ज्याल्गा 13:10 - ह्योल्मो10 चोन-खाङला डो कोहएँदी चोन-खाङलाराङ डोज्ये येह, पादाङगी तुप्ती स्यि कोहएँया़ पादाङगीॱराङ तुप्ती स्यिज्ये येह। ओ़ह सोङबे किन्ज्योकी मिहया़ ङ्याम्बु ना़स्यीङ छ्यिम्बु दाङ तेहपा ओहङ कोहएँ। အခန်းကိုကြည့်ပါ။ |
ज्याल्गा 13:10
29 ပူးပေါင်းရင်းမြစ်များ
ओहले क्यिहपा-क्यिहपाकी मिहया़ स्यिहताङ लाहङदी येह, यिहॱनाङ ता़ह राहङगी थुयाल ज़्याङगेन्गी ती़हजी लेप्सीन। राहङगी ता़ह स्यिक्यो मिहया़ला ठिम ताङ नाङगेन्गी ती़हजी लेप्ते येह। राहङला स्याहप्तो स्युहएँया़, लुहङतेम्बाया़, राहङगी दाम नाङग्योकी मिहया़ ओहले राहङगी छेनकी ज्यिक्पा खुर्के फ़ेमा-छ्यिम्बु थाम्ज्यीला च्याहगा नाङगेन्गी ती़हजी ओहले जाम्बुलीङला तोङ च्य़ूगेया़ला सिहन्दा च्येकेन्गी ती़हजी लेप्ते येह।”
ओ़ह सेम्ज्येन तोहङले सोम्बो येहकें यिहॱनाङ ताहन्दादी म़ेह। ओ़हदी साप्स्यी तिहङले थेन्ज्ये येह ओहले तोङज्ये येह। ओहले जाम्बुलीङ छ्या़ले यिहन्ज्यु मिहलीगी छ्य़ेला मिहन मा़हप्रीहबा जाम्बुलीङगी मिहया़गी ओ़ह सेम्ज्येनला थोङदी ह्अ ल़ेहज्ये येह च्यिबेमाना खो सोम्बो येहकें, ताहन्दा स्यिदी येह। यिहॱनाङ खो येहपाराङ ओहङज्ये येह।
ख्येगी कादुप च्येती पेहक्योगी ल़ेह ओहले ख्येगी ना़स्यीङ छ्यिम्बु पेहक्योदी ङाहला क्यी़ह येह। ख्येगी मिह ङ्येहम्बाया़ला ना़ मी़हखुएँ म़ेदीॱआङ ङाहला क्यी़ह येह। ओहले ल़ेह-पेन यिहना मिहम्बाला ङाह ल़ेह-पेन यिहम्बा म़ेदी माएँया़ला ख्येगी या़हबु ङ्याहम च्येती खुङया़ स्योप्क्येरे यिहन म़ेदी तेन्ग्योकी केच्याॱआङ ङाहला क्यी़ह येह।
ကြော်ငြာတွေ