ज्याल्गा 11:15 - ह्योल्मो15 ओहले तिहम्बा स्यिहङगामकी स्याहप्च्यीगी राहङ ङ्याम्बु येहकेन्की रोहवा-लीङ फुसीन, ओहले स्यिहङगामला छ्यिम्बु-छ्यिम्बु सुङ-क़ेगी दि रोहवा सुङ नाङसीन, “जाम्बुलीङगी क्याहल्सी ओहराङ चो़वो दाङ किन्ज्योकी मास्यीकागी क्याहल्सी काहल्दे येह ओहले मास्यीकागी नाहम्स्यी किन्दु ओङ छ्य़े नाङज्ये येह।” အခန်းကိုကြည့်ပါ။ |
ज्याल्गा 11:15
54 ပူးပေါင်းရင်းမြစ်များ
ओहले ङाहगी स्यिहङगामला दि ल़ेहमु सुङगेनॱराङ जेक्यो सुङ-क़े छ्यिम्बु च्यी़ थ़ेसीन, “ता़ह ओहराङ किन्ज्योकी थार्पा, स्युक, क्याहल्सी दाङ मिहरोकी मास्यीकागी ओङ छ्य़े नाङगेन्गी ती़हजी लेप्ती येह। च्यिबेमाना ओहराङ आदा-नो़ह दाङ आज्यी-नुहमुया़ला ङ्यिहन-नुहप किन्ज्योकी दिनला फातुर च़ूगेन ती़ह गो-छ्येवाला स्यिहङगामले माहर क्युर चाहङदी येह।
ओ़ चो़वो छ्येवा, राहङगी ज्यिक्पा मिहखुर्केन्गी मिह सुॱआङ येहटो ले? राहङ छेनकी ज़िज्यिद सुगी मे़हपेहटो ले? च्यिबेमाना राहङ च्यी़राङ नाम्पार-ताहक्पा ज़्य़ू नाङदी येह। क्यिहपा थाम्ज्यी ओहङदी राहङला ज्याल्ज्ये येह। च्यिबेमाना राहङगी छ्या़लेया़ टाहङदेन दु म़ेदी ता़ह मिहया़गी थोङ सिहन्दी येह।”
ओहले ङाहगी ज्यू़-ठिया़ दाङ ओ़ह खाला ज़्य़ू नाङगेनया़ला थोङसीन, खुङया़ला ठिम ताङगेन्गी ओङ नाङदी येहकें। येशूगी पाङबु तेहक्यो सोङबे ओहले किन्ज्योगी सुङ प्रा साल्ग्यो सोङबे मिहगी लाहक्पाले पेहती स्यि कोहक्यो मिहगी नाम्स्यीया़ॱआङ ङाहगी थोङसीन। खुङया़गी ओ़ह सेम्ज्येन दाङ खोगी कुला छ्येपा माहफुल येहकें ओहले राहङगी प्राला दाङ लाहक्पाला ओ़ह सेम्ज्येनदी पार माहक्याहप येहकें। खुङ येहपाराङ सोम्बो लो़हदी लाहङसीन ओहले लोह तोङरा च्यी़ थु मास्यीका ङ्याम्बु ओङ छ्य़ेसीन।
ओ़ह तिङले ज़्यिबा स्यिहङगामकी स्याहप्च्यीगी राहङ ङ्याम्बु येहकेन्की रोहवा-लीङ फुसीन, ङ्यिहमागी बो सुमला बो च्यी़ थो़ला क्याहप्सीन, ओहले दायुमगी बो सुमला बो च्यी़ थो़ला ओहले कार्माया़गी बो सुमला बो च्यी़ थो़ला क्याहप्सीन, ओहले ओ़हया़गी येहसेर बो सुमला बो च्यी़ ना़-जुबे काहल्सीन। ओहले ङ्यिहन दाङ नुहप बो सुमला बो च्यी़ ना़-जुबे काहल्सीन।
ကြော်ငြာတွေ