ज्याल्गा 1:5 - ह्योल्मो5 ओहले यिह-छ्य़ेबु पाङबु दाङ टोहङग्योलेगी सोम्बो ज़्याङ नाङगेया़ला तोहङस्यो ज़्याङ नाङगे जाम्बुलीङकी क्याहल्बुया़गी क्याहल्बु, येशू मास्यीका लाहमलेॱआङ ख्याया़ला काटीन दाङ स्य़िहदे ओहङज्यु। ओहराङला चेवा जे नाङगे येशू मास्यीकागी मिहरो राहङगी ठा़ लाहमले ओहराङला तिहक्पालेगी खा फे़ नाङदी येह। အခန်းကိုကြည့်ပါ။ |
ज्याल्गा 1:5
53 ပူးပေါင်းရင်းမြစ်များ
ओहले पिलातसगी येशूला टी़हसीन, “च्यि ख्ये क्याहल्बुराङ यिहम्बा ले?” ओहले येशूगी ल़ेहन क्याहप नाङसीन, “ङाह क्याहल्बु यिहन म़ेदीनी राहङगीराङ सुङ नाङगु दु। ङाह दिगी तेहन्दालाराङ क्येक्यो यिहम्बा, ओहले दिगी तेहन्दालाराङ तेहन्दामकी पाङबु तेर्च्येला ङाह दि जाम्बुलीङला ओहङग्यो यिहम्बा। तेहन्दामला यिह छ्य़ेगे थाम्ज्यीगी ङाहती ताम ङ्यिहन्गे।”
थार्पा नाङगेन क्याहल्बु मास्यीकागी तुहक्पु खुर्ती टोहङ कोहच्ये येह, ओहले चो़वो टोहङग्योलेगी सोम्बो ज़्याङ नाङगेया़ नाहङले थाम्ज्यी म़ेदी तोहङस्यो ओहङज्ये येह ओहले चो़वोगी राहङगी क्या-साङेगी तेहन्दाला यहूदीया़ दाङ लेहमेन क्यिहपागी मिहया़ॱलाङ स्ये नाङज्ये येह, दि तामया़नी लुहङतेम्बाया़गीॱआङ सुङनाङ सिहन्दी येहकें।”
च्यिबेमाना किन्ज्योगी, तिहक्पा कोहङदा तेर्केन्की मार्च्ये फुल्ज्येला मास्यीकाला ताङ नाङसीन। ओ़ह सोङबे येशूगी राहङगी कु-ठा़ ओहराङगी तेहन्दाला स्याहल च्य़ू नाङसीन म़ेदी यिह छ्य़ेगे मिह थाम्ज्यीगी तिहक्पाकी कोहङदा ज्योर्च्ये येह। दि छ्या़ले किन्ज्योगी राहङगी टाहङदेन तेन्ज्येला जे नाङसीन च्यिबेमाना मास्यीका फेप नाङगे म़ेदी तोहङले किन्ज्योगी राहङगी थुयाल ना़दी ज़्य़ू नाङदी येहकें ओहले तोहङले मिहया़गी पेहक्यो तिहक्पाया़ला नाङदा जे माहनाङ।
ङाहगी निङबा मिहली मास्यीका ङ्याम्बुराङ क्याहङस्यीङला च्याङदी स्यिक्यो येह, ता़ह यिहन्ज्यु ङाह मिहम्बा ङाह नाहङला मास्यीका ज़्य़ू नाङदी येहबा। ताहन्दा ङाह ज़ुबुला थार्ती तेहक्योदी ङाहला माहङबुराङ चेवा जेती ङाहगी तेहन्दाला मिहजी नाङगे किन्ज्योगी स़ेबु थो़ला तेहपा पेहती थार्केराङ येहबा।
मास्यीकाला यिह-छ्य़े पेहकेंन छेन्छोकया़दी ज़ुबु यिहम्बा, ओहले ओ़ह ज़ुबुगी गो़दी मास्यीकाॱराङ यिहम्बा। ओ़ह छो़बाया़ला मिहली साम्बा नाङगेन्दीॱआङ मिह-रो़हराङ यिहम्बा। मिहरो थाम्ज्यीराङ से़हया़ला गो-छ्येस्यो थेन ख़ूज्यु म़ेदी स्यिक्योया़ नाहङले सोम्बो ज़्याङ नाङगेन्दी तोहङस्यो मिह-रो़हराङ यिहम्बा।
ख्याया़ राहङगीराङ नोम्साङ ताङदोङ: किन्ज्योकी स़ेबुला राहङ काङबा चो़ला ज़्या़गे ओहले तिहक्पालेगी नाम्पार-ताहक्पा ज़ो नाङगे किन्ज्योकी ताहम्ज्या थिउ-निउ पेहकें मास्यीकाकी ठा़ला च्यि ल़ेहमुज्यीॱआङ मे़हनेगे ओहले काटीन नाङगेन्गी नाम्पार-ताहक्पा थुला स्ये़हन्डील पेहकें मिहला जेन काहजे छ्यिम्बु ङ्य़ेहबा फो़रो?
मास्यीकाकी ठा़गीनी जेन माहङबु ख्यागी नोम्साङला तिहक्पाकी ल़ेहया़लेगी चाङमा ज़ोज्ये येह, ओहले ख्यागी सोम्बो ज़्य़ू नाङगेन किन्ज्योला स्याहप्तो स्युह ख़ूज्ये येह। च्यिबेमाना मिहरोगी नाहम्स्यी किन्दु ज़्य़ू नाङगे किन्ज्योगी थु लाहमले च्यिॱआङ क्येन म़ेहबा पेहती राहङगी राहङला किन्ज्योला मार्च्ये फुल नाङसीन।
ओहले तिहम्बा स्यिहङगामकी स्याहप्च्यीगी राहङ ङ्याम्बु येहकेन्की रोहवा-लीङ फुसीन, ओहले स्यिहङगामला छ्यिम्बु-छ्यिम्बु सुङ-क़ेगी दि रोहवा सुङ नाङसीन, “जाम्बुलीङगी क्याहल्सी ओहराङ चो़वो दाङ किन्ज्योकी मास्यीकागी क्याहल्सी काहल्दे येह ओहले मास्यीकागी नाहम्स्यी किन्दु ओङ छ्य़े नाङज्ये येह।”
ကြော်ငြာတွေ