मर्कूस 6:11 - ह्योल्‍मो

¹¹ ओहले युहलला लेप्‍केमु ख्‍याला सु मिह च्‍यी़गीॱआङ फेप मेहस्‍युहसीमाना ओहले ख्‍यागी ताम मिहङ्यीहन्‍सीमाना ओ़ह मिहया़ला किन्‍ज्‍योगी ताङ नाङगेन्‍गी छ्य़े-ठिमगी ज्‍यी़-ङोर तेन्‍दे राहङगी काङबागी थाल्‍बी ओ़हलाराङ प्रू़दी ओ़ह युहललेगी थेन्‍दी सोङ।”

मर्कूस 6:11 ပူးပေါင်းရင်းမြစ်များ

मत्ती 12:36

ङाह ख्‍येला माएँ, फेन मे़हथोएँगी ताम माएँया़गी ठिम ताङगे ङ्यिहमु ताम रे़ह-रे़हगी चिदुङ तेर कोहच्‍ये येह।

मर्कूस 6:10

येशूगी खुङया़ला सुङ नाङसीन, “ख्‍या युहल च्‍यी़ला लेप्‍केमु का़हन्‍दी खाङबाला स्‍य़ूहगे, ओ़ह युहलले थेन्‍दी माहकाहल थु ख्‍या ओ़ह खाङबालाराङ तेहतोङ।

लूका 9:5

मिहगी युहलला लेप्‍ते ख्‍याला सुगीॱआङ फेप मिहस्‍युहसीमाना ओ़ह युहलले थेन्‍दी डोएँमु ओ़ह युहलगी मिहया़ला किन्‍ज्‍योगी ठिम ताङ नाङज्‍ये येह म़ेदी तेन्‍ज्‍येला ख्‍यागी काङबाला ज़्‍योरक्‍योगी थाल्‍बी प्रू़दी ज़्‍यो़!” म़ेदी येशूगी स्‍याहप्‍च्‍यीया़ला सुङ नाङसीन।

ल़ेह-पेन 18:6

ओहले खुङया़गी पावलला खा लो़हदी स्‍ये़हन्‍डील पेहसीन। ओ़ह सोङगोराङ पावलगी राहङगी काप्‍च्‍या प्रू़दी खुङया़ला दि ल़ेहमु मासीन, “ख्‍याया़गी तिहक्‍पा ख्‍याया़लाॱराङ फो़ज्‍यु, ता़ह ङाहला ङ्य़ेहबा फो़ज्‍ये म़ेह। ता़ह यिहन्‍ज्‍यु ङाह लेहमेन क्‍यिहपागी मिहया़साला डोज्‍ये येह।”

रोमी 2:16

ङाहगी या़हबु लेहङगुगी ताम प्रा साल्‍ग्‍यो ल़ेहमुराङ दि केच्‍या किन्‍ज्‍योगी येशू मास्‍यीका लाहमले, मिहगी राहङ सेम नाहङला साङदे ज़्‍या़क्‍योकी तामया़ला ठिम ताङ नाङगे ङ्यिहमाला ओहङज्‍ये येह।

रोमी 2:5

यिहॱनाङ ख्‍याया़गी राहङगी सेम सान्‍दी पेहती स्‍या़बा माहन्‍डुपा सोङबे किन्‍ज्‍योकी थुयालकी ङ्यिहमाला ख्‍याया़ला जेन छ्यिम्‍बु ङ्य़ेहबा फो़ज्‍ये येह, ओहजेला किन्‍ज्‍योगी ठिम टाहङबु जेती ताङ नाङग्‍योदी मिह थाम्‍ज्‍यीगी थोङज्‍ये येह।

२ पत्रुस 2:6

किन्‍ज्‍योगी सदोम दाङ गमोरा क्‍याहसाला मेह ताङदे तोङ च्‍य़ू नाङसीन ओहले ओ़ह ग्‍या़गी स्‍यी़हॱराङ तोङ च्‍य़ू नाङसीन, दि ल़ेहमु जेती किन्‍ज्‍योला मे़हक्‍याप्‍के मिहया़गी गादी काहन्‍डुमु ओहङगु दुबा म़ेदी खुङया़ला पे च्‍यी़ तेन नाङसीन।

२ पत्रुस 2:9

दि ल़ेहमु जेती टाहङबु मिहला ङ्याहम्‍छेलेगी थार च्‍य़ूज्‍ये दाङ तिहक्‍च्‍येम्‍बा मिहया़ला ठिम ताङ नाङगे ङ्यिहमा थु सी़दे ज़्‍या़ नाङज्‍येला चो़वोगी ङोह ख्‍येन्‍गे।

२ पत्रुस 3:7

यिहॱनाङ ओ़ह सुङगीॱराङ किन्‍ज्‍योला मे़हक्‍याप्‍के मिहया़ला ठिम ताङ नाङज्‍येला तोङ च्‍य़ू नाङगेन्‍गी ङ्यिहमा थु ताहन्‍दाकी नाम दाङ जाम्‍बुलीङगी मेहकी तेहन्‍दाला सी़दे ज़्‍या़ नाङदी येह।

१ यूहन्‍ना 4:17

दि ल़ेहमु पेहतीराङ ओहराङ ङ्याम्‍बु येहकेन्‍गी चेवा छाङबु काहल्‍ग्‍यो ओहङगे ओहले ठिम ताङ नाङगे ङ्यिहमाला ओहराङ ज्‍यी़ मेहकोहएँ च्‍यिबेमाना दि जाम्‍बुलीङला ओहराङ मास्‍यीका ल़ेहमुराङ येहबा।

यहूदा 1:7

काह-ठि पेहती सदोम, गमोरा दाङ ओ़ह साहर-सुहरकी क्‍याहसाया़ छ्येउ-छ्येंमु पेहती पे-मिहस्‍यीएँ ल़ेह चोक्‍पाया़ला छ्यिक्‍यो येहकें, खुङया़गी नाहम-आङ मिहस्‍यीएँगी मेहकी ङ्य़ेहबा खुर्ती येह। दि ल़ेहमु पेहती खुङ ओहराङगी तेहन्‍दाला पे च्‍यी़ काहल्‍दी येह।