ज्‍याल्‍गा 12:7 - ह्योल्‍मो

⁷ दि तिङले स्‍यिहङगामला मा़ क्‍याहप्‍च्‍ये छ़ूसीन। मिखाएल दाङ खोगी राहङसा स्‍याहप्‍च्‍यीया़गी ओ़ह डुक ङ्याम्‍बु मा़ क्‍याहप्‍सीन। ओहले डुक दाङ खोगी स्‍याहप्‍च्‍यीया़गीॱआङ मा़ क्‍याहप्‍सीन,

ज्‍याल्‍गा 12:7 ပူးပေါင်းရင်းမြစ်များ

मत्ती 13:41

ओ़ह ङ्यिहमाला मिहगी स़ेबुगी राहङगी स्‍यिहङगामकी स्‍याहप्‍च्‍यीया़ला ताङ नाङज्‍ये येह ओहले तिहक्‍पा पेह च्‍य़ूगेन्‍गी का़ह येहकेन से़हया़ दाङ ल़ेह ङ्येहम्‍बा पेहकें थाम्‍ज्‍यीलाराङ स्‍यिहङगामकी स्‍याहप्‍च्‍यीया़गी खुङया़गी क्‍याहल्‍सीलेगी रुहप पेहच्‍ये येह,

मत्ती 16:27

च्‍यिबेमाना मिहगी स़ेबु राहङगी याहपकी ज़िज्‍यिद नोम्‍दे स्‍यिहङगामकी स्‍याहप्‍च्‍यीया़ ङ्याम्‍बु फेप्‍नाङगेमु मिह थाम्‍ज्‍यीलाराङ राहङ-राहङगी पेहक्‍यो ल़ेहला ते़बे च्‍याहगा नाङज्‍ये येह।

मत्ती 24:31

येशूगी स्‍यिहङगामगी स्‍याहप्‍च्‍यीया़ला रोहवा-लीङगी क़े छ्यिम्‍बु ङ्याम्‍बुराङ ताङ नाङज्‍ये येह ओहले खुङया़गी नामगी छ्यो़ च्‍यी़ यिहन्‍ज्‍यु लेहमेन छ्यो़ थु छ्यो़ ज़्‍यिगालाॱराङ किन्‍ज्‍योगी दाम नाङग्‍योया़ला रूदी ख्‍योङज्‍ये येह।”

मत्ती 25:41

“ओ़ह तिङले खोगी राहङगी योमा ङो़ले तेहक्‍यो मिहया़ला दि ल़ेहमु सुङ नाङज्‍ये येह, ‘ए किन्‍ज्‍योगी मे़मु सू़हक्‍यो मिहया़, देलेगी ग्‍यो़बाराङ थेन्‍दी सोङ! ती़ह गो-छ्येवा दाङ खोगी स्‍याहप्‍च्‍यीया़गी तेहन्‍दाला ठाबे पेह ज़्‍या़क्‍यो नाहमॱआङ मिहस्‍यीएँगी मेहला सोङ!

मत्ती 26:53

ङाहगी लाङबा यिहनानी ङाहगी याहपगी ङाहला नाहरेराङ ॱठि दाङ ठिले माहङा स्‍यिहङगामगी स्‍याहप्‍च्‍यीया़ ताङ नाङज्‍ये येहकें। च्‍यि ख्‍येगी दि ओहङ मी़हखुएँ म़ेदी साम्‍लु क्‍येउ दुबा?

२ कोरिन्‍थी 12:7

किन्‍ज्‍योगी ङाहला तिहङ-रिहङबुकी केच्‍याया़ माहङबुराङ तेन नाङसीन दि लाहमले ङाह माहङबु स्‍येर्क्‍या माहतेन्‍ज्‍यु म़ेदी का़ज्‍येला ङाहती ज़ुबुला सुह क्‍याहप च्‍य़ूगेन्‍गी छेर्मा च्‍यी़ नाङसीन पे येहना ओ़ह ती़ह गो-छ्येवागी स्‍याहप्‍च्‍यी च्‍यी़ यिहम्‍बा खोगी ताहन्‍दा ङाहला तुहक्‍पु तेर्केॱराङ येहबा।

एफिसी 6:12

च्‍यिबेमाना ओहराङगी मिह ङ्याम्‍बु मा़ क्‍याहप्‍के मिहम्‍बा यिहॱनाङ स्‍यिहङगाम दाङ जाम्‍बुलीङकी पाहरक्‍यीला ल़ेह ङ्येहम्‍बा पेहकेन्‍गी नाम्‍स्‍यीया़, ठिम ताङगेन्‍की पोम्‍बोया़, ओङज्‍या छ्यिम्‍बु ज्‍योरक्‍योया़, ओहले दि ना़-जुबे जाम्‍बुलीङकी वाङज्‍या छ्यिम्‍बुया़ ङ्याम्‍बु यिहम्‍बा।

२ थेसलोनिकी 1:7

ओहले ख्‍या तुहक्‍पु ङ्युहङगेनया़ला ङ्यिह ङ्याम्‍बुराङ मिहरोगी थाङ सो च्‍य़ू नाङज्‍ये येह। ओहले दि थाम्‍ज्‍यी मिहरोगी चो़वो येशू ओङ छ्यिम्‍बुकी स्‍यिहङगामकी स्‍याहप्‍च्‍यीया़ ङ्याम्‍बु स्‍यिहङगामले माहर फेप नाङगेमु जे नाङज्‍ये येह।

हिब्रू 2:10

ना थाम्‍ज्‍यीराङ किन्‍ज्‍योदीॱराङ यिहम्‍बा, रेबेॱराङ से़हया़ किन्‍ज्‍योगीॱराङ ज़ो नाङग्‍यो यिहम्‍बा। मिहरोगीॱराङ माहङबुराङ छार्क्‍यीनया़ला ज़िज्‍यिदला नोम फेप नाङज्‍येला खुङया़ला थार्पा नाङगेन्‍गी येशूला तुहक्‍पुया़ लाहमले याहङ-ताहक्‍पा ज़ो नाङसीन।

२ पत्रुस 2:4

स्‍यिहङगामकी स्‍याहप्‍च्‍यीया़गी तिहक्‍पा पेहकेमु किन्‍ज्‍योगी खुङया़ला ल़े ताङ माहनाङ, यिहॱनाङ खुङया़ला ङ्याल्‍वाला क्‍युर चाहङ नाङसीन, ओहले ठिम ताङ नाङगे ङ्यिहमा थु साप्‍स्‍यी तिहङकी ना़-जुबेला ताहम्‍दी ज़्‍या़ नाङदी येहबा।

यहूदा 1:9

यिहॱनाङ स्‍यिहङगामकी ल़ेह-पेन मिखाएलगीॱआङ मोशागी कुबुरकी तेहन्‍दाला दियाबलस ङ्याम्‍बु स्‍येपा तुहर्केमु खोला स्‍याहम्‍डेन तेन्‍दी क्‍येन माहता। “ख्‍येला चो़वोगी कप्‍क्‍येन नाङज्‍ये येह” म़ेदी मिखाएलगी मासीन।

ज्‍याल्‍गा 12:8

यिहॱनाङ खुङया़ फाम्‍सीन ओ़ह सोङबे खुङया़ला स्‍यिहङगामला ग्‍या़ माहन्‍ज्‍योर।

ज्‍याल्‍गा 12:9

दि ल़ेहमु पेहते ओ़ह डुक, खो ताहङबोकी प्रुहल यिहन्‍गे, खो थाम्‍ज्‍यी जाम्‍बुलीङला गो़ कोर च्‍य़ूएँगी दियाबलस दाङ ती़ह गो-छ्येवा यिहम्‍बा। खो दाङ खोगी स्‍याहप्‍च्‍यीया़ला स्‍यिहङगामले माहर जाम्‍बुलीङला क्‍युर ज़ाङग्‍यो येहकें।

ज्‍याल्‍गा 13:7

ओहले खोला किन्‍ज्‍योकी मिहया़ ङ्याम्‍बु मा़ क्‍याहप्‍ते क्‍याहल्‍ज्‍येला ओङ तेर्ते येहकें। थाम्‍ज्‍यी छाङ, लुहङबा, ताम दाङ क्‍यिहपाया़ थो़ला ओङ छ्य़ेज्‍येला खोला ओङ तेर्सीन।

ज्‍याल्‍गा 20:2

ओहले मिहरोगी ओ़ह डुकला ज़ुङदी लो़ह तोङरा च्‍यी़ थु ताहम्‍दी ज़्‍या़ नाङसीन। ओ़ह डुकदी ताहङबो प्रुहल, ङ्येहम्‍बा नाम्‍स्‍यीगी क्‍याहल्‍बु दाङ ती़ह गो-छ्येवा यिहन्‍गे।