मर्कूस 8:21 - ह्योल्‍मो

²¹ येहपाराङ येशूगी खुङला टी़ह नाङसीन, “ओहले! च्‍यि ख्‍यागी तोहरोङॱआङ ह्‍अ मा़हकेहबा?”

मर्कूस 8:21 ပူးပေါင်းရင်းမြစ်များ

मर्कूस 6:52

येशूगी मिह तोङरा ङाला साहज्‍ये नाङग्‍यो थोङदीॱआङ खुङया़गी येशू सु यिहम्‍बा माएँ ङोह स्‍य़े मा़हखुबा येहकें च्‍यिबेमाना खुङया़गी सेम ज्‍यिबुराङ सान्‍दी काहल सिहन्‍ग्‍यो येहकें।

मर्कूस 8:12

दि सेन्‍दी येशूगी ऊ रिहङबुज्‍यी टिहती सुङ नाङसीन, “दाङ-तिहरीङगी मिहया़गी च्‍यिबे ताक्‍छेन ताज्‍ये छोल्‍गे? तेहम्‍बाराङ ङाह ख्‍याला माएँ, दि ल़ेहमु मिहया़गी च्‍यिॱआङ ताक्‍छेनया़ थोङ ङ्युहङज्‍ये म़ेह!”

मर्कूस 8:17

खुङगी दि ल़ेहमु पेहती ताम माक्‍यो ङोह ख्‍येन्‍दी येशूगी खुङया़ला सुङ नाङसीन, “खुरा माहख्‍योङबा सोङबे माक्‍यो यिहम्‍बा म़ेदी ख्‍या च्‍यिबे म़े तेहकें? च्‍यि ख्‍याला क्‍यी़ह म़ेहबा? च्‍यि ख्‍यागी तोहरोङॱआङ ह्‍अ मा़हकेहबा? च्‍यि ख्‍यागी सेम तोहरोङॱआङ सान्‍दीॱराङ येहबा?

मर्कूस 8:22

खुङ फ़ेबेॱया बेथसेदा युहलला लेप नाङगेमु मिहया़गी मी़ मेहथोङगेन मिह च्‍यी़ ख्‍योङदी, “खोला राहङगी छ्या़गी दे़ नाङदोङ लाह” म़ेदी येशूला स्‍युहसीन।

मर्कूस 9:19

येशूगी खुङया़ला सुङ नाङसीन, “काहन्‍डुमु यिह-छ्य़े म़ेहबागी मिहया़ दुबा! ख्‍या ङ्याम्‍बु ङाह काहजे ङ्यिहमा थु तेहच्‍ये? ङाहगी ख्‍या ङ्याम्‍बु काहजे थु ना़ज्‍ये? के खोला ङाहसाला ख्‍येर-स्‍यो ले।”

यूहन्‍ना 14:9

येशूगी खोला सुङ नाङसीन, “फिलिप, ओहजे ङ्यिहमा थु ङाह ख्‍या ङ्याम्‍बु तेहतीॱआङ तोहरोङॱआङ ख्‍येगी ङाहला ङोह मा़हस्‍येबा? ङाहला थोङगेन्‍दीगी याहपलाॱआङ थोङ सिहन्‍दी येह। ओ़ह सोङबे ख्‍ये ‘ङ्यिहला याहप तेन नाङदोङ’ म़ेदी काह-ठि पेहती मा ख़ूएँ?

१ कोरिन्‍थी 15:34

जेम्‍बु पेह, ता़ह यिहन्‍ज्‍यु तिहक्‍पा माहबे। च्‍यिबेमाना काहजे मिहया़लानी किन्‍ज्‍योगी तेहन्‍दाला क्‍यी़हराङ म़ेह। ख्‍याया़ला ङोह छाज्‍यु म़ेदी ङाहगी दि माक्‍यो यिहम्‍बा।

१ कोरिन्‍थी 6:5

दिनी ख्‍याया़ला ङोह छा कोहएँकी ताम यिहम्‍बा। ख्‍या नाहङदुङ ठुक्‍पा स्‍योर्केमु ठुक्‍पा डी़ च्‍य़ूगे ख्‍याया़गी पाहरक्‍यीला मास्‍यीकापा आदा-नो़ह च्‍यी़ॱआङ म़ेहबा ले?