ज्याल्गा 13:16 - ह्योल्मो16 ओहले खोगी फेमा दाङ छ्यिम्बु, छ्युक्पु दाङ प्राङबु, योक्पु दाङ योक्पु माहबेबा थाम्ज्यीला राहङदी योबा लाहक्पाला क्यिनी प्रालाला पार क्याहप च्य़ूसीन। အခန်းကိုကြည့်ပါ။ |
ज्याल्गा 13:16
26 ပူးပေါင်းရင်းမြစ်များ
च्यिबेमाना च्यिमे च्यी़राङ नाम्पार-ताहक्पा थु लाहमले ओहराङ थाम्ज्यीगी ज़ुबु च्यी़लाॱराङ बप्तिस्मा ज्योर्ती येह– यहूदी यिहॱना़ यिहन, ग्रीक यिहॱना़ यिहन, योक्पु यिहॱना़ यिहन, सुज्यीगी योक्पु माहबेबाकी मिह यिहॱना़ यिहन, ओहराङ थाम्ज्यीला च्यिमे च्यी़राङ नाम्पार-ताहक्पा थु लाहमले थुङज्येला नाङसीन।
ओहले क्यिहपा-क्यिहपाकी मिहया़ स्यिहताङ लाहङदी येह, यिहॱनाङ ता़ह राहङगी थुयाल ज़्याङगेन्गी ती़हजी लेप्सीन। राहङगी ता़ह स्यिक्यो मिहया़ला ठिम ताङ नाङगेन्गी ती़हजी लेप्ते येह। राहङला स्याहप्तो स्युहएँया़, लुहङतेम्बाया़, राहङगी दाम नाङग्योकी मिहया़ ओहले राहङगी छेनकी ज्यिक्पा खुर्के फ़ेमा-छ्यिम्बु थाम्ज्यीला च्याहगा नाङगेन्गी ती़हजी ओहले जाम्बुलीङला तोङ च्य़ूगेया़ला सिहन्दा च्येकेन्गी ती़हजी लेप्ते येह।”
ओहले ओ़ह सेम्ज्येन दाङ खोगी छापला याहम्जेम्बाकी ताक्छेनया़ तेन्गे ओ़ह चिहन क्याहप्के लुहङतेम्बालाॱआङ ज़ुङसीन। दि याहम्जेम्बागी ल़ेहया़ लाहमले ओ़ह चिहन क्याहप्कें लुहङतेम्बागी ओ़ह सेम्ज्येनगी पार क्याहप्कें दाङ खोगी कुला छ्येपा फुल्गे थाम्ज्यीला गो़ कोर च्य़ूदी येहकें। ओ़ह ङ्यिकालाराङ ती़हदी तेहक्यो मेहबुङगी छो नाहङला सोम्बोराङ क्युर चाहङसीन।
ओहले ङाहगी ज्यू़-ठिया़ दाङ ओ़ह खाला ज़्य़ू नाङगेनया़ला थोङसीन, खुङया़ला ठिम ताङगेन्गी ओङ नाङदी येहकें। येशूगी पाङबु तेहक्यो सोङबे ओहले किन्ज्योगी सुङ प्रा साल्ग्यो सोङबे मिहगी लाहक्पाले पेहती स्यि कोहक्यो मिहगी नाम्स्यीया़ॱआङ ङाहगी थोङसीन। खुङया़गी ओ़ह सेम्ज्येन दाङ खोगी कुला छ्येपा माहफुल येहकें ओहले राहङगी प्राला दाङ लाहक्पाला ओ़ह सेम्ज्येनदी पार माहक्याहप येहकें। खुङ येहपाराङ सोम्बो लो़हदी लाहङसीन ओहले लोह तोङरा च्यी़ थु मास्यीका ङ्याम्बु ओङ छ्य़ेसीन।
ကြော်ငြာတွေ