मर्कूस 5:36 - ह्योल्‍मो

³⁶ यिहॱनाङ येशूगी खुङगी तामला नाङदा माहताङबा जेती याइरसला, “मा़हन्‍ज्‍यी, यिह-छ्य़े च्‍यी़राङ पेहतोङ” म़ेदी सुङ नाङसीन।

मर्कूस 5:36 ပူးပေါင်းရင်းမြစ်များ

मत्ती 17:20

ओहले येशूगी सुङ नाङसीन, “ख्‍याया़गी तेहपा ङ्युहङा येहकें सोङबे यिहम्‍बा। तेहम्‍बाराङ ङाह ख्‍याया़ला माएँ, ख्‍याया़ ङ्याम्‍बु राइ-सेनगी बुदी जेबा तेहपा येहसीमाना ओ़ह काहङदोला देलेगी फार सोङ म़ेदी माॱनाङ ओ़ह डोज्‍ये येह ओहले ख्‍याया़गी च्‍यि माॱनाङ पेह ख़ूज्‍ये येह।”

मत्ती 9:18

ओहले येशूगी खुङला दि स्‍याहल सुङगे सुङगेमुराङ, छो़खाङगी पोम्‍बो च्‍यी़ ओहङदी येशूगी दिनला पी़मु च़ूदी स्‍युहसीन, “लोबेन लाह, ङाहगी पोहमो नाहरे च्‍यी़राङ स्‍यिसीन, यिहॱनाङ राहङ फेप्‍ती ङाहगी पोहमो थो़ला राहङगी छ्या़ ज़्‍या़ नाङदोङ ओहले मोह सोम्‍बो लो़हज्‍ये येह!” म़ेदी स्‍युहसीन।

मर्कूस 5:22

छो़खाङगी गोबाया़ नाहङगी याइरस मिहन थो़क्‍यो मेहन्‍दा च्‍यी़ येशूसाला ओहङसीन। ओहले खोगी येशूला थोङ-लुहङ मे़हबाराङ येशूगी स्‍याहपला खेप्‍चु क्‍याहप्‍सीन,

मर्कूस 5:34

ओहले येशूगी ओ़ह पी़हमीला “ए पोहमो, ख्‍येगी तेहपागी ख्‍येला टा़ह च्‍य़ूक्‍यो यिहन। ता़ह ख्‍ये सेम लो तेहमु पेहती सोङ। ख्‍येगी नाहजा टा़हज्‍यु” म़ेदी सुङ नाङसीन।

मर्कूस 9:23

येशूगी खोला सुङ नाङसीन, “राहङगी ला़ खासीमाना म़ेदी ख्‍ये च्‍यिबे म़े तेहके? यिह-छ्य़े पेहकें मिहया़गी तेहन्‍दालानी च्‍यि माॱनाङ तेहन्‍दा डुप्‍के।”

लूका 8:50

येशूगी दि ताम सेन्‍दी याइरसला, “का माहक्‍याहल, यिह-छ्य़े च्‍यी़राङ पेहतोङ, ओहले ख्‍येगी पोहमो थार्च्‍ये येह!” म़ेदी सुङ नाङसीन।

यूहन्‍ना 11:40

येशूगी मोहला सुङ नाङसीन, “ख्‍येगी यिह छ्य़ेसीन माना किन्‍ज्‍योगी ओङ छ्यिम्‍बु ज़िज्‍यिद थोङज्‍ये येह” म़ेदी ङाहगी ख्‍येला माक्‍यो मिहम्‍बा ले?