Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ज्‍याल्‍गा 13:2 - ह्योल्‍मो

2 ङाहगी थोङग्‍योकी ओ़ह सेम्‍ज्‍येन प्रा़ह-च्‍येन ल़ेहमु येहकें। खोगी काङबाया़ तोहमदी ल़ेहमु येहकें ओहले खादी सिङग्‍यीदी ल़ेहमु येहकें। ओ़ह डुकगी राहङदी स्‍युक, ॱठी दाङ ओङ छ्यिम्‍बु ओ़ह सेम्‍ज्‍येनला तेर्सीन।

အခန်းကိုကြည့်ပါ။ ကော်ပီ




ज्‍याल्‍गा 13:2
27 ပူးပေါင်းရင်းမြစ်များ  

यिहॱनाङ लेहमेहन क्‍यिहपागी मिह थाम्‍ज्‍यीगी ङ्यिहन ख़ूज्‍यु म़ेदी चो़वो ङाह ङ्याम्‍बु ज़्‍य़ू नाङसीन, ओहले निङ थाक्‍पा यिहन्‍ज्‍युराङ किन्‍ज्‍योकी सुङ प्रा-साल्‍ज्‍येला ङाहला ओङ नाङसीन। ओहले चो़वोगी ङाहला सिङग्‍यी-ता़गी खाले थार च्‍य़ू नाङसीन।


जेम्‍बु पेह, ओहले ङ्यि छेत्‍ती तेहतोङ, ख्‍याया़गी टाह दियाबलस सुला च्‍य़ेह सिहन्‍वा ओहले दाकराङ ताङज्‍ये म़ेदी ङाहर्केंन्‍गी सिङग्‍यी कार्मु ल़ेहमु छोल्‍दी डोएँ।


ओहले ओ़ह डुकगी राहङला जाम्‍बुलीङला क्‍युरक्‍यो दुबा म़ेदी क्‍यी़ह ज्‍योर फान्‍ज्‍यो खोगी ओ़ह पुह क्‍येक्‍यो आमाला ङेच्‍ये छ़ूसीन।


ओ़ह पी़हमीला रिह-स्‍योलोगी ख्‍येर च्‍य़ू म़ेदी ओ़ह डुकगी राहङ खालेगी चाङबु ल़ेहमुराङ छ्यु तेन्‍सीन।


दि ल़ेहमु पेहते ओ़ह डुक, खो ताहङबोकी प्रुहल यिहन्‍गे, खो थाम्‍ज्‍यी जाम्‍बुलीङला गो़ कोर च्‍य़ूएँगी दियाबलस दाङ ती़ह गो-छ्येवा यिहम्‍बा। खो दाङ खोगी स्‍याहप्‍च्‍यीया़ला स्‍यिहङगामले माहर जाम्‍बुलीङला क्‍युर ज़ाङग्‍यो येहकें।


खोगी तोहङस्‍यो सेम्‍ज्‍येनकी ओङ लाहमलेॱराङ ओ़ह सेम्‍ज्‍येनकी छापला ओङ छ्य़ेसीन ओहले जाम्‍बुलीङ दाङ ओ़हला तेहकेन्‍गी मिह थाम्‍ज्‍यीला खोगी तोहङस्‍यो सेम्‍ज्‍येनला छ्येपा फुल च्‍य़ूसीन। ओ़ह सेम्‍ज्‍येनदी नाहन्‍दी छ्यिम्‍बु टा़ह सिहन्‍ग्‍यो येहकें।


मिहया़गी डुकला छ्येपा फुल्‍गो येहकें, च्‍यिबेमाना खोगी राहङदी ओङ ओ़ह सेम्‍ज्‍येनला तेरक्‍यो येहकें। खुङया़गी दि ल़ेहमु म़ेदी ओ़ह सेम्‍ज्‍येनला छ्येपा फुल्‍सीन, “दि सेम्‍ज्‍येन ल़ेहमु लेहमेन सु येहबा? खो ङ्याम्‍बु मा़ क्‍याहप ख़ूएँ सु येहबा?”


ओहले ङाबा स्‍यिहङगामकी स्‍याहप्‍च्‍यीगी राहङगी फार्को सेम्‍ज्‍येनकी ठिला पुङ नाङसीन। ओहले खोगी क्‍याहल्‍सी ना़-जुबे काहल्‍सीन। ओहले तुहक्‍पु-तुहङालगी पेहती मिहया़गी सो मुहर्सीन।


“ख्‍येगी थोङग्‍योकी रोहवा च्‍य़ूदी क्‍याहल्‍बु च्‍यु यिहम्‍बा, खुङया़गी ताहन्‍दा थु क्‍याहल्‍बु पेहच्‍येला ओङ ज्‍योर्ती म़ेह। यिहॱनाङ खुङया़गी ओ़ह सेम्‍ज्‍येन ङ्याम्‍बु ङ्यिहमा ङ्युहङसेगी तेहन्‍दाला क्‍याहल्‍बुगी ओङ ज्‍योर्च्‍ये येह।


ओहले ओ़ह सेम्‍ज्‍येन दाङ खोगी छापला याहम्‍जेम्‍बाकी ताक्‍छेनया़ तेन्‍गे ओ़ह चिहन क्‍याहप्‍के लुहङतेम्‍बालाॱआङ ज़ुङसीन। दि याहम्‍जेम्‍बागी ल़ेहया़ लाहमले ओ़ह चिहन क्‍याहप्‍कें लुहङतेम्‍बागी ओ़ह सेम्‍ज्‍येनगी पार क्‍याहप्‍कें दाङ खोगी कुला छ्येपा फुल्‍गे थाम्‍ज्‍यीला गो़ कोर च्‍य़ूदी येहकें। ओ़ह ङ्यिकालाराङ ती़हदी तेहक्‍यो मेहबुङगी छो नाहङला सोम्‍बोराङ क्‍युर चाहङसीन।


ख्‍याया़ ती़हगी ॱठि येहकें ग्‍या़ला बा़सा तेहकें म़ेदी ङाहला क्‍यी़ह येह। यिहॱनाङ ख्‍या ङाहती मिहनला थिक-चि पेहती तेहकें। ङाहती यिह-छ्य़ेबु पाङबु एन्‍टिपासकी ती़हजीलाॱआङ ङाह थो़ला ज़्‍या़क्‍योकी तेहपा ख्‍याया़गी माहक्‍युर। ती़ह गो-छ्येवा तेहकें ग्‍या़ला ख्‍याया़गी पाहरक्‍यीलाराङ खोला सेसीन।


ओहले मिहरोगी ओ़ह डुकला ज़ुङदी लो़ह तोङरा च्‍यी़ थु ताहम्‍दी ज़्‍या़ नाङसीन। ओ़ह डुकदी ताहङबो प्रुहल, ङ्येहम्‍बा नाम्‍स्‍यीगी क्‍याहल्‍बु दाङ ती़ह गो-छ्येवा यिहन्‍गे।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ