहमुराङ पेहती किन्‍ज्‍योला यिह छ्य़ेदी स्‍यि सिहन्‍ग्‍योया़ला मिहरोगी येशू ङ्याम्‍बुराङ नोम फेप नाङज्‍ये येह म़ेदी ङ्यिहगी यिह छ्य़ेगे।


च्‍यिबेमाना चो़वो राहङदीराङ कागी सुङ-क़े छ्यिम्‍बुच्‍यी तेन्‍दी, स्‍यिहङगामकी गो-छ्येवा स्‍याहप्‍च्‍यीकी सुङ-क़े दाङ किन्‍ज्‍योगी रोहवा-लीङकी सुङ-क़े ङ्याम्‍बु स्‍यिहङगामले माहर फेप नाङज्‍ये येह, ओहले येशू मास्‍यीकाला यिह छ्य़ेदी स्‍यिक्‍योया़ थाम्‍ज्‍यी म़ेदी तोहङले सोम्‍बो लाहङज्‍ये येह।


चो़वो येशू फेप नाङगेमु ओहराङ स्‍यिदी काहल्‍ग्‍यो यिहॱनाङ, सोम्‍बो लिहक्‍यो यिहॱनाङ ओहराङ मिहरो लाहमलेॱराङ थार ख़ूज्‍यु म़ेदीराङ मास्‍यीका ओहराङगी तेहन्‍दाला टोहङ नाङसीन।


लाहला मिहया़दीनी तिहक्‍पा छ्यिसाल-नाहङसालाॱराङ पेहती थोङगेन्‍दी ओहङगे ओहले खुङया़ला तोहङलेराङ ङ्य़ेहबा फोएँ। यिहॱनाङ काहजे मिहया़गी तिहक्‍पादी तिङ-तिङले च्‍यी़राङ थोङगेन्‍दी ओहङगे।


ओ़ह ल़ेहमुराङ पेहती काहजे या़हबु ल़ेहया़दी तोहङलेराङ छ्यिसाल-नाहङसाल पेहती थोङगे। ओहले छ्यिसाल-नाहङसाल पेहती माहथोङबाकी ल़ेहया़ हिप्‍तीॱआङ तेह मी़हखुएँ।


ख्‍येगी थोङग्‍योकी तामया़ ता़ह यिहगी च्‍यी़ला प्री़हदीॱमाराङ एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया दाङ लाउडिकिया क्‍याहसाला येहकेन्‍गी छेन्‍छोक तिहन्‍गालाॱराङ ताङदोङ।


लेहमा तिहन थु नाम दिर्क्‍यो ल़ेहमु क़े तेन लुहङ म़ेहबा ङाहगी प्रुहज्‍येॱराङ पेहक्‍यो येहकें ओ़ह ती़हजीलाराङ स्‍यिहङगामले दि ल़ेहमु सुङ नाङग्‍यो ङाहगी थ़ेसीन “ओ़ह लेहमा तिहन थु नाम गड्याङ-गुडुङ पेहती क़े तेन्‍ग्‍योकी ताम माहप्रुह यिहॱनाङ दि ताम सेमला पे़हदी ज़्‍या़दोङ।”


ओहले तिहम्‍बा स्‍यिहङगामकी स्‍याहप्‍च्‍यीगी राहङ ङ्याम्‍बु येहकेन्‍की रोहवा-लीङ फुसीन, ओहले स्‍यिहङगामला छ्यिम्‍बु-छ्यिम्‍बु सुङ-क़ेगी दि रोहवा सुङ नाङसीन, “जाम्‍बुलीङगी क्‍याहल्‍सी ओहराङ चो़वो दाङ किन्‍ज्‍योकी मास्‍यीकागी क्‍याहल्‍सी काहल्‍दे येह ओहले मास्‍यीकागी नाहम्‍स्‍यी किन्‍दु ओङ छ्य़े नाङज्‍ये येह।”


ओहले स्‍यिहङगामला किन्‍ज्‍योकी छ्योखाङ खा फ़ेसीन, ओहले छ्योखाङ नाहङला ताहम्‍ज्‍या ज़्‍या़ नाङग्‍योकी काहम थोङसीन। ओ़ह तिङला येहसेर क्‍याहप्‍सीन। ज़ी़ज्‍ये ल़ेहमु क़ेया़ ओहले गड्याङ-गुडुङ म़ेदी नाम क़े तेन्‍ग्‍यो थ़ेसीन। साङगुल ओहङसीन ओहले छ्यिम्‍बु-छ्यिम्‍बु सेराया़ क्‍याहप्‍सीन।


ओहले तिहम्‍बा स्‍यिहङगामकी स्‍याहप्‍च्‍यीगी राहङगी फार्को ल्‍हा़बाला पुङ नाङसीन। ओहले छ्येकाङकी ज़्‍य़ूॱठिलेगी सुङ-क़े छ्यिम्‍बुच्‍यीगी दि ल़ेहमु सुङ नाङग्‍यो थ़ेसीन, “ता़ह सिहन्‍सीन।”


दि तिङले स्‍यिहङगामकी स्‍याहप्‍च्‍यीगी ङाहला दि ल़ेहमु सुङ नाङसीन, “दि ताम प्री़हदोङ, ल़ूह स्‍ये़बुकी पा़हमागी डेनला पाहङज्‍येन क्‍याहप्‍क्‍योगी मिहया़ काहजे सोनाम-साक्‍पु!” येहपाराङ ङाहला स्‍यिहङगामकी स्‍याहप्‍च्‍यीगी सुङ नाङसीन, “दि स्‍याहल किन्‍ज्‍योगी सुङ नाङग्‍योकी तेहन्‍दामगी सुङ यिहम्‍बा।”


“एफिससकी छेन्‍छोकला चारा पेहकेन स्‍यिहङगामकी स्‍याहप्‍च्‍यीला दि ताम प्री़हदोङ: ‘कार्मा तिहन राहङगी योबा छ्या़ला नोम्‍गे दाङ सेरकी छ्येकुङ तिहनकी पाहरक्‍यीले फेप्‍केन्‍दीगी दि ल़ेहमु सुङ नाङसीन।


सुती नाम्‍ज्‍यो येहबा खोगी ङ्यिहन्‍ज्‍यु, किन्‍ज्‍योकी थुगी छेन्‍छोकया़ला च्‍यि सुङ नाङगेराङ येहबा। सुगी क्‍याहल्‍गे ओ़हदीला ङाह किन्‍ज्‍योकी स्‍यिहङगामकी क्‍याहल्‍सीला येहकेन्‍की मिहली तेर्के तोहङबोकी सेदो साहज्‍येला तेर्च्‍ये येह।’”


तोहङस्‍यो सोम्‍बो लो़हदी लाहङगेया़ काहजे सोनाम-साक्‍पु दाङ नाम्‍पार-ताहक्‍पा। खुङया़ला ङ्यिपा स्‍यिवागी च्‍यिॱआङ पेह मी़हखुएँ, यिहॱनाङ खुङ किन्‍ज्‍यो दाङ मास्‍यीकाकी पूजाहारी काहल्‍दी मिहरो ङ्याम्‍बु लो़ह तोङरा च्‍यी़ थु ओङ छ्य़े ङ्युहङज्‍ये येह।


ओहले ज़्‍य़ू-ठिला ज़्‍य़ू नाङगेन किन्‍ज्‍योगी ङाहला सुङ नाङसीन, “त़ेदोङ, ता़ह ङाह थाम्‍ज्‍यीराङ से़हया़ साम्‍बा ज़ोएँ।” मिहरोगी ङाहला दि ल़ेहमुॱआङ सुङ नाङसीन, “दि प्री़हदोङ, च्‍यिबेमाना दि तेहन्‍दाम दाङ सेमले खाल ख़ूएँगी ताम यिहम्‍बा।”


नाम्‍पार-ताहक्‍पा थु दाङ नामा साम्‍बागी दि ल़ेहमु सुङ नाङगु दु, “फेप नाङदोङ।” सुगी ङ्यिहन्‍गे खोगी माज्‍यु, “फेप नाङदोङ।” सु कोम्‍गे खो ओहङज्‍यु, ओहले सुगी सेम्‍बा पेहकें खोगी मिहलीगी छ्यु आहन्‍डाराङ थुङज्‍यु।


खुङ ऱेह-ऱेहला काप्‍च्‍या कार्पु च्‍यी़ नाङसीन, ओहले खुङया़ला दि ल़ेहमु सुङ नाङसीन, “ख्‍या ङ्याम्‍बुराङ ल़ेह पेहकेन्‍गी ख्‍यागी रो़ह दाङ नो़हया़ला ख्‍याया़ला ल़ेहमुराङ पेहती माहसे थु ख्‍या तोहरोङॱआङ तोबा थु थाङ से़दोङ।”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ