मर्कूस 7:34 - ह्योल्‍मो

³⁴ ओ़ह तिङले येशूगी स्‍यिहङगाम ङो़ले ऊ रिहङबुज्‍यी टिह-नाङदी, “इफ्‍फाता,” म़ेदी सुङ नाङसीन। दि माक्‍योगी तेहन्‍दादी “खा फ़ेज्‍यु” म़ेदी माक्‍यो यिहम्‍बा।

मर्कूस 7:34 ပူးပေါင်းရင်းမြစ်များ

मर्कूस 1:41

दि सेन्‍दी येशूगी थुला निङ च्‍येहसीन ओहले येशूगी राहङगी छ्या़ खो थो़ला ज़्‍या़दी सुङ नाङसीन, “ङाहगी सेमला ने़क्‍यो ल़ेहमुराङ ख्‍ये टा़हज्‍यु।”

मर्कूस 15:34

छ्युजी सुमजेला येशूगी दि ल़ेहमु सुङदी क़े तेन नाङसीन, “इलोई, इलोई लामा सबखथनी?” दि माक्‍यो तेहन्‍दादी, “ओ़ ङाहगी किन्‍ज्‍यो, ओ़ ङाहगी किन्‍ज्‍यो राहङगी ङाहला च्‍यिबे क्‍युर ज़्‍या़ नाङग्‍यो?” म़ेदी माक्‍यो यिहम्‍बा।

मर्कूस 5:41

ओहले येशूगी पोहमोगी लाहक्‍पाला ज़ुङ नाङदी, “तालिता कूम!” म़ेदी सुङ नाङसीन। तालिता कूम सुङग्‍योदी तेहन्‍दा, “ए नुहमु, ङाह ख्‍येला माएँ, लाहङदोङ!” म़ेदी सुङ नाङग्‍यो यिहम्‍बा।

मर्कूस 6:41

ओहले येशूगी खुरा ङा दाङ ङ्याह ङ्यी़ नोम्‍दी स्‍यिहङगाम ङो़ले ज़ी़दी किन्‍ज्‍योला थुज्‍यी-छ्ये़ फुल नाङसीन ओहले खुरा राल्‍दी स्‍याहप्‍च्‍यीया़ला के़हदी तेर्तोङ म़ेदी सुङ नाङसीन। ओ़ह ल़ेहमुराङ जेती येशूगी ओ़ह ङ्याह ङ्यी़ॱआङ के़हदी नाङसीन।

मर्कूस 7:35

दि ल़ेहमु सुङ-लुहङ मे़हबाराङ ओ़ह मिहगी नाम्‍ज्‍यो थे़गेन काहल्‍सीन, ओहले खोगी च्‍येले युङ ख़ूसीन ओहले खोगी तामॱआङ टाक्‍पु पेहती माज्‍ये छ़ूसीन।

मर्कूस 8:12

दि सेन्‍दी येशूगी ऊ रिहङबुज्‍यी टिहती सुङ नाङसीन, “दाङ-तिहरीङगी मिहया़गी च्‍यिबे ताक्‍छेन ताज्‍ये छोल्‍गे? तेहम्‍बाराङ ङाह ख्‍याला माएँ, दि ल़ेहमु मिहया़गी च्‍यिॱआङ ताक्‍छेनया़ थोङ ङ्युहङज्‍ये म़ेह!”

लूका 18:42

येशूगी सुङ नाङसीन, “ता़ह ख्‍येगी तेहपागी पेहती ख्‍ये मी़ थोङगे काहल्‍सीन।”

लूका 19:41

ओहले येशू यरूशलेम पोहला लेप्‍च्‍ये जेकेमु क्‍याहसाला ज़ी़दी येशूगी स्‍योम्‍दी सुङ नाङसीन,

लूका 7:14

ओहले येशू तोहङले फेप्‍ती रोहगी टोहमला ज़ुङदी का नाङसीन। ओहले रोह खुर्केन मिहया़ थेमे पेहती क़ूहसीन। ओहले येशूगी रोहला, “ङाहगी माएँ, ए नो़ह, ख्‍ये लाहङदोङ!” म़ेदी सुङ नाङसीन।

यूहन्‍ना 11:33

ओहले येशूगी मरियम दाङ मोहगी तिङदा तिङ ओहङग्‍योगी यहूदीया़ॱआङ ङी़हदी तेहक्‍यो ज़ी़ नाङ फान्‍ज्‍यो येशूकी थु ङ्युङसीन ओहले ज्‍यिबुराङ छाबा-छुबे जे नाङसीन।

यूहन्‍ना 11:35

ओहजेला येशूॱआङ स्‍युम नाङसीन।

यूहन्‍ना 11:38

ओहले येशू येहपाराङ ज्‍यिबुराङ थु नाहमु जेती लाजरसकी फुङबु ज़्‍या़क्‍योगी तुहर्सा ङो़ले फेप नाङसीन। ओ़ह तुहर्सादी फुक्‍पा च्‍यी़ला ज़ोक्‍यो येहकें ओहले ओ़ह फुक्‍पागी कोहला तोह छ्यिम्‍बु च्‍यी़गी का़क्‍यो येहकें।

यूहन्‍ना 11:41

ओहले खुङया़गी फुक्‍पागी कोह खा फ़ेसीन। ओहले येशूगी स्‍यिहङगाम ङो़ले ज़ी़दी सुङ नाङसीन, “ओ़ याहप, ङ्यिह राहङला थुज्‍यी-छ्ये़ फुल्‍गे, च्‍यिबेमाना ङाहगी ओहर-छ्य़े स्‍युहक्‍यो राहङगी सेन नाङसीन।

यूहन्‍ना 11:43

दे़ज्‍ये सुङ छर फान्‍ज्‍यो येशूगी सुङ-क़े छ्यिम्‍बुच्‍यी तेन्‍दी लाजरसला क़े क्‍याहप नाङसीन, “ए लाजरस, फिला थेन्‍दी स्‍यो।”

यूहन्‍ना 17:1

दि स्‍याहल सुङ छार फान्‍ज्‍यो येशूगी स्‍यिहङगाम ङो़ले ज़ी़दी सुङ नाङसीन, “ओ़ याहप, ता़ह ती़हजी लेप सिहन्‍दी येह। राहङगी स़ेबुगी याहपदी ज़िज्‍यिद तेन ख़ूज्‍यु म़ेदी खोला ज़िज्‍यिद नाङदोङ।

ल़ेह-पेन 9:34

ओहले पत्रुसगी एनियासला, “ए एनियास, येशू मास्‍यीकाकी ख्‍येला ताहन्‍दाॱराङ टा़ह च्‍य़ू नाङगेन। ता़ह ख्‍ये लाहङदोङ, ओहले राहङगी तेङगो तिहदोङ!” म़ेदी मासीन। ओहले खो ओ़हजेलाराङ ह्‍ओप लाहङसीन ओहले खो डो ख़ूएँ काहल्‍सीन।

ल़ेह-पेन 9:40

ओहले पत्रुसकी खुङ थाम्‍ज्‍यीला फिला ताङसीन ओहले पी़मु च़ूदी सोल्‍वाङ ताप्‍सीन। ओहले पत्रुसगी ओ़ह फुङबु ङो़ले त़ेदी, “ए ताबीता, ख्‍ये लाहङदोङ!” म़ेदी मासीन ओ़हजेलाराङ मोहगी मी़ खा फ़ेसीन ओहले पत्रुसला थोङदी लाहङदी तेहसीन।

हिब्रू 4:15

च्‍यिबेमाना ओहराङ मा-फाम्‍बु डोएँमु ओहराङगी गो-छ्येवा पूजाहारीगी ओहराङला सेम सो च्‍य़ू नाङ ख़ूएँ। ओहराङ ल़ेहमुराङ मिहरोॱआङ थाम्‍ज्‍यीराङ से़हया़ला ङ्याहम्‍छेला छ्यि नाङसीन, यिहॱनाङ मिहरोगी तिहक्‍पा च्‍यिॱआङ जे माहनाङ।