फिलिप्‍पी 2:8 - ह्योल्‍मो

⁸ मिहरोगी मिहगी मिहली नोम्‍दे राहङगी राहङला फेमा ज़ो नाङसीन, ओहले स्‍यिवा थुराङ, पे यिहॱना़: क्‍याहङस्‍यीङला च्‍याङदी टोहङगे थुराङ मिहरोगी किन्‍ज्‍योगी का ची़ नाङसीन।

फिलिप्‍पी 2:8 ပူးပေါင်းရင်းမြစ်များ

मत्ती 17:2

ओ़हला लेप फान्‍ज्‍यो स्‍याहप्‍च्‍यीया़गी ताताबा काहङला येशूकी कुसो ग्‍युर्सीन। येशूगी स्‍याहल्‍दोङ ङ्यिहमा ल़ेहमुराङ येहसेर क्‍याहप्‍सीन ओहले येशूकी नाहम्‍सादी येहपा छ्या़दी कार्पु काहल्‍सीन।

मत्ती 26:39

ओहले येशू याहम्‍बी फाच्‍चीला फार फेप्‍ती साला खेप्‍चु क्‍याहप्‍ती दि ल़ेहमु सुङदी सोल्‍वाङ ताप नाङसीन, “ओ़ ङाहगी याहप, ओहङ ख़ूएँ यिहनानी दि तुहक्‍पुकी स्‍याहलु ङाहलेगी था़-रिहङबु ज़्‍या़ नाङदोङ। यिहॱनाङ दि ङाहगी सेमला ने़क्‍यो ल़ेहमु मिहम्‍बा, राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

मत्ती 26:42

येशू येहपाराङ लेहमा ङ्यिपा फेप्‍ती दि ल़ेहमु सुङदी सोल्‍वाङ ताप नाङसीन, “ओ़ ङाहगी याहप, दि तुहक्‍पुगी स्‍याहलु ङाहगी माहथुङबाला मेहयोङसीमाना राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

लूका 9:29

ओहले येशू सोल्‍वाङ ताप-ताप्‍पा काहङला येशूगी स्‍याहल्‍दोङ ग्‍युर नाङसीन, ओहले मी़राङ छ्यिप्‍कें थु येशूगी नाहम्‍सा कार्पु पेहती ओहङसीन।

यूहन्‍ना 10:18

सुज्‍यीगीॱआङ ङाहलेगी ङाहती मिहजी ल़ेहन मी़हखुएँ, यिहॱनाङ ङाहला सेम ने़क्‍यो सोङबे ङाहती मिहजी चि क्‍याहप्‍को येह। ङाहती मिहजी चि क्‍याहप्‍केन्‍गी ओङ ङाह ङ्याम्‍बु येहबा, ओहले येहपाराङ लो लेहन्‍गेन्‍गी ओङॱआङ ङाह ङ्याम्‍बु येहबा। दि का ङाहती याहप लाहमले ङाहगी ज़्‍योरक्‍यो यिहम्‍बा” म़ेदी येशूगी सुङ नाङसीन।

यूहन्‍ना 14:31

यिहॱनाङ ङाह याहपला चेवा पेहकें माएँ ताम मिह थाम्‍ज्‍यीगी ङोह स्‍य़े ख़ूज्‍यु म़ेदी ङाह याहपकी काया़ ची़गेनॱराङ येहबा। ता़ह लाहङदोङ, ओहराङ दि ग्‍या़ले डोएँ।”

यूहन्‍ना 15:10

ङाहगी ङाहती याहपती काया़ ङ्यिहन्‍दी ङाह याहपगी चेवाला तेहक्‍यो ल़ेहमु ख्‍यागीॱआङ ङाहती काया़ ङ्यिहन्‍सीन माना ख्‍या ङाहती चेवाला तेहच्‍ये येह।

यूहन्‍ना 4:34

ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्‍दीराङ ङाहती साहप्‍च्‍या यिहम्‍बा।

ल़ेह-पेन 8:33

मिहरोला मिहया़गी स्‍ये़हन्‍डील पेहकेमु ता़ह सुगीॱआङ मिहरोला ठिम या़हबु ताङ माहतेर। मिहरोगी छार्क्‍यीनगी तेहन्‍दाला सुगी प्रा साल ख़ूज्‍ये? च्‍यिबेमाना मिहरोगी मिहलीनी दि जाम्‍बुलीङले तोर्ते काहल्‍सीन।”

रोमी 5:19

च्‍यिबेमाना आदम मेहन्‍दा च्‍यी़गी किन्‍ज्‍योगी का माहङ्यीहम्‍बा सोङबे मिह थाम्‍ज्‍यीराङ तिहक्‍च्‍येम्‍बा काहल्‍सीन, ओ़हठीॱराङ पेहती मास्‍यीका मेहन्‍दा च्‍यी़गी किन्‍ज्‍योगी का ची़क्‍यो सोङबे मिह माहङबुराङ किन्‍ज्‍योकी दिनला टाहङबु सी़ह ख़ूसीन।

२ कोरिन्‍थी 8:9

च्‍यिबेमाना ओहराङ चो़वो येशू मास्‍यीकागी काटीन ख्‍याया़ला क्‍यी़हराङ येह। मिहरो छ्युक्‍पु येहकें यिहॱनाङ ख्‍याया़गी तेहन्‍दाला मिहरो प्राङबु काहल्‍सीन च्‍यिबेमाना मिहरो प्राङबु काहल्‍दे ख्‍याया़ छ्युक्‍पु डो ख़ूज्‍यु म़ेदी यिहम्‍बा।

गलाती 3:13

ओहराङगी छ्य़े-ठिम ची़ मा़हखुबा सोङबेॱराङ ओहराङ थो़ला फो़क्‍योकी थाम्‍ज्‍यीराङ मे़मुया़ मास्‍यीका राहङगीराङ खुर नाङदी छ्य़े-ठिमकी मे़मु लाहमले ओहराङला खा फे़ नाङसीन, च्‍यिबेमाना “क्‍याहङस्‍यीङला च्‍याङदी स्‍यिएँ थाम्‍ज्‍यीला मे़मु सू़हक्‍यो ओहङगे” म़ेदी प्री़हदे येहबा।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

हिब्रू 12:2

ओहराङ यिह-छ्य़ेला छ़ू नाङगे दाङ छाङबु जे नाङगेन्‍गी येशूला ओहराङगी त़ेदी तेहतोङ। राहङ आब्रु डोएँगी तामला येशूगी च्‍यिॱआङ नाङदा जे माहनाङ यिहॱनाङ मिहरोगी तिहङला ओहङगेन्‍गी सेम काहसोगी तेहन्‍दाला क्‍याहङस्‍यीङगी तुहक्‍पु खुर नाङसीन, ओहले मिहरो किन्‍ज्‍योगी ज़्‍य़ू-ठिकी योबा ङो़ले ज़्‍य़ू नाङसीन।

हिब्रू 12:4

तिहक्‍पा थो़ला क्‍याहल्‍ज्‍ये छोल्‍गेमु ख्‍यागी राहङगी ज़ुबुराङ तोर कोहएँगी छ्यालानी माहलेप येह ले।

१ पत्रुस 2:24

तिहक्‍पाकी ल़ेहया़ क्‍युर्ती ओहराङगी किन्‍ज्‍योकी थु ङ्ये़बाकी मिहजी ताङ ख़ूज्‍यु म़ेदी मास्‍यीकागी ओहराङगी तिहक्‍पाया़ राहङगी कुसोला खुर्ती क्‍याहङस्‍यीङला टोहङ नाङसीन।

१ पत्रुस 3:18

च्‍यिबेमाना ओहराङला किन्‍ज्‍यो साला ख्‍योङज्‍येला नाहम-मानाकी तेहन्‍दाला ताहङस्‍यी जेती मास्‍यीकाॱआङ तिहक्‍पाया़गी तेहन्‍दाला लेहमा च्‍यी़ टोहङ नाङसीन। नाम्‍पार-ताहक्‍पा मिह तिहक्‍च्‍येम्‍बाया़गी तेहन्‍दाला मास्‍यीका राहङगी कुसोला टोहङ नाङसीन यिहॱनाङ थु लाहमले मिहरो येहपाराङ सोम्‍बो ज़्‍याङ नाङसीन।