फिलिप्‍पी 4:5 - ह्योल्‍मो

⁵ ख्‍याया़ ना़स्‍यीङ छ्यिम्‍बु पेहती तेह, दि ताम मिह थाम्‍ज्‍यीगी क्‍यी़ह ज्‍योर्च्‍यु। चो़वो ग्‍यो़बाराङ फेप्‍च्‍ये येह।

फिलिप्‍पी 4:5 ပူးပေါင်းရင်းမြစ်များ

मत्ती 6:25

“ओ़ह सोङबे ङाह ख्‍याया़ला माएँ, च्‍यि साहज्‍ये, च्‍यि थुङज्‍ये, च्‍यि केहन्‍ज्‍ये म़ेदी तुहङाल माहबे। च्‍यि साहज्‍ये स़ेह म़ेदी मिहली छ्यिम्‍बु, केहन्‍ज्‍ये स़ेह म़ेदी ज़ुबु छ्यिम्‍बु मिहम्‍बा ले?

मत्ती 6:34

ओ़ह सोङबे नाहङबारकी तेहन्‍दाला तुहङाल माहबे, च्‍यिबेमाना नाहङबारकी ङ्यिहमागी राहङगी तुहङाल राहङराङ पेहकें। तिहरीङगी तुहक्‍पु तिहरीङलाॱराङ दाङस्‍यी येह” म़ेदी येशूगी सुङ नाङसीन।

लूका 21:34

“ओ़ह सोङबे ख्‍या जेम्‍बु पेहते तेहतोङ। माहङबु डेनया़ला माहन्‍डो, ज़ी़दी माहतेह ओहले मिहलीगी तेहन्‍दाला तुहङाल माहबे। मिहन्‍सीमाना ओ़ह ङ्यिहमा ख्‍या थो़ला याहङमे-याहङ मिता सिहन्‍गे ल़ेहमुराङ ओहङज्‍ये येह।

१ कोरिन्‍थी 16:22

का़हन्‍दीगी चो़वोला चेवा मेहबेकें खोला मे़मु सू़हज्‍यु। ए ओहराङगी चो़वो, फेप नाङदोङ!

१ कोरिन्‍थी 6:7

ख्‍या नाहङला च्‍यी़गी च्‍यी़ला टाह पेहती खाम्‍ज्‍यु चेएँगी तामॱराङ ख्‍याया़ फाम्‍ग्‍यो यिहम्‍बा। तोहरोङ आन्‍याला छ्यिकेॱराङ या़हबु यिहम्‍बा। तोहरोङ लेहमेन मिहया़गी ख्‍याया़ला ठाग ती़क्‍योॱराङ या़हबु यिहम्‍बा।

१ कोरिन्‍थी 8:13

का़हलेॱआङ साहएँ से़हया़गी ङाहती किन्‍ज्‍योला यिह-छ्य़े पेहक्‍यो नो़हया़ला तिहक्‍पाला छ्यिच्‍युगे यिहन्‍सीमानानी ङाह नाहमॱआङ स्‍या साहज्‍ये म़ेह।

१ कोरिन्‍थी 9:25

चेमु चाज्‍येला बो लेहन्‍गे मिहया़गी ज्‍यिबुराङ तुहक्‍पु पेहती च्‍याहङदार पेहकें। खुङया़गी ओ़ह तोङदी डोएँगी च्‍याहगा ज्‍योर्च्‍येला ओ़हठी पेहकें, यिहॱनाङ ओहराङदी नाहमॱआङ मेहतोङगे च्‍याहगा ज्‍योर्च्‍येला दिठी पेहकें।

२ कोरिन्‍थी 10:1

ङाह पावल, ख्‍याया़गी दिनलाती स्‍यिहवा पेहकु दु लो, ओहले था़-रिहङबु येहकेमुती ख्‍याया़ ङ्याम्‍बु सोहम्‍ग्‍याङ तेन्‍गु दु म़ेदी ख्‍या नाहङला ताम च्‍येहकु दु लो। यिहॱनाङ मास्‍यीकाकी स्‍यिहवा दाङ थुज्‍यी लाहमले ङाह ख्‍याया़ला ओहर-छ्य़े स्‍युहउ येह।

२ थेसलोनिकी 2:2

लाहलागी नाम्‍स्‍यी लाहमले, लाहलागी सुङ लाहमले ओहले लाहलागी ङ्यिहती ल़ेहमुराङ यिह लाहमले चो़वोकी ङ्यिहमा लेप सिहन्‍दी येह म़ेदी स्‍य़ेसीन माना, ओ़ह केच्‍या थे़दी ख्‍या फे़बे मे़हमेया़की सेम मा़हन्‍ज्‍यीज्‍यु ओहले का माहक्‍याहल्‍ज्‍यु।

तीतस 3:2

ओहले खुङया़गी सुलाॱआङ आब्रु तेन्‍गेन्‍गी ल़ेहया़ माहबेच्‍यु ओहले सु ङ्याम्‍बुॱआङ ठ़ूस्‍यी सिहङदा माहबेच्‍यु, मिह थाम्‍ज्‍यी ङ्याम्‍बु ङ्येम्‍ज्‍युङ दाङ छ्याप्‍स्‍यी या़हबु पेहच्‍यु।

हिब्रू 10:25

लाहला मिहया़ छोक्‍पाला मेहन्‍डोएँगी बा़नी ओहङगे ल़ेहमु ओहराङ ङ्याम्‍बुदी ओ़ह ल़ेहमु बा़नी ओहङज्‍ये मेहयोहङगे। चो़वोकी ङ्यिहमा पोहला ओहङगेॱराङ पेहक्‍यो ख्‍याया़गी थोङग्‍यो सोङबे छोक्‍पा पेहच्‍येला च्‍यी़गी च्‍यी़ला जेन माहङबु आ़र क्‍ये च्‍य़ूदोङ।

हिब्रू 10:37

च्‍यिबेमाना छ्य़ेला दि ल़ेहमु प्री़हदी येहबा, “मिहरो फेप नाङगेन्‍दी, फेपॱराङ नाङज्‍ये येह ओहले फिमु जे नाङज्‍ये म़ेह।

१ पत्रुस 1:11

लुहङतेम्‍बाया़गी दि काह-ठि पेहती ओहले नाहम ओहङगे यिहम्‍बा म़ेदी ङोह स्‍ये़ज्‍ये छोल्‍ग्‍यो येहकें। खुङ नाहङला येहकेन्‍की मास्‍यीकाकी थुगी मास्‍यीकाकी तुहक्‍पुया़ दाङ ओ़ह तिङले ओहङगेन ज़िज्‍यिदकी तेहन्‍दाला तोहङलेराङ खुङया़ला तेन नाङग्‍यो येहकें।

१ पत्रुस 4:7

ता़ह ना थाम्‍ज्‍यी तोङदी डोएँगी ती़हजी पोहलाराङ लेप सिहन्‍दी येह। ओ़ह सोङबे राहङगी सोल्‍वाङकी तेहन्‍दाला राहङ सेम थिक-चिला ज़्‍या़दी जेम्‍बु पेहती तेहतोङ।

ज्‍याल्‍गा 22:20

दि तामगी पाङबु नाङगेन्‍दीगी सुङ नाङगु दु, “तेहम्‍बाराङ, ङाह ओहङगेॱराङ येह।” आमेन, फेप नाङदोङ, ओ़ चो़वो येशू।

ज्‍याल्‍गा 22:7

“त़ेदोङ, ङाह ग्‍यो़बा ओहङगेॱराङ येह। दि छ्य़ेला लुहङतेम्‍बाया़गी प्रुहक्‍योगी सुङ ची़गेया़ काहजे सोनाम-साक्‍पु।”