ज्याल्गा 1:18 - ह्योल्मो18 ओहले सोम्बो येहकेन्दीॱआङ ङाहराङ यिहन। ङाह स्यिक्यो येहकें, यिहॱनाङ ता़ह त़ेदोङ, ङाह नाहम्स्यी किन्दुॱराङ सोम्बो काहल्दी येह, स्यिवा दाङ साप्स्यी तिहङकी दिमीया़ ङाह ङ्याम्बु येहबा। အခန်းကိုကြည့်ပါ။ |
ज्याल्गा 1:18
32 ပူးပေါင်းရင်းမြစ်များ
ङाहगी निङबा मिहली मास्यीका ङ्याम्बुराङ क्याहङस्यीङला च्याङदी स्यिक्यो येह, ता़ह यिहन्ज्यु ङाह मिहम्बा ङाह नाहङला मास्यीका ज़्य़ू नाङदी येहबा। ताहन्दा ङाह ज़ुबुला थार्ती तेहक्योदी ङाहला माहङबुराङ चेवा जेती ङाहगी तेहन्दाला मिहजी नाङगे किन्ज्योगी स़ेबु थो़ला तेहपा पेहती थार्केराङ येहबा।
मास्यीकागी किन्ज्योकी ज़िज्यिदकी क्या-साङे तेन नाङगे ओहले मास्यीकाॱराङ किन्ज्योकी तेहम्बा-तेहन्सुम ङ्य़ेहरी यिहम्बा। ओहले मिहरोगी वाङज्या छ्यिम्बु सुङलाॱराङ रेबेॱराङ से़हया़ छ्या़दे येहबा। मिहया़ला तिहक्पालेगी कोहङदा नाङगेन्गी छ्या़ले छार फान्ज्यो मिहरो वाङज्या छ्यिम्बु नोम्गेन किन्ज्योकी योबा ङो़ले ज़्य़ू नाङसीन।
“फिलाडेल्फियाकी छेन्छोकला चारा पेहकेन्गी स्यिहङगामकी स्याहप्च्यीला दि ताम प्री़हदोङ: ‘किन्ज्योॱराङ नाम्पार-ताहक्पा दाङ तेहन्दाम यिहन, मिहरो ङ्याम्बुराङ क्याहल्बु दाऊदकी दिमी येहबा, मिहरोगी खा फे़ नाङग्योकी कोह सुज्यीगीॱआङ क्याहप मी़हखुएँ ओहले मिहरोगी क्याहप नाङग्योकी कोह सुज्यीगीॱआङ खा फे़ मी़हखुएँ मिहरोगी दि ल़ेहमु सुङ नाङगु दु।
ကြော်ငြာတွေ