मर्कूस 8:17 - ह्योल्‍मो

¹⁷ खुङगी दि ल़ेहमु पेहती ताम माक्‍यो ङोह ख्‍येन्‍दी येशूगी खुङया़ला सुङ नाङसीन, “खुरा माहख्‍योङबा सोङबे माक्‍यो यिहम्‍बा म़ेदी ख्‍या च्‍यिबे म़े तेहकें? च्‍यि ख्‍याला क्‍यी़ह म़ेहबा? च्‍यि ख्‍यागी तोहरोङॱआङ ह्‍अ मा़हकेहबा? च्‍यि ख्‍यागी सेम तोहरोङॱआङ सान्‍दीॱराङ येहबा?

मर्कूस 8:17 ပူးပေါင်းရင်းမြစ်များ

मत्ती 12:15

ओ़ह ताम येशूगी ङोह ख्‍येन्‍दी येशू ओहलेगी फेप नाङसीन, ओहले मिह माहङबुराङ येशूला ताहदा क्‍याहप्‍ती काहल्‍सीन, ओहले येशूगी खुङ थाम्‍ज्‍यीलाराङ टा़ह च्‍य़ू नाङसीन,

मत्ती 15:17

ख्‍याया़ला क्‍यी़ह म़ेहबा ले? मिहगी खालेगी नाहङला स्‍य़ूहक्‍योकी से़हनी खोगी टेहपा नाहङला लेप्‍कें ओहले तिङले ज़ुबुलेगी थेन्‍दी डोएँ।

मत्ती 16:7

ओहले स्‍याहप्‍च्‍यीया़गी “ओहराङगी खुरा माहख्‍योङबा सोङबे येशूगी दि ल़ेहमु सुङ नाङग्‍यो यिहम्‍बा,” म़ेदी राहङ नाहङदुङ ताम माज्‍ये छ़ूसीन।

मर्कूस 16:14

ओ़ह तिङले स्‍याहप्‍च्‍यी च्‍यिङ्यी़राङ साहज्‍ये से़हया़ स़ेह तेहकेमु येशू खुङया़गी पाहरक्‍यीला फेप नाङसीन। राहङ-राहङगी सेम सान्‍दी पेहती येशूला टोहङग्‍योलेगी सोम्‍बो लो़हक्‍यो थोङगेनया़गी तामला यिह मा़हछ्येबा सोङबे येशूगी खुङया़ला काप्‍क्‍येन नाङसीन।

मर्कूस 2:8

ओ़हजेलाराङ येशूगी खुङगी सेमगी ताम ङोह ख्‍येन्‍दी सुङ नाङसीन, “च्‍यिबे ख्‍या दि रोहवा साम्‍लु ताङगे?

मर्कूस 3:5

ओ़ह सोङबे येशूगी थुयाल ज़्‍याङदी खुङ थाम्‍ज्‍यीलाराङ ज़ी़ नाङसीन। ओ़ह मिहया़गी सेम सान्‍दी ज़ी़ नाङदी येशूगी ज्‍यिबुराङ थु ङ्युङबु जे नाङसीन। ओहले येशूगी ओ़ह मिहला सुङ नाङसीन, “ख्‍येगी लाहक्‍पा क्‍याङदोङ ले।” ओहले ओ़ह मिहगी लाहक्‍पा क्‍याङसीन ओहले खोगी लाहक्‍पा टा़हसीन।

मर्कूस 6:52

येशूगी मिह तोङरा ङाला साहज्‍ये नाङग्‍यो थोङदीॱआङ खुङया़गी येशू सु यिहम्‍बा माएँ ङोह स्‍य़े मा़हखुबा येहकें च्‍यिबेमाना खुङया़गी सेम ज्‍यिबुराङ सान्‍दी काहल सिहन्‍ग्‍यो येहकें।

मर्कूस 8:16

ओहले स्‍याहप्‍च्‍यीया़गी राहङ नाहङदोङ, “ओहराङगी खुरा माहख्‍योङबा सोङबे येशूगी दि ल़ेहमु सुङ नाङग्‍यो यिहम्‍बा नि,” म़ेदी ताम माज्‍ये छ़ूसीन।

लूका 24:25

ओहले येशूगी खुङया़ला सुङ नाङसीन, “ए रिहक्‍स्‍यी म़ेहबागी मिह, ख्‍यागी सेम देजे लो-सेपु काहल्‍दी येह, लुहङतेम्‍बाया़गी माक्‍योगी केच्‍याया़ ख्‍याया़गी यिह मे़हछ्येएँ!

यूहन्‍ना 16:30

ता़ह ङ्यिहगी ङोह स्‍य़ेसीन, राहङला थाम्‍ज्‍यीराङ से़हया़ थुयी़ येहबा, ओहले राहङला सुज्‍यीगीॱआङ टी़ह कोहबा म़ेह। ओ़ह सोङबे राहङ किन्‍ज्‍यो लाहमलेॱराङ फेप नाङग्‍यो यिहन म़ेदी ङ्यिह यिह छ्य़ेगे।”

यूहन्‍ना 21:17

ओहले येशूगी पत्रुसला येहपाराङॱआङ टी़ह नाङसीन, “ए यूहन्‍नाकी पुह सिमोन, च्‍यि ख्‍ये ङाहला चेवा पेहकें?” ओहले पत्रुस ज्‍यिबुराङ सेम नाहमु काहल्‍सीन, च्‍यिबेमाना येशूगी खोला “च्‍यि ख्‍ये ङाहला चेवा पेहकें?” सुङदी लेहमा सुम टी़ह नाङसीन। ओहले खोगी येशूला मासीन, “चो़वो, राहङगी थाम्‍ज्‍यीराङ ङोह ख्‍येन नाङगे। ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला साहज्‍ये तेर।

ज्‍याल्‍गा 2:23

मोहला तिङ ङ्या़गे थाम्‍ज्‍यीला ङाह तोङ च्‍य़ूज्‍ये येह ओहले थाम्‍ज्‍यीगी सेम्‍बा दाङ नोम्‍साङला ङ्याहम च्‍येकेन्‍दी ङाहराङ यिहन म़ेदी थाम्‍ज्‍यी छेन्‍छोकया़गी क्‍यी़ह ज्‍योर्च्‍ये येह। ङाह ख्‍या थाम्‍ज्‍यीला राहङ-राहङगी ल़ेहला ते़बे च्‍याहगा तेर्च्‍ये येह।