मर्कूस 5:35 - ह्योल्‍मो

³⁵ येशूगी स्‍याहल सुङगे सुङगेमुराङ मिह छो़एँ खाङबागी गोबागी मिहया़ ओहङदी गोबा याइरसला, “राहङगी पोहमो स्‍योर्सीन, ता़हनी लोबेनला च्‍यिबे ओहप्‍क्‍याल फुल्‍ज्‍ये” म़ेदी स्‍युहसीन।

मर्कूस 5:35 ပူးပေါင်းရင်းမြစ်များ

मत्ती 26:10

खुङया़गी दि ल़ेहमु ताम माक्‍यो सेन्‍दी येशूगी सुङ नाङसीन, “च्‍यिबे ख्‍याया़गी दि पी़हमीला तुहक्‍पु तेर्कें? मोहगीनी ङाहगी तेहन्‍दाला या़हबु पेहक्‍यो यिहम्‍बा।

मत्ती 26:18

येशूगी खुङया़ला सुङ नाङसीन, “क्‍याहसाला सोङ ख्‍याया़गी ओ़हला मेहन्‍दा च्‍यी़ च्‍य़ेह सिहन्‍ज्‍ये येह ओहले खोला म़ेदोङ ‘सुङ नाङगु दु, ता़ह ङाहगी ती़हजी पोहला लेप्‍ती येह’। ङाह राहङगी स्‍याहप्‍च्‍यीया़ ङ्याम्‍बु ख्‍येगी खाङबाला थार्पा ती़हसाङगी साहप्‍च्‍याया़ साहएँ।”

मत्ती 9:18

ओहले येशूगी खुङला दि स्‍याहल सुङगे सुङगेमुराङ, छो़खाङगी पोम्‍बो च्‍यी़ ओहङदी येशूगी दिनला पी़मु च़ूदी स्‍युहसीन, “लोबेन लाह, ङाहगी पोहमो नाहरे च्‍यी़राङ स्‍यिसीन, यिहॱनाङ राहङ फेप्‍ती ङाहगी पोहमो थो़ला राहङगी छ्या़ ज़्‍या़ नाङदोङ ओहले मोह सोम्‍बो लो़हज्‍ये येह!” म़ेदी स्‍युहसीन।

मर्कूस 10:17

येशू ओहलेगी फेप्‍च्‍ये जेकेमु मिह च्‍यी़ छ्योङदी ओहङदी येशूगी दिनला पी़मु च़ूदी, “ओ़ थाम्‍ज्‍यी म़ेदी या़हबु लोबेन लाह, नाहमॱआङ स्‍यिज्‍ये म़ेहबागी मिहली ज़ाङबु थोप्‍च्‍येला ङाहगी च्‍यि पेह कोहएँ?” म़ेदी स्‍युहसीन।

मर्कूस 5:22

छो़खाङगी गोबाया़ नाहङगी याइरस मिहन थो़क्‍यो मेहन्‍दा च्‍यी़ येशूसाला ओहङसीन। ओहले खोगी येशूला थोङ-लुहङ मे़हबाराङ येशूगी स्‍याहपला खेप्‍चु क्‍याहप्‍सीन,

लूका 8:49

येशूगी स्‍याहल सुङगे सुङगेमुराङ छो़खाङगी पोम्‍बो याइरसगी खाङबाले मिह च्‍यी़ ओहङदी याइरसला, “राहङगी पोहमो स्‍योर्सीन, ता़हनी लोबेनला ओहप्‍क्‍याल फुल मेहकोहएँ” म़ेदी मासीन।

यूहन्‍ना 11:21

ओहले येशूला थू़दी मार्थागी स्‍युहसीन, “चो़वो, राहङ देला ज़्‍य़ू नाङग्‍यो यिहनानी ङाहती नो़ह स्‍योर्च्‍ये म़ेहबा येहकें।

यूहन्‍ना 11:25

ओहले येशूगी मोहला सुङ नाङसीन, “स्‍यिक्‍योया़ला सोम्‍बो लो़ह च्‍य़ूगे दाङ मिहली ज़ाङबु तेर्केन्‍दी ङाहराङ यिहन। ङाहला यिह छ्य़ेगेया़ स्‍यिॱना़ङ खो सोम्‍बो लो़हज्‍ये येह।

यूहन्‍ना 11:28

ओहजे म़ेदी मार्था खाङबाला लो़ह काहल्‍सीन ओहले मोहती नोहमो मरियमला खाजुम्‍बाला क़े क्‍याहप्‍ती मासीन, “लोबेन लेप नाङसीन, ओहले ख्‍येला लोबेनगी क़े क्‍याहप नाङगेराङ येह।”

यूहन्‍ना 11:32

ओहले येशू येहकें ग्‍या़ला लेप-लुहङ म़ेहबा मरियमगी येशूकी कुम्‍देनला खेप्‍चु क्‍याहप्‍ती स्‍युहसीन, “चो़वो, राहङ देला ज़्‍य़ूदी येहकें यिहनानी ङाहगी नो़ह स्‍योर्च्‍ये म़ेहबा येहकें।”

यूहन्‍ना 11:39

ओहले येशूगी सुङ नाङसीन, “ओ़ह तोहला फार फुल्‍दोङ।” ओहले लाजरसकी आज्‍यी मार्थागी स्‍युहसीन, “चो़वो, खोला फुक्‍पाला ज़्‍या़क्‍यो तिहरीङनी ङ्यिहमा ज़्‍यि काहल सिहन्‍सीन, ता़हनी टिहमा खा सिहन येहटो।”

यूहन्‍ना 5:25

तेहम्‍बाराङ ङाह ख्‍याला माएँ, ओ़ह ती़हजी ओहङगेॱराङ येह, ओहले ओ़ह ती़हजीदी ताहन्‍दाॱराङ यिहन, दि ती़हजीला स्‍यिक्‍यो मिहया़गी किन्‍ज्‍योकी स़ेबुगी सुङ-क़े थे़ज्‍ये येह ओहले ङ्यिहन्‍गेया़ थार्च्‍ये येह।