ज्‍याल्‍गा 14:12 - ह्योल्‍मो

¹² ओ़ह सोङबे किन्‍ज्‍योकी का ची़गे दाङ येशूला तेहपा पेहकें किन्‍ज्‍योकी नाम्‍पार-ताहक्‍पा मिहया़ ना़स्‍यीङ छ्यिम्‍बु पेहती तेह कोहएँ।

ज्‍याल्‍गा 14:12 ပူးပေါင်းရင်းမြစ်များ

२ तिमोथी 4:7

ङाहगी मा़ या़हबु क्‍याहप सिहन्‍दी येह। ङाहगी छ्योङ कोहएँकी ल़ेह सिहन्‍दा च्‍ये सिहन्‍दी येह ओहले ङाहगी यिह-छ्य़ेला सी़दे ज़्‍या़दी येह।

१ यूहन्‍ना 2:3

ओहराङगी मिहरोगी काया़ ङ्यिहन्‍सीन माना तेहम्‍बाराङ ओहराङगी मिहरोला ङोह स्‍य़ेक्‍यो दु म़ेदी ह्‍अ कोह ख़ूएँ।

ज्‍याल्‍गा 12:17

ओहजेला ओ़ह डुक पी़हमी ङ्याम्‍बु जेन माहङबु स्‍यिहङताङ लाहङसीन ओहले मोहगी छार्क्‍यीनया़, किन्‍ज्‍योकी का ची़गेया़ दाङ येशूकी लुहङ थो़ला यिह-छ्य़ेबु येहकेनया़ ङ्याम्‍बु मा़ क्‍याहप्‍च्‍येला काहल्‍सीन।

ज्‍याल्‍गा 13:10

चोन-खाङला डो कोहएँदी चोन-खाङलाराङ डोज्‍ये येह, पादाङगी तुप्‍ती स्‍यि कोहएँया़ पादाङगीॱराङ तुप्‍ती स्‍यिज्‍ये येह। ओ़ह सोङबे किन्‍ज्‍योकी मिहया़ ङ्याम्‍बु ना़स्‍यीङ छ्यिम्‍बु दाङ तेहपा ओहङ कोहएँ।

ज्‍याल्‍गा 2:13

ख्‍याया़ ती़हगी ॱठि येहकें ग्‍या़ला बा़सा तेहकें म़ेदी ङाहला क्‍यी़ह येह। यिहॱनाङ ख्‍या ङाहती मिहनला थिक-चि पेहती तेहकें। ङाहती यिह-छ्य़ेबु पाङबु एन्‍टिपासकी ती़हजीलाॱआङ ङाह थो़ला ज़्‍या़क्‍योकी तेहपा ख्‍याया़गी माहक्‍युर। ती़ह गो-छ्येवा तेहकें ग्‍या़ला ख्‍याया़गी पाहरक्‍यीलाराङ खोला सेसीन।

ज्‍याल्‍गा 3:10

ख्‍येगी ना़स्‍यीङ छ्यिम्‍बु पेहती ङाहगी काया़ ची़क्‍यो सोङबे, ता़ह थाम्‍ज्‍यी क्‍यिहपाया़ला ङ्याहम च्‍येच्‍येला दि जाम्‍बुलीङ थो़ला बाप ओहङज्‍ये पेहक्‍यो तुहक्‍पुलेगी ङाह ख्‍येला थार च्‍य़ूज्‍ये येह।

ज्‍याल्‍गा 3:8

ङाहला ख्‍येगी ल़ेहया़ क्‍यी़ह येह। त़ेदोङ, ङाहगी ख्‍येगी दिनला कोह खा फे़ ज़्‍या़दी येह, ओ़हदी सुज्‍यीगीॱआङ क्‍याहप ख़ूज्‍ये म़ेह। ओहले ख्‍ये ङ्याम्‍बु स्‍युक ङ्ये़हमु येहॱनाङ ख्‍येगी ङाहगी थाम्‍ज्‍यी काया़ ची़दे येह, ओहले ङाहगी मिहन मा-लोक पेहती म़ेह।