मर्कूस 5:38 - ह्योल्‍मो

³⁸ ओहले खुङ फ़ेबेॱया छो़खाङगी गोबागी खाङबाला लेप नाङगेमु च्‍याहउँडा पेहकेया़, ङुहएँया़ ओहले क़े छ्यिम्‍बु तेन्‍दी ङुहप्रा तिहङरा पेहकेनया़ला ज़ी़ नाङसीन।

मर्कूस 5:38 ပူးပေါင်းရင်းမြစ်များ

मत्ती 11:17

‘ङ्यिहगी ख्‍याया़गी तेहन्‍दाला लेमु फुसीन, यिहॱनाङ ख्‍याया़ माहछ्याम। ङ्यिहगी खेलाङगी लु लेहन्‍सीन, यिहॱनाङ ख्‍याया़ मा़ह-ङ्यीह’।”

मत्ती 9:18

ओहले येशूगी खुङला दि स्‍याहल सुङगे सुङगेमुराङ, छो़खाङगी पोम्‍बो च्‍यी़ ओहङदी येशूगी दिनला पी़मु च़ूदी स्‍युहसीन, “लोबेन लाह, ङाहगी पोहमो नाहरे च्‍यी़राङ स्‍यिसीन, यिहॱनाङ राहङ फेप्‍ती ङाहगी पोहमो थो़ला राहङगी छ्या़ ज़्‍या़ नाङदोङ ओहले मोह सोम्‍बो लो़हज्‍ये येह!” म़ेदी स्‍युहसीन।

मर्कूस 5:22

छो़खाङगी गोबाया़ नाहङगी याइरस मिहन थो़क्‍यो मेहन्‍दा च्‍यी़ येशूसाला ओहङसीन। ओहले खोगी येशूला थोङ-लुहङ मे़हबाराङ येशूगी स्‍याहपला खेप्‍चु क्‍याहप्‍सीन,

मर्कूस 5:39

ओहले येशू खाङबा नाहङला स्‍य़ूह नाङदी, “ख्‍या च्‍यिबे दि ल़ेहमु ङुहप्रा तिहङरा दाङ च्‍याहउँडा पेहकें? दि पोहमो मा़हस्‍यी येह, ङ्यिज्‍यीराङ लो़हक्‍यो यिहम्‍बा” म़ेदी सुङ नाङसीन।

ल़ेह-पेन 9:39

ओहले पत्रुस खुङ ङ्यी़ ङ्याम्‍बुराङ योप्‍पाला काहल्‍सीन। ओ़हला लेप-लुहङ मे़हबाराङ मिहया़गी पत्रुसला थो़स्‍यो तेङला ख्‍येर्सीन। ओहले ह्‍युग्‍मोया़ डोरकास ङ्याम्‍बु येहकेमु ताबीतागी चेम तेरक्‍योगी काप्‍च्‍या थो़दी पत्रुसला तेन्‍दी, ङी़हदी पत्रुसकी पोहला तेह ओहङसीन।