मर्कूस 5:24 - ह्योल्‍मो

²⁴ ओहले येशू याइरस ङ्याम्‍बु फेप नाङसीन। मिह माहङबुराङ येशूला ताहदा क्‍याहप्‍ती ओहङसीन ओहले येशूगी ति-खिरे मिह मिह-माहङ जोम्‍सीन।

मर्कूस 5:24 ပူးပေါင်းရင်းမြစ်များ

मर्कूस 3:20

ओ़ह तिङले येशू येहपाराङ खाङबा च्‍यी़ला फेप नाङसीन। येहपाराङ मिह मिह-माहङया़ जोम ओहङसीन, मिह ज्‍यिबुराङ माहङबु येहकें सोङबे येशू दाङ येशूगी स्‍याहप्‍च्‍यीया़गी सोल छ्ये-लुङ च्‍यिॱआङ माहयोहङ।

मर्कूस 5:23

ओहले खोगी, “ङाहगी पोहमो पी़हरु ज्‍यिबुराङ नेहपा येहबा, राहङ फेप नाङदी मोहला दे़ नाङदोङ ओहले मोह टा़हदी थार्च्‍ये येह” म़ेदी स्‍युहसीन।

मर्कूस 5:25

ओहले ओ़ह मिह मिह-माहङ नाहङला लोह च्‍यिङ्यी़ यिहन्‍ज्‍यु ज़ुबु ली़ह ओहङगेन्‍गी नाहजा क्‍याहप्‍ती तुहक्‍पु ङ्युङग्‍यो पी़हमी च्‍यी़ येहकें।

मर्कूस 5:31

ओहजेला येशूगी स्‍याहप्‍च्‍यीया़गी येशूला दि ल़ेहमु म़ेदी ल़ेहन क्‍याहप्‍सीन, “ज़ी़-नाङदोङ! दि ल़ेहमु ते़ङेन मिह मिह-माहङ राहङला दे़ज्‍ये म़ेदी फुल्‍ज्‍या-फुल्‍ज्‍या क्‍याहप्‍ती ओहङग्‍यो नि राहङगी ज़ी़ नाङदेराङ येहबा ओ़ह सोङबे राहङगी ङ्यिहला काह-ठि पेहती ‘ङाहला सुगी दे़बा’ सुङदी टी़ह ख़ूएँ ले?”

लूका 11:29

मिह बुङजीया़ जोम्‍दी ओहङगेमु येशूगी, “दाङ-तिहरीङगी मिहया़ काहजे ङ्येहम्‍बा दु! ‘खुङया़ ओङ छ्यिम्‍बुगी ताक्‍छेन ता़ज्‍ये छोल्‍गेन। यिहॱनाङ ङाह दिया़ला लुहङतेम्‍बा योनागी ताक्‍छेन च्‍यी़राङ तेन्‍गे। ओहले दि म़ेदी लेहमेन ताक्‍छेनया़दी ङाह च्‍यिॱआङ मेहतेन्‍गे’ म़ेदी सुङ नाङसीन।

लूका 12:1

मिहया़ तोङरा च्‍यी़ म़ेदीॱआङ माहङबु जोम्‍ग्‍यो सोङबे च्‍यी़गी च्‍यी़ला च्‍येप्‍ती-च्‍येप्‍ती ओहङसीन। ओ़ह ती़हजीला येशूगी तोहङले राहङगी स्‍याहप्‍च्‍यीया़ला सुङ नाङसीन, “ख्‍याया़ फरिसीया़गी खमिर ङो़ले जेम्‍दी तेहतोङ! दि माएँगी तेहन्‍दादी, पेहचीन तेन्‍गे फरिसीया़ ङ्याम्‍बु ख्‍या जेम्‍दी तेहतोङ म़ेदी माज्‍ये छोल्‍ग्‍यो यिहम्‍बा।

लूका 19:3

खोगी येशूला ताज्‍ये छोल्‍गेराङ येहकें, यिहॱनाङ खो ज़ुबु थे़मु येहकें सोङगोराङ मिह मिह-माहङ नाहङलेगी येशूला थोङ मा़हखु।

लूका 7:6

ओहले येशू खुङ ङ्याम्‍बुराङ फेप नाङसीन। ओहले येशू रोमी माक्‍पेनगी खाङबा पोहला लेप्‍च्‍ये जेकेमु माक्‍पेनगी राङगी रो़हया़ला दि ल़ेहमु लेहङगु येशूसाला ताङसीन, “ओ़ चो़वो छ्येवा, राहङगी ओहप्‍क्‍याल जे नाङ मेहकोहएँ ला़ह, च्‍यिबेमाना राहङला ङाहगी खाङबा नाहङला फेप स्‍य़ूहज्‍येला ङाह सी़हज्‍ये म़ेह,

लूका 8:42

च्‍यिबेमाना लोह च्‍यिङ्यी़ काहल्‍ग्‍यो खोगी च्‍यिमे च्‍यी़ पोहमोॱआङ स्‍यिज्‍ये पेहक्‍यो येहकें। ओहले येशू खोगी खाङबाला फेप्‍नाङगेमु मिहया़ छ्यो़ ज़्‍यिलेराङ च्‍येप्‍ती-च्‍येप्‍ती ओहङसीन।

लूका 8:45

ओहजेला येशूगी, “ङाहला सुगी दे़बा?” म़ेदी टी़ह नाङसीन। सुगीॱआङ, “ङाहगी दे़क्‍यो” म़ेदी मा़हमे। ओहले पत्रुसगी, “लोबेन ला़ह, मिह मिह-माहङया़गीनी राहङला च्‍येप्‍ती-च्‍येप्‍ती ओहङ दु!” म़ेदी स्‍युहसीन।

ल़ेह-पेन 10:38

किन्‍ज्‍योगी नासरतगी येशूला राहङगी नाम्‍पार-ताहक्‍पा थु दाङ स्‍युक नाङसीन। ओहले किन्‍ज्‍यो येशू ङ्याम्‍बु ज़्‍य़ू नाङग्‍यो सोङबे येशूगी छ्या़ले या़हबुया़ जे नाङसीन। ओहले ती़ह स्‍युहक्‍यो मिहया़ला टा़ह च्‍य़ू नाङगेराङ थाम्‍ज्‍यी ग्‍या़या़ला फेप नाङसीन।