Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ज्‍याल्‍गा 1:16 - ह्योल्‍मो

16 मिहरोगी योबा छ्या़ला कार्मा तिहन नोम्‍दी येहकें। मिहरोकी स्‍याहललेगी लेहप ङ्यिकाराङ ङो़ले खा नुम्‍बु थो़क्‍यो पादाङ थेन्‍ग्‍यो येहकें। ओहले मिहरोकी स्‍याहल्‍दोङदी ङ्यिहमा छान्‍दी स्‍यार्केमु मी़ छाएँ ल़ेहमु येहकें।

အခန်းကိုကြည့်ပါ။ ကော်ပီ




ज्‍याल्‍गा 1:16
26 ပူးပေါင်းရင်းမြစ်များ  

ओ़हला लेप फान्‍ज्‍यो स्‍याहप्‍च्‍यीया़गी ताताबा काहङला येशूकी कुसो ग्‍युर्सीन। येशूगी स्‍याहल्‍दोङ ङ्यिहमा ल़ेहमुराङ येहसेर क्‍याहप्‍सीन ओहले येशूकी नाहम्‍सादी येहपा छ्या़दी कार्पु काहल्‍सीन।


ए क्‍याहल्‍बु, ङ्यिहमा फेचेला ङ्यिह दमस्‍कस क्‍याहसा ङो़ले डोॱराङ येहकें ओहजेला ङ्यिहमागी क्‍या-साङे म़ेदीॱआङ मी़राङ छ्यिप्‍कें थुकी क्‍या-साङे येहसेर ङ्यिह थो़ला क्‍याहप ओहङसीन।


थार्पा तेर्केन्‍की स्‍याहमु केहन्‍दोङ, ओहले नाम्‍पार-ताहक्‍पा थुगी पादाङ थो़दोङ, दि किन्‍ज्‍योकी सुङ यिहम्‍बा।


च्‍यिबेमाना किन्‍ज्‍योगी सुङ सोम्‍बो येह ओहले दिगी छ्या़ले जे नाङगेराङ येहबा। ओहले दि, खा ङ्यी़ येहकेन्‍गी पादाङ म़ेदीॱआङ नोम्‍बु येहबा। ओहले दिगी सो दाङ नाम्‍स्‍यीला ओ़हगी छी़ दाङ रेहको नाहङगी काङ थु तोल्‍गे ओहले सेम नाहङगी तामया़ दाङ सेम्‍बाया़ला दिगी ङ्याहम च्‍येती ताएँ।


ङाहगी योबा लाहक्‍पाला ख्‍येगी थोङग्‍यो दि कार्मा तिहन दाङ सेरकी छ्येकुङ तिहनकी तेहन्‍दादी दिराङ यिहम्‍बा: कार्मा तिहनदी छेन्‍छोक तिहनला चारा पेहकेन्‍गी स्‍यिहङगामकी स्‍याहप्‍च्‍यीया़ यिहम्‍बा ओहले सेरकी छ्येकुङ तिहनदी छेन्‍छोक तिहन यिहम्‍बा।”


दि तिङले ङाहगी लेहमेन स्‍युक छ्यिम्‍बु स्‍यिहङगामकी स्‍याहप्‍च्‍यी स्‍यिहङगामले माहर फेप्‍केराङ जेक्‍यो थोङसीन। मिहरोकी कुसोला मुक्‍पागी उप्‍ते येहकें ओहले उला ज़ा येहकें। ओहले मिहरोकी स्‍याहल्‍दोङ ङ्यिहमा ल़ेहमु येहकें ओहले स्‍याहपदी मेहकी काप्‍स्‍यी ल़ेहमु येहकें।


दि तिङले नामला याहम्‍जेम्‍बाकी ता़स्‍यी छ्यिम्‍बु च्‍यी़ थोङसीन। ओहले पी़हमी-पेहजा च्‍यी़ॱआङ थोङसीन, मोहगी ङ्यिहमाला काप्‍च्‍या ल़ेहमु पेहती योल्‍ग्‍यो येहकें ओहले मोहगी काङबा चो़ला दायुम दाङ मोहगी गो़ला कार्मा च्‍यिङ्यी़गी पेस्‍यो केहन्‍ग्‍यो येहकें।


क्‍यिहपा-क्‍यिहपागी मिहया़ला सेच्‍येला मिहरोगी स्‍याहलले पादाङ नुम्‍बु च्‍यी़ थेन्‍सीन, ओहले मिहरोगी च्‍या़गी प्रेहकागी खुङया़ थो़ला ठिम ताङ नाङज्‍ये येह। ओहले कोलला कुहन्‍डुम च्‍यिर्ते खुइ तेन्‍ग्‍यो ल़ेहमु मिहरोगी ओङज्‍या छ्यिम्‍बु नोम नाङगे किन्‍ज्‍योगी थुयालगी कोलला खुङया़ला च्‍यिर नाङज्‍ये येह।


ओहले खुङया़गी माक्‍मीया़लादी कार्पु ताबु खाला स्‍येहन नाङग्‍योकी स्‍याहललेगी थेन्‍ग्‍यो पादाङगी सेसीन। ओहले च्‍याह-च्‍यिहवा थाम्‍ज्‍यीगी खोगी स्‍या टेहपा काहङगे थु साहसीन।


“एफिससकी छेन्‍छोकला चारा पेहकेन स्‍यिहङगामकी स्‍याहप्‍च्‍यीला दि ताम प्री़हदोङ: ‘कार्मा तिहन राहङगी योबा छ्या़ला नोम्‍गे दाङ सेरकी छ्येकुङ तिहनकी पाहरक्‍यीले फेप्‍केन्‍दीगी दि ल़ेहमु सुङ नाङसीन।


“पर्गाममकी छेन्‍छोकला चारा पेहकेन स्‍यिहङगामकी स्‍याहप्‍च्‍यीला दि ताम प्री़हदोङ: ‘दि ताम लेहप ङ्यिकाराङ ङो़ले नुम्‍बु पादाङ येहकेंन्‍दीगी दि ल़ेहमु सुङ नाङगु दु।


ओ़ह सोङबे स्‍या़बा डुप्‍तोङ, मिहन्‍सीमाना ङाह ख्‍येसाला ग्‍यो़बाराङ ओहङगे, ओहले ङाहती खाले थेन्‍गे पादाङगी ओ़ह ल़ेह ङ्येहम्‍बा पेहकें मिहया़ ङ्याम्‍बु मा़ क्‍याहप्‍च्‍ये येह।


“सार्डिस छेन्‍छोकला चारा पेहकेन्‍गी स्‍यिहङगामकी स्‍याहप्‍च्‍यीला दि ताम प्री़हदोङ: ‘कार्मा तिहन दाङ किन्‍ज्‍योकी थु तिहन नोम्‍गेन्‍दीगी दि ल़ेहमु सुङ नाङगु दु। ख्‍याती ल़ेहया़ ङाहला क्‍यी़ह येह, ख्‍याया़ सोम्‍बो येह म़ेदी लोहङटी काहल्‍दी येहबा, यिहन्‍ज्‍येनी माज्‍येराङ माना ख्‍याया़ स्‍यि सिहन्‍दी येह।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ