मर्कूस 8:13 - ह्योल्‍मो

¹³ देजे सुङदी येशू खुङया़ला ओ़हला क्‍युर ज़्‍या़दी टुह-छ्युङला जा़दे येहपाराङ फार्केन देपला फेप नाङसीन।

मर्कूस 8:13 ပူးပေါင်းရင်းမြစ်များ

मत्ती 15:14

खुङया़ला च्‍योल्‍दो माहतेन, खुङया़नी मी़ मेहथोङगेन गोबाया़ यिहम्‍बा। मी़ मेहथोङगेन मिहगी राहङसा मी़ मेहथोङगेन मिहला ठिसीमानानी, ङ्यिकाराङ ओमला छ्यिकें।”

मत्ती 7:6

“नाम्‍पार-ताहक्‍पा से़हया़ क्‍यिबुया़ला माहतेर। राहङगी मोतीया़ फा़या़गी दिनला माहक्‍युर, मिहन्‍सीमानानी खो राहङगी काङबागी ओ़ह से़हया़ला नेम्‍ज्‍ये येह ओहले फिर्च्‍या ल्‍होक लो़हदी ख्‍याया़ थो़ला च्‍योम ओहङज्‍ये येह।”

मर्कूस 8:12

दि सेन्‍दी येशूगी ऊ रिहङबुज्‍यी टिहती सुङ नाङसीन, “दाङ-तिहरीङगी मिहया़गी च्‍यिबे ताक्‍छेन ताज्‍ये छोल्‍गे? तेहम्‍बाराङ ङाह ख्‍याला माएँ, दि ल़ेहमु मिहया़गी च्‍यिॱआङ ताक्‍छेनया़ थोङ ङ्युहङज्‍ये म़ेह!”

मर्कूस 8:14

स्‍याहप्‍च्‍यीया़गी खुरा ख्‍योङज्‍ये टेहम्‍बा च्‍येहती येहकें, ओहले टुह-छ्युङला खुङया़ ङ्याम्‍बु खुरा च्‍यी़ज्‍यीॱराङ येहकें।

लूका 8:37

ओहले गेरासेनी लुहङबागी थाम्‍ज्‍यीराङ मिहया़गी, “दि ग्‍या़ले फेप्‍तोङ लाह, ओहर-छ्य़े!” म़ेदी स्‍युहसीन च्‍यिबेमाना खुङया़ ज्‍यिबुराङ ज्‍यी़क्‍यो येहकें। ओ़ह सोङबे येशू टुह-छ्युङला जा़दे लो़ह फेप नाङसीन।

यूहन्‍ना 12:36

ओ़ह सोङबे क्‍या-साङे ख्‍याया़ ङ्याम्‍बु येहकेमुराङ ख्‍यागी ओ़हदीला यिह छ्य़ेदोङ ओहले ख्‍या क्‍या-साङेगी छार्क्‍यीन ओहङज्‍ये येह।” दे़ज्‍ये सुङदी येशू ओ़ह ग्‍या़ले फेप नाङसीन ओहले खुङ यिहन्‍ज्‍यु यिहप्‍ती ज़्‍य़ू नाङसीन।

यूहन्‍ना 8:21

येशूगी खुङया़ला येहपाराङ सुङ नाङसीन, “ङाह दि ग्‍या़ले डोज्‍ये येह, ओहले ख्‍याया़गी ङाहला छोल्‍ज्‍ये येह, यिहॱनाङ ख्‍याया़ राहङगी तिहक्‍पाला स्‍यिज्‍ये येह। ङाह डोएँगी ग्‍या़ला, ख्‍याया़ ओहङ मी़हखु।”

ल़ेह-पेन 18:6

ओहले खुङया़गी पावलला खा लो़हदी स्‍ये़हन्‍डील पेहसीन। ओ़ह सोङगोराङ पावलगी राहङगी काप्‍च्‍या प्रू़दी खुङया़ला दि ल़ेहमु मासीन, “ख्‍याया़गी तिहक्‍पा ख्‍याया़लाॱराङ फो़ज्‍यु, ता़ह ङाहला ङ्य़ेहबा फो़ज्‍ये म़ेह। ता़ह यिहन्‍ज्‍यु ङाह लेहमेन क्‍यिहपागी मिहया़साला डोज्‍ये येह।”

ल़ेह-पेन 27:2

एड्रामिटेनोस क्‍याहसाले एशियागी छ्यु-टुहया़ तेहकें ग्‍या़गी लाहमया़ले पेहती छ्यु-टुह च्‍यी़ला जा़दी ङ्यिह काहल्‍सीन। माकेडोनिया लुहङबागी थेसलोनिके क्‍याहसाले ओहङग्‍योगी अरिस्‍तार्खस माएँ मिह च्‍यी़ ङ्यिह ङ्याम्‍बुराङ येहकें।