ज्‍याल्‍गा 12:3 - ह्योल्‍मो

³ दि तिङले नामला राहङसा याहम्‍जेम्‍बाकी ता़स्‍यी च्‍यी़ थोङसीन। गो़ तिहन, रोहवा च्‍यु दाङ गो़ तिहनगालाॱराङ पेस्‍यो केहन्‍ग्‍योकी छ्यिम्‍बु डुक माहर्मु च्‍यी़ येहकें।

ज्‍याल्‍गा 12:3 ပူးပေါင်းရင်းမြစ်များ

ज्‍याल्‍गा 12:1

दि तिङले नामला याहम्‍जेम्‍बाकी ता़स्‍यी छ्यिम्‍बु च्‍यी़ थोङसीन। ओहले पी़हमी-पेहजा च्‍यी़ॱआङ थोङसीन, मोहगी ङ्यिहमाला काप्‍च्‍या ल़ेहमु पेहती योल्‍ग्‍यो येहकें ओहले मोहगी काङबा चो़ला दायुम दाङ मोहगी गो़ला कार्मा च्‍यिङ्यी़गी पेस्‍यो केहन्‍ग्‍यो येहकें।

ज्‍याल्‍गा 12:13

ओहले ओ़ह डुकगी राहङला जाम्‍बुलीङला क्‍युरक्‍यो दुबा म़ेदी क्‍यी़ह ज्‍योर फान्‍ज्‍यो खोगी ओ़ह पुह क्‍येक्‍यो आमाला ङेच्‍ये छ़ूसीन।

ज्‍याल्‍गा 12:17

ओहजेला ओ़ह डुक पी़हमी ङ्याम्‍बु जेन माहङबु स्‍यिहङताङ लाहङसीन ओहले मोहगी छार्क्‍यीनया़, किन्‍ज्‍योकी का ची़गेया़ दाङ येशूकी लुहङ थो़ला यिह-छ्य़ेबु येहकेनया़ ङ्याम्‍बु मा़ क्‍याहप्‍च्‍येला काहल्‍सीन।

ज्‍याल्‍गा 12:4

ओहले ओ़ह डुककी ङामागी नामला येहकेन्‍की कार्मा बो सुमला बो च्‍यी़ च्‍यो़हदी जाम्‍बुलीङला क्‍युर चाहङसीन। पेहजा क्‍ये-लुहङ मे़हबाराङ ओ़ह पेहजाला साहज्‍ये म़ेदी डुक ओ़ह पी़हमी दिनला लाङदी तेहक्‍यो येहकें।

ज्‍याल्‍गा 12:7

दि तिङले स्‍यिहङगामला मा़ क्‍याहप्‍च्‍ये छ़ूसीन। मिखाएल दाङ खोगी राहङसा स्‍याहप्‍च्‍यीया़गी ओ़ह डुक ङ्याम्‍बु मा़ क्‍याहप्‍सीन। ओहले डुक दाङ खोगी स्‍याहप्‍च्‍यीया़गीॱआङ मा़ क्‍याहप्‍सीन,

ज्‍याल्‍गा 12:9

दि ल़ेहमु पेहते ओ़ह डुक, खो ताहङबोकी प्रुहल यिहन्‍गे, खो थाम्‍ज्‍यी जाम्‍बुलीङला गो़ कोर च्‍य़ूएँगी दियाबलस दाङ ती़ह गो-छ्येवा यिहम्‍बा। खो दाङ खोगी स्‍याहप्‍च्‍यीया़ला स्‍यिहङगामले माहर जाम्‍बुलीङला क्‍युर ज़ाङग्‍यो येहकें।

ज्‍याल्‍गा 13:1

दि तिङले ङाहगी छो-क्‍याहम्‍जो नाहङले सेम्‍ज्‍येन च्‍यी़ थेन्‍दी ओहङगेॱराङ पेहक्‍यो थोङसीन। खोती रोहवा च्‍यु दाङ गो़ तिहन थाल येहकें ओहले रोहवा च्‍युलाॱराङ पेस्‍यो येहकें ओहले खोती गो़ तिहनला किन्‍ज्‍योला स्‍ये़हन्‍डील पेहकेन्‍गी मिहन च्‍यी़ प्रुहक्‍यो येहकें।

ज्‍याल्‍गा 13:2

ङाहगी थोङग्‍योकी ओ़ह सेम्‍ज्‍येन प्रा़ह-च्‍येन ल़ेहमु येहकें। खोगी काङबाया़ तोहमदी ल़ेहमु येहकें ओहले खादी सिङग्‍यीदी ल़ेहमु येहकें। ओ़ह डुकगी राहङदी स्‍युक, ॱठी दाङ ओङ छ्यिम्‍बु ओ़ह सेम्‍ज्‍येनला तेर्सीन।

ज्‍याल्‍गा 13:4

मिहया़गी डुकला छ्येपा फुल्‍गो येहकें, च्‍यिबेमाना खोगी राहङदी ओङ ओ़ह सेम्‍ज्‍येनला तेरक्‍यो येहकें। खुङया़गी दि ल़ेहमु म़ेदी ओ़ह सेम्‍ज्‍येनला छ्येपा फुल्‍सीन, “दि सेम्‍ज्‍येन ल़ेहमु लेहमेन सु येहबा? खो ङ्याम्‍बु मा़ क्‍याहप ख़ूएँ सु येहबा?”

ज्‍याल्‍गा 15:1

ङाहगी स्‍यिहङगामला छ्यिम्‍बु दाङ याहम्‍जेम्‍बाकी लेहमेन ता़स्‍यी च्‍यी़ थोङसीन: स्‍यिहङगामकी स्‍याहप्‍च्‍यी तिहनगी ज्‍युक्‍स्‍योलला बाप्‍केन्‍गी तुहक्‍पुया़ नोम्‍दे येहकें, च्‍यिबेमाना खुङया़लाॱराङ किन्‍ज्‍योकी थुयाल छाङबु डोज्‍ये येह।

ज्‍याल्‍गा 16:13

ओहजेला ङाहगी डुक, सेम्‍ज्‍येन दाङ चिहन क्‍याहप्‍के लुहङतेम्‍बाकी खाले पाहल्‍बा ल़ेहमु थोङगेन मेहचाङा नाम्‍स्‍यी सुम थेन्‍ग्‍यो थोङसीन।

ज्‍याल्‍गा 17:12

“ख्‍येगी थोङग्‍योकी रोहवा च्‍य़ूदी क्‍याहल्‍बु च्‍यु यिहम्‍बा, खुङया़गी ताहन्‍दा थु क्‍याहल्‍बु पेहच्‍येला ओङ ज्‍योर्ती म़ेह। यिहॱनाङ खुङया़गी ओ़ह सेम्‍ज्‍येन ङ्याम्‍बु ङ्यिहमा ङ्युहङसेगी तेहन्‍दाला क्‍याहल्‍बुगी ओङ ज्‍योर्च्‍ये येह।

ज्‍याल्‍गा 17:16

ख्‍येगी थोङग्‍योकी रोहवा च्‍यु दाङ ओ़ह सेम्‍ज्‍येनगी ओ़ह स्‍याहङ-छो़मुला नाम्‍दो पेहच्‍ये येह ओहले मोह ङ्याम्‍बु येहकेन्‍गी थाम्‍ज्‍यी फ्रो़दी मोहला च्‍येहन्‍डामु जे़दी मोहती स्‍या साहज्‍ये येह ओहले मोहला मेहला सा़ज्‍ये येह।

ज्‍याल्‍गा 17:7

ओहजेला ओ़ह स्‍यिहङगामकी स्‍याहप्‍च्‍यीगी ङाहला सुङ नाङसीन, “ख्‍ये च्‍यिबे ह्‍अ ल़ेहक्‍यो?” ओ़ह पी़हमी दाङ मोहला खुर्केन गो़ तिहन दाङ रोहवा च्‍यु थो़क्‍यो सेम्‍ज्‍येनगी तेहन्‍दाला साङदे ज़्‍या़क्‍यो तामगी तेहन्‍दा ङाह ख्‍येला स्‍येकें।

ज्‍याल्‍गा 19:12

मिहरोगी च्‍येन मेहबुङ ल़ेहमु येहकें ओहले मिहरोगी उला माहङबुराङ पेस्‍योया़ येहकें। मिहरोदी छेन च्‍यी़ प्री़हदी येहकें यिहॱनाङ ओ़ह छेन मिहरोला च्‍यी़राङ थुयी़ येहकें।

ज्‍याल्‍गा 20:2

ओहले मिहरोगी ओ़ह डुकला ज़ुङदी लो़ह तोङरा च्‍यी़ थु ताहम्‍दी ज़्‍या़ नाङसीन। ओ़ह डुकदी ताहङबो प्रुहल, ङ्येहम्‍बा नाम्‍स्‍यीगी क्‍याहल्‍बु दाङ ती़ह गो-छ्येवा यिहन्‍गे।