मर्कूस 6:20 - ह्योल्‍मो

²⁰ च्‍यिबेमाना यूहन्‍ना मिह टाहङबु दाङ छ्य़ेसेम पेहकेन्‍गी मिह यिहन म़ेदी हेरोदला क्‍यी़ह येहकें। ओ़ह सोङबे खोगी यूहन्‍नाला माहसेपा पेहती ज़्‍या़सीन। हेरोदगी यूहन्‍नागी ताम थे़गेमु हेरोद सेम कालाम-मालाम डोॱनाङ खोगी यूहन्‍नागी ताम या़हबु ने़उ येहकें।

मर्कूस 6:20 ပူးပေါင်းရင်းမြစ်များ

मत्ती 14:5

ओ़ह सोङबे हेरोदगी खोला सेच्‍ये छोल्‍ग्‍यो येहकें। यिहॱनाङ खो मिहया़ ङ्याम्‍बु ज्‍यी़सीन च्‍यिबेमाना खुङया़गी यूहन्‍नाला लुहङतेम्‍बा यिहन म़ेदी चा़ पेहको येहकें।

मत्ती 21:26

ओहले मिहलेगी माज्‍ये मानानी, मिह मिह-माहङया़गी ओहराङला सेकेन्‍गी ज्‍यी़सु येहबा च्‍यिबे मासीमाना मिह थाम्‍ज्‍यीगीराङ यूहन्‍नाला लुहङतेम्‍बा यिहन म़ेदी चा़ पेहकें।”

मर्कूस 11:18

दि केच्‍या पूजाहारी छ्यिम्‍बु दाङ छ्य़े-ठिमकी लोबेनया़गी थ़ेसीन। ओहले खुङगी येशूला सेच्‍ये छोल्‍सीन यिहॱनाङ खुङ येशू ङ्याम्‍बु ज्‍यी़उ येहकें च्‍यिबेमाना मिहरोगी सुङदेन ङ्यिहन्‍दी मिह थाम्‍ज्‍यीराङ ह्‍अ ल़ेहउ येहकें।

मर्कूस 4:16

ओहले ओ़ह ल़ेहमुराङ तोहरो खाया़ला लेप्‍क्‍योगी सेनगी तेहन्‍दा च्‍यि यिहम्‍बा मासीमाना, लाहला मिहया़गी किन्‍ज्‍योगी सुङदेन ङ्यिहन्‍गे ओहले क़ेहनाङ पेहती लाहम्‍साङराङ खोगी किन्‍ज्‍योला यिह-छ्य़े पेहकें।

यूहन्‍ना 5:35

यूहन्‍नानी ती़हदी तेहकेन लो दाङ क्‍या-साङे येहसेर ल़ेहमु येहकें, ओहले ख्‍या खोगी क्‍या-साङेला याहम्‍बीज्‍यीगी तेहन्‍दाला च्‍यी़राङ सेम काहसो पेहच्‍येला ङ्यिहन्‍सीन।”

ल़ेह-पेन 2:12

ओहले खुङया़ ह्‍अ ल़ेहदी थामा थोमे पेहती राहङ नाहङदुङ, “दिगी तेहन्‍दा च्‍यि यिहम्‍बानी?” म़ेदी टी़हदाप पेहसीन।

ल़ेह-पेन 5:24

ओहले छ्योखाङगी पोम्‍बो दाङ पूजाहारी छ्यिम्‍बुया़गी दि लेहङगु थ़े फान्‍ज्‍यो “ता़ह च्‍यि डोएँ यिहम्‍बानी?” म़ेदी खुङ ल़ेह-पेनया़गी तेहन्‍दाला थामा थोमे काहल्‍सीन।