मर्कूस 6:6 - ह्योल्‍मो

⁶ राहङ ग्‍या़गी मिहया़गी यिह मा़हछ्येबा ज़ी़दी येशू ह्‍अ ल़ेहसीन। येशू युहल युहलया़ला फेप्‍ती मिहया़ला सुङदेन नाङगेराङ फेप नाङसीन।

मर्कूस 6:6 ပူးပေါင်းရင်းမြစ်များ

मत्ती 4:23

ओहले येशूगी खुङया़गी छो़खाङया़ला लोप्‍केॱराङ, किन्‍ज्‍योगी क्‍याहल्‍सीगी तेहन्‍दाला लेहङगु या़हबुया़ स्‍येकेराङ, ओहले मिहया़ला क्‍याहप्‍क्‍योगी नमे-नाजो नाहजाया़ दाङ ज़ुबुगी ने़-क्‍यालया़ला टा़ह च्‍य़ू नाङदी गालील साने़ काहङ्येॱराङ कोरा क्‍याहप नाङसीन।

मत्ती 8:10

दि केच्‍या सेन्‍दी येशू ह्‍अ ल़ेह नाङसीन ओहले राहङ तिङला ताहदा क्‍याहप्‍ती ओहङग्‍यो मिहया़ला सुङ नाङसीन, “तेहम्‍बाराङ ङाह ख्‍याया़ला माएँ, देजे छ्यिम्‍बु तेहपा पेहकेन मिहनी ङाहगी इस्राएल क्‍याहल-खाप नाहङॱलाङ च्‍य़ेह सिहन्‍दी म़ेह।

मत्ती 9:35

येशू क्‍याहसा क्‍याहसा दाङ युहल युहलगी छो़खाङया़ला सुङदेन ख्‍येप्‍टा नाङगेनॱराङ किन्‍ज्‍योगी क्‍याहल्‍सीकी तेहन्‍दाला या़हबु लेहङगुगी केच्‍याया़ स्‍ये नाङसीन, ओहले मिहया़दी नामे-नाजो नाहजाया़ दाङ नेहपाया़ला टा़ह-च्‍यू़ नाङसीन।

मर्कूस 1:39

ओहले येशू छो़खाङया़ला सुङदेन नाङगेराङ ल्‍हेन्‍डीया़ तेन्‍दी गालील साने़की थाम्‍ज्‍यी ग्‍या़या़ला कोरा क्‍याहप नाङसीन।

मर्कूस 10:1

ओहले येशू ओ़ह ग्‍या़ क्‍युर ज़्‍या़दी यर्दन चाङबुगी फार्केन देपकी यहूदीयागी युहलया़ला फार फेप नाङसीन ओहले मिह माहङबुराङ येशूसाला जोम ओहङसीन, ओहले येशूगी येहपाराङ तोहङले ल़ेहमुराङ जेती खुङया़ला सुङ ख्‍येप्‍टा नाङज्‍ये छ़ूसीन।

लूका 13:22

येशू क्‍याहसा क्‍याहसा दाङ युहल युहलया़ला स्‍य़ूहदी मिहया़ला सुङदेन नाङदी यरूशलेम ङो़ले फेप नाङसीन।

लूका 4:31

ओ़ह तिङले येशू गालील साने़की कफर्नहुम माएँ क्‍याहसाला फेप नाङसीन। नाम्‍पार-ताहक्‍पा थाङ सोएँ ङ्यिहमु मिहरोगी मिहया़ला सुङदेन नाङगो येहकें।

लूका 4:44

ओहले येशू यहूदीया लुहङबागी छो़खाङया़ला फेप्‍ते सुङ ख्‍येप्‍टा नाङज्‍ये छ़ूसीन।

यूहन्‍ना 9:30

ओहले ओ़ह मिहगी मासीन, “दि काहन्‍डुमु ह्‍अ ल़ेहबाकी ताम! मिहरो का़हले फेप नाङग्‍यो यिहम्‍बा म़ेदी राहङ फे़बेया़ला थुयी़ म़ेहबा, यिहॱनाङ ङाहती मी़ मिहरोगीॱराङ थोङगेन ज़ो नाङसीन?

ल़ेह-पेन 10:38

किन्‍ज्‍योगी नासरतगी येशूला राहङगी नाम्‍पार-ताहक्‍पा थु दाङ स्‍युक नाङसीन। ओहले किन्‍ज्‍यो येशू ङ्याम्‍बु ज़्‍य़ू नाङग्‍यो सोङबे येशूगी छ्या़ले या़हबुया़ जे नाङसीन। ओहले ती़ह स्‍युहक्‍यो मिहया़ला टा़ह च्‍य़ू नाङगेराङ थाम्‍ज्‍यी ग्‍या़या़ला फेप नाङसीन।