मर्कूस 7:3 - ह्योल्‍मो

³ फरिसीया़ दाङ थाम्‍ज्‍यी यहूदीया़गी खुङया़गी आख्‍ये मे़हमेया़गी ज़ोक्‍यो ठिमला ल़ेहमु लाहक्‍पा मा़हठी़बा पेहती साहज्‍ये से़हया़ मेहसाह येहकें।

मर्कूस 7:3 ပူးပေါင်းရင်းမြစ်များ

मर्कूस 7:13

दि ल़ेहमु पेहती ख्‍या राहङगी पे-ठिमगी तिङ ङ्ये़दी किन्‍ज्‍योगी काया़ला फेन मे़हथोएँ ज़ोएँ ओहले ओ़ह ल़ेहमु लेहमेन माहङबुराङ से़हया़ ख्‍यागी पेहकेनॱराङ येहबा।”

मर्कूस 7:5

ओ़ह सोङबे फरिसी दाङ छ्य़े-ठिमकी लोबेनया़गी येशूला, “च्‍यिबे राहङगी स्‍याहप्‍च्‍यीया़गी आख्‍ये मे़हमेया़गी पे-ठिमला मा़हचीबा पेहती लाहक्‍पा मा़हठीबाॱराङ साहज्‍ये से़हया़ साहएँ?” म़ेदी टी़हसीन।

लूका 11:38

येशूगी छ्या़ माहसील्‍बा जेते सोल छ्येच्‍ये जेकेन थोङगोराङ ओ़ह फरिसी ह्‍अ ल़ेहसीन।

यूहन्‍ना 2:6

यहूदीया़की राहङला चाङमा ज़ोएँ ठिमकी तेहन्‍दाला ओ़हला लिटर क्‍याह च्‍यिचे स्‍योङगेन्‍गी तोहगी ज़ोक्‍यो फुम्‍बा ट़ूह थाल ज़्‍या़क्‍यो येहकें।

गलाती 1:14

ङ्यिहगी क्‍यिहपाला, यहूदी छ्य़े ची़गेया़ नाहङला ङाहगी स्‍यार-च्‍युङकी रो़हया़ म़ेदी ङाह माहङबुराङ तोहङले येहकें। ङाहती आख्‍ये मे़हमेया़गी पे-ठिमला ङाह स्‍यिङ्याल कोङ्याल पेहती ची़उ येहकें।

कलस्‍सी 2:8

टिहम्‍बु पेहती तेह, फेन्‍दोप म़ेहबागी रिहक्‍स्‍यी दाङ छलगी काहङग्‍यो नोम्‍साङया़गी मिताला माहछ्यीज्‍यु। दि ल़ेहमु केच्‍याया़ मास्‍यीका लाहमले ओहङग्‍यो मिहम्‍बा यिहॱनाङ दि मिहया़गी पे-ठिम दाङ जाम्‍बुलीङला ओङ छ्य़ेगेन ङ्येहम्‍बा नाम्‍स्‍यी लाहमले ओहङग्‍यो यिहम्‍बा।

१ पत्रुस 1:18

ख्‍याया़ला क्‍यी़हराङ येहबा– राहङ चावाया़ लाहमले ओहङग्‍योगी स्‍यिती काम्‍बुगी तामया़ यिहन्‍ज्‍यु, सेर दाङ ङुल ल़ेहमु तोङदी डोएँगी से़हया़ लाहमले रिहन च्‍याल्‍दी ख्‍याया़ला खा फे़क्‍यो मिहम्‍बा।