मर्कूस 5:7 - ह्योल्‍मो

⁷ क़े छ्यिम्‍बुच्‍यी तेन्‍दी मासीन, “ओ़ थाम्‍ज्‍यी म़ेदी छ्यिम्‍बु किन्‍ज्‍योगी स़ेबु येशू, राहङगी ङाहला च्‍यि जेच्‍ये छोल्‍ग्‍यो? किन्‍ज्‍योगी छेन लेहन्‍दी ङाह राहङला थाल्‍मु च्‍याहर्के, ङाहला तुहक्‍पु माहनाङ।”

मर्कूस 5:7 ပူးပေါင်းရင်းမြစ်များ

मत्ती 16:16

सिमोन-पत्रुसगी ल़ेहन क्‍याहप्‍सीन, “राहङ सोम्‍बो किन्‍ज्‍योगी स़ेबु थार्पा नाङगेन्‍गी मास्‍यीका क्‍याहल्‍बु यिहम्‍बा।”

मत्ती 26:63

यिहॱनाङ येशूगी च्‍यिॱआङ सुङ माहनाङ। येहपाराङ पूजाहारी गो-छ्येवागी, “सोम्‍बो किन्‍ज्‍योगी छेनला ना क्‍याल्‍दी म़ेदोङ, च्‍यि ख्‍ये तेहम्‍बाराङ किन्‍ज्‍योगी स़ेबु मास्‍यीका यिहम्‍बा?” म़ेदी टी़हसीन।

मत्ती 4:3

ओहजेला ती़ह गो-छ्येवा येशूसाला ओहङदी, “तेहम्‍बाराङ राहङ किन्‍ज्‍योगी स़ेबु यिहन्‍सीमानानी दि तोहया़ला खुरा डोज्‍यु म़ेदी सुङ नाङदोङ ले!” म़ेदी मासीन।

मत्ती 8:29

ओहले खुङ ङ्यी़गी क़े तेन्‍दी मासीन, “ओ़ किन्‍ज्‍योगी स़ेबु, राहङगी ङ्यिहला च्‍यि जे नाङज्‍ये म़ेदी फेप नाङग्‍यो? ठिम ताङगे ङ्यिहमा माहलेपालाॱराङ ङ्यिहला तुहक्‍पु नाङज्‍येला फेप नाङग्‍यो यिहम्‍बा?”

मर्कूस 1:24

“ओ़ नासरतगी येशू, राहङगी ङ्यिहला च्‍यि जे नाङज्‍ये जेक्‍यो? च्‍यि राहङ ङ्यिहला तोङ च्‍य़ूज्‍येला फेप नाङग्‍यो यिहम्‍बा? राहङ किन्‍ज्‍योगी ताङ नाङग्‍योगी नाम्‍पार-ताहक्‍पागी मिह यिहम्‍बा म़ेदी ङाहला क्‍यी़ह येह।”

मर्कूस 14:61

यिहॱनाङ येशू खाजुम्‍बाॱराङ ज़्‍य़ू नाङसीन। येशूगी च्‍यिॱआङ ल़ेहन क्‍याहप माहनाङ। येहपाराङ पूजाहारी गो-छ्येवागी येशूला टी़हसीन, “च्‍यि ख्‍ये तेहम्‍बा-तेहन्‍सुमॱराङ नाम्‍पार-ताहक्‍पा किन्‍ज्‍योगी स़ेबु मास्‍यीकाॱराङ यिहम्‍बा ले?”

मर्कूस 3:11

मेहचाङा नाम्‍स्‍यीया़ स्‍य़ूहक्‍यो मिहया़गी येशूला थोङ-लुहङ मे़हबाराङ येशूगी स्‍याहपला खेप्‍चु क्‍याहप्‍ती क़े तेन्‍दी, “राहङनी किन्‍ज्‍योगी स़ेबु यिहम्‍बा!” म़ेदी मासीन।

मर्कूस 5:6

ओहले येशूला था़-रिहङबुले थोङ-लुहङ मे़हबाराङ खो छ्योङदी ओहङदी येशूगी दिनला पी़मु च़ूदी

मर्कूस 5:8

च्‍यिबेमाना येशूगी ओ़ह मेहचाङा नाम्‍स्‍यीला तोहङलेराङ थेन्‍दी स्‍यो म़ेदी सुङ नाङग्‍यो येहकें।

लूका 1:32

ओहले ओ़ह स़ेबु चा़ छ्यिम्‍बु ओहङज्‍ये येह, ओ़ह स़ेबुला चा़ छ्यिम्‍बु किन्‍ज्‍योगी स़ेबु माज्‍ये येह। चो़वो छ्येवा किन्‍ज्‍योगी स़ेबुला मिहरोगी चावा दाऊदगी क्‍याहलॱठि नाङज्‍ये येह।

लूका 4:34

“ओ़ नासरतकी येशू, राहङ ङ्यिहला च्‍यि जेच्‍ये म़ेदी फेप नाङग्‍यो? राहङ ङ्यिहला तोङ च्‍य़ूज्‍येला फेप नाङग्‍यो यिहम्‍बा? राहङला ङाहगी ङोह स्‍य़ेएँ, राहङ किन्‍ज्‍योगी ताङ नाङग्‍योकी नाम्‍पार-ताहक्‍पा स़ेबु यिहन!”

लूका 6:35

“आहन्‍डा मिहम्‍बा, ख्‍येगी राहङगी टाहॱलाङ चेवा पेहतोङ, ओहले खुङया़ला या़हबु पेहतोङ, लो लेहन्‍गेन्‍गी रेहवा माहबेबा पेहती पेहलेन तेर्तोङ। दि रोहवा पेहसीमाना ख्‍येला च्‍याहगा छ्यिम्‍बुच्‍यी ज्‍योर्च्‍ये येह, ख्‍ये वाङज्‍या छ्यिम्‍बु जेती ज़्‍य़ू नाङगेन किन्‍ज्‍योगी छार्क्‍यीन ओहङज्‍ये येह। किन्‍ज्‍योगी गिन म़ेहबा दाङ मिह ङ्येहम्‍बालाॱआङ थुज्‍यी ज़ी़ नाङगे।

लूका 8:28

ओहले खोगी येशूला थोङ-लुहङ मे़हबाराङ क़े छ्यिम्‍बुच्‍यी तेन्‍दी येशूगी कुम्‍देनला खेप्‍चु क्‍याहप्‍ती “ओ़ चा़ छ्यिम्‍बु जेते ज़्‍य़ू नाङगेन्‍गी किन्‍ज्‍योगी स़ेबु येशू, राहङगी ङाहला च्‍यि जेच्‍ये छोल नाङग्‍यो? ङाहला तुहक्‍पु माहनाङ ला़ह ओहर-छ्य़े!” म़ेदी स्‍युहसीन।

यूहन्‍ना 20:31

ख्‍यागी येशूला किन्‍ज्‍योगी स़ेबु, मास्‍यीका यिहन म़ेदी यिह छ्य़ेदोङ, ओहले ख्‍यागी येशूकी छेनला यिह छ्य़ेदी था़ म़ेहबाकी मिहली ज़ाङबु ज्‍योर ख़ूज्‍यु म़ेदी प्रुहक्‍यो यिहम्‍बा।

ल़ेह-पेन 16:17

ओहले मोह पावल दाङ ङ्यिहगी तिङदा तिङ ओहङदी, “दि मिहया़ चा़ छ्यिम्‍बु किन्‍ज्‍योला स्‍याहप्‍तो स्‍युहएँगी मिहया़ यिहम्‍बा। दि मिहया़गी ख्‍याया़ला थार्पा ज्‍योर्केन्‍गी तेहन्‍दाला स्‍येके” म़ेदी क़े तेन्‍दी मासीन।

ल़ेह-पेन 19:13

ओहले ग्‍या़ ग्‍या़ला कोरा क्‍याहप्‍ती ङा़ क्‍याहप्‍केन यहूदीया़गीॱआङ चो़वो येशूगी छेन तेन्‍दी ङ्येहम्‍बा नाम्‍स्‍यीया़ तेन्‍ज्‍ये छोल्‍सीन। ओहले खुङया़गी ङ्येहम्‍बा नाम्‍स्‍यीला “पावलगी स्‍येक्‍यो येशूगी छेनला ङाह ख्‍येला थेन्‍दी सोङ” म़ेदी माउ येहकें।

ल़ेह-पेन 8:36

ओहले खुङ लाहमला डोडोपा काहङला छ्यु येहकेन ग्‍या़ च्‍यी़ला लेप्‍सीन। ओहले ओ़ह ङुहरुम मिहगी मासीन, “ज़ी़-नाङदोङ, देला छ्यु दुबा! ङाहला बप्‍तिस्‍मा लेहन्‍ज्‍येला च्‍यि से़हगी का़ ख़ूएँ ले?”

रोमी 16:20

स्‍य़िहदे नाङगेन किन्‍ज्‍योगी ग्‍यो़बाराङ ती़ह गो-छ्येवाला ख्‍याया़की काङबा चो़ला नेम च्‍य़ू नाङज्‍ये येह। ओहराङ चो़वो येशू मास्‍यीकाकी काटीन ख्‍या ङ्याम्‍बु ज़्‍य़ू नाङज्‍यु।

हिब्रू 2:14

च्‍यिबेमाना ओ़ह पुह पोहमोया़ स्‍या दाङ ठा़गी ज़ुबु यिहन्‍गे सोङबे येशूगीॱआङ खुङ ल़ेहमुराङ स्‍या दाङ ठा़गी ज़ुबु नोम नाङसीन। ओहले मिहरो राहङॱआङ टोहङ नाङदी दि स्‍यि च्‍य़ूएँगी ओङ थो़क्‍यो ती़ह गो-छ्येवाला तोङ च्‍य़ू नाङसीन

हिब्रू 7:1

दि मल्‍कीसेदेक शालेम क्‍याहसाकी क्‍याहल्‍बु दाङ गो-छ्येवा किन्‍ज्‍योकी पूजाहारी येहकें। अब्राहामगी क्‍याहल्‍बु ज़्‍यिला मा़ क्‍याहप्‍ती क्‍याहल्‍दी लो़ह ओहङगेमु लाहमला मल्‍कीसेदेकला थ़ूसीन, ओहले मल्‍कीसेदेकगी अब्राहामला मेलाम क्‍याहप नाङसीन।

याकूब 2:19

किन्‍ज्‍योनी च्‍यी़मे च्‍यी़राङ येह म़ेदी ख्‍यागी यिह छ्य़ेगे। ओ़ह या़हबु यिहम्‍बा। ओ़हदीनी ल्‍हेन्‍डीया़गीॱआङ यिह छ्य़ेगे, ओहले ज्‍यी़दी दार्कें!

२ पत्रुस 2:4

स्‍यिहङगामकी स्‍याहप्‍च्‍यीया़गी तिहक्‍पा पेहकेमु किन्‍ज्‍योगी खुङया़ला ल़े ताङ माहनाङ, यिहॱनाङ खुङया़ला ङ्याल्‍वाला क्‍युर चाहङ नाङसीन, ओहले ठिम ताङ नाङगे ङ्यिहमा थु साप्‍स्‍यी तिहङकी ना़-जुबेला ताहम्‍दी ज़्‍या़ नाङदी येहबा।

१ यूहन्‍ना 3:8

तिहक्‍पा पेहतीराङ तेहकें मिहती ती़ह गो-छ्येवागी मिह यिहम्‍बा। ती़ह गो-छ्येवागी छ़ूगे यिहन्‍ज्‍युराङ तिहक्‍पा पेहतीराङ ओहङदी येह। ओ़ह सोङबे ती़ह गो-छ्येवागी ल़ेहला तोङ च्‍य़ू नाङज्‍येला किन्‍ज्‍योगी स़ेबु फेप नाङसीन।

यहूदा 1:6

किन्‍ज्‍योगी नाङग्‍यो ओङ चो़ला माहतेहपा पेहती राहङगी ग्‍या़ क्‍युर ज़्‍या़दी डोएँगी स्‍यिहङगामकी स्‍याहप्‍च्‍यीया़ला मिहरोगी साप्‍स्‍यी तिहङकी ना़-जुबेला ठिम ताङ नाङगेन ओ़ह छ्यिम्‍बु ङ्यिहमा थु नाहम-आङ स्‍योर मी़हखुएँ पेहती ताहम्‍दी ज़्‍या़ नाङदी येह।

ज्‍याल्‍गा 12:12

ओ़ह सोङबे ए स्‍यिहङगामला ज़्‍यू़गेनया़, ख्‍याया़ क़ेहनाङ पेहतोङ। यिहॱनाङ जाम्‍बुलीङ दाङ छो-क्‍याहम्‍जो काहजे छा तुहवा! च्‍यिबेमाना खुङया़गी पाहरक्‍यीला ती़ह गो-छ्येवा च्‍योम्‍दी ओहङदी येह ओहले खोगी ती़हजी ता़ह चो़हज्‍ये पेहती येह म़ेदी खोला क्‍यी़ह येह।”