मर्कूस 7:6 - ह्योल्‍मो

⁶ येशूगी खुङया़ला सुङ नाङसीन, “यशैया लुहङतेम्‍बागी प्रुहक्‍योगी दि स्‍याहल ख्‍या यिहन्‍दो तेन्‍गेनया़ ङ्याम्‍बु ठाबेराङ डी़गे– ‘दि मिहया़गी ङाहला खागीनी ची़नाङ पेहचेनज्‍यी तेन्‍गे, यिहॱनाङ खुङगी सेमनी ङाहलेगी ज्‍यिबुराङ था़-रिहङबु येह।

मर्कूस 7:6 ပူးပေါင်းရင်းမြစ်များ

यूहन्‍ना 15:24

लेहमेन सुज्‍यीगीॱआङ माहबेबाकी याहम्‍जेन छ्येवागी ल़ेहया़ ङाहगी खुङया़की पाहरक्‍यीला माहबेबा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ, ता़ह ङाहगी पेहक्‍यो दि ल़ेह थाम्‍ज्‍यी खुङया़गी थोङ सिहन्‍दी येह यिहॱनाङ खुङगी ङाह दाङ ङाहती याहपला ङ्येन्‍ज्‍येन पेहकें।

यूहन्‍ना 5:42

यिहॱनाङ ख्‍याया़गी सेमला किन्‍ज्‍योगी चेवा मेह माएँ ताम ङाहगी ङोह स्‍य़े सिहन्‍दे येह।

ल़ेह-पेन 28:25

ओहले खुङराङ नाहङदोङराङ ताम मा़हन्‍डीबा पेहती ओहलेगी डोज्‍ये पेहसीन। ओहजेला पावलगी मासीन, “नाम्‍पार-ताहक्‍पा थुगी राहङ फे़बेया़गी चावाया़ला सुङ नाङग्‍योकी स्‍याहल तेहम्‍बा-तेहन्‍सुमॱराङ यिहम्‍बा च्‍यिबेमाना यशैया लुहङतेम्‍बा लाहमले किन्‍ज्‍योगी दि ल़ेहमु जेती स्‍याहल सुङ नाङसीन–

२ तिमोथी 3:5

खुङया़गी छ्य़ेसेम पेहचेनज्‍यी तेन्‍गे यिहॱनाङ ओ़हगी ओङया़लादी मा-लोक पेहकें। ओ़ह ल़ेहमु मिहया़ ङो़ले था़-रिहङबुराङ तेहतोङ।

तीतस 1:16

खुङया़गी किन्‍ज्‍योला ङोह स्‍य़ेगे म़ेदीनी माएँ यिहॱनाङ खुङया़गी पेहक्‍यो ल़ेहया़गीदी किन्‍ज्‍योला मा-लोक पेहक्‍यो म़ेदी तेन्‍गे। खुङया़नी नाम्‍दो लाहङज्‍ये ल़ेहमु ओहङगे ओहले किन्‍ज्‍योगी काया़ मी़हची़एँदी ओहङगे ओहले खुङ का़हन्‍दीॱआङ या़हबु ल़ेहया़ पेहच्‍येला मी़हसीहएँ।