मर्कूस 5:23 - ह्योल्‍मो

²³ ओहले खोगी, “ङाहगी पोहमो पी़हरु ज्‍यिबुराङ नेहपा येहबा, राहङ फेप नाङदी मोहला दे़ नाङदोङ ओहले मोह टा़हदी थार्च्‍ये येह” म़ेदी स्‍युहसीन।

मर्कूस 5:23 ပူးပေါင်းရင်းမြစ်များ

मत्ती 8:3

ओहले येशूगी राहङगी छ्या़ खो थो़ला ज़्‍या़दी सुङ नाङसीन, “ख्‍ये टा़हज्‍यु म़ेदी ङाहगी सेमला क्‍ये़दी येहबा।” ओ़हजेलाराङ ओ़ह जे-ने़ह थेन्‍ग्‍योगी मिह टा़हसीन।

मर्कूस 16:18

खुङया़गी प्रुहल ज़ुङज्‍ये येह, तू़ह येहकेन्‍गी से़हया़ थुङॱनाङ खुङया़ला ओ़ह से़हगी च्‍यिॱआङ ने क्‍याल्‍ज्‍ये म़ेह ओहले नेहपाया़गी थो़ला लाहक्‍पा ज़्‍या़गेमु खुङ टा़हज्‍ये येह।”

मर्कूस 5:24

ओहले येशू याइरस ङ्याम्‍बु फेप नाङसीन। मिह माहङबुराङ येशूला ताहदा क्‍याहप्‍ती ओहङसीन ओहले येशूगी ति-खिरे मिह मिह-माहङ जोम्‍सीन।

मर्कूस 6:13

खुङया़गी माहङबुराङ ल्‍हेन्‍डीया़ तेन्‍सीन ओहले माहङबुराङ नेहपाया़ला नुम की़दी टा़ह च्‍य़ूसीन।

मर्कूस 7:32

ओहले ओ़हला मिहया़गी नाम्‍ज्‍यो मे़हथेगेन दाङ ताम मे़हथेगेन मिह च्‍यी़ला येशूसाला ख्‍योङदी, “दि मिहला राहङगी छ्या़गी दे़ नाङदोङ ला़ह!” म़ेदी स्‍युहसीन।

मर्कूस 8:23

ओहले येशूगी खोगी लाहक्‍पाला ज़ुङदी ठिती युहललेगी फिला नोम फेप्‍सीन। ओहले येशूगी ओ़ह मिहगी मी़ला च्‍या़ह-छ्युक जेती राहङगी छ्या़ खो थो़ला ज़्‍या़दी टी़ह नाङसीन, “च्‍यि ख्‍येगी च्‍यिॱआङ थोङगो दु नि?”

लूका 13:13

ओहले येशूगी मोह थो़ला छ्या़ ज़्‍या़ नाङसीन। छ्या़ ज़्‍या़ नाङ-लुहङ मे़हबाराङ मोह टा़हदी ख्‍याङ पेहती लाहङसीन। ओहले मोहगी किन्‍ज्‍योला थुज्‍यी-छ्ये़ फुल्‍सीन।

लूका 4:38

छो़खाङलेगी थेन्‍दी येशू सिमोन-पत्रुसकी खाङबाला फेप नाङसीन। ओहले सिमोन-पत्रुसकी क्‍यू़हमु छावा माहङबुराङ क्‍ये़दी ङ्याहल्‍साला छ्यिती येहकें। ओहले खाङबागी मिहया़गी, “मोहला टा़ह च्‍य़ू नाङदोङ ला़ह” म़ेदी स्‍युहसीन।

लूका 4:40

ङ्यिहमा डुप्‍च्‍ये पेहकेमु मिहया़गी यिहन्‍जेराङ नेहपाया़ येशूसाला ख्‍योङसीन। ओहले येशूगी नेहपा रे़ह-रे़हगी थो़ला छ्या़ ज़्‍या़दी टा़ह च्‍य़ू नाङसीन।

लूका 7:12

ओहले येशू क्‍याहसागी कोह ग्‍या़ला लेप्‍केमु मिह बा़लया़ रोह च्‍यी़ खुर्ती तुहर्साला डोएँॱराङ येहकें। ओ़ह खुर्ते ख्‍येर्केन रोहदी, ह्‍युग्‍मोकी पुह च्‍यिमे च्‍यी़राङ यिहन्‍गे।

यूहन्‍ना 11:3

ओ़ह आज्‍यी-नुहमु ङ्यी़गी येशूला दि ल़ेहमु म़ेदी लेहङगु ताङसीन, “चो़वो, राहङगी चेवा जे नाङग्‍योकी मिह, ताहन्‍दा ने़हदी येहबा।”

ल़ेह-पेन 28:8

ओहजे काहङला पब्‍लियसकी आबाला छावा क्‍ये़दी मा़स्‍यी क्‍याहप्‍क्‍यो येहकें। ओहले पावल नेहपागी ङ्याहल-खाङला काहल्‍दी सोल्‍वाङ ताप्‍ती राहङगी लाहक्‍पा नेहपा थो़ला ज़्‍या़ फान्‍ज्‍यो नेहपा टा़हसीन।

ल़ेह-पेन 6:6

ओहले खुङया़गी ओ़ह दाम्‍ग्‍योगी मिह तिहनला ल़ेह-पेनया़गी दिनला ख्‍येर्सीन, ओहले ल़ेह-पेनया़गी सोल्‍वाङ ताप्‍ती राहङगी लाहक्‍पा खुङ थो़ला ज़्‍या़सीन।

ल़ेह-पेन 8:17

पत्रुस दाङ यूहन्‍नागी राहङगी लाहक्‍पा खुङया़गी थो़ला ज़्‍या़गेमु खुङया़गी नाम्‍पार-ताहक्‍पा थु ज्‍योर्सीन।

ल़ेह-पेन 9:12

ओहले शाऊलगी राहङगी मी़ थोङज्‍यु म़ेदी हननिया मिहन थो़क्‍यो मेहन्‍दा च्‍यी़ नाहङला ओहङदी राहङगी थो़ला लाहक्‍पा ज़्‍या़क्‍यो ज्‍याल्‍गाला थोङदी येह।”

ल़ेह-पेन 9:17

ओहले चो़वो छ्येवागी सुङ नाङग्‍योकी स्‍याहल ङ्यिहन्‍दी हननिया काहल्‍सीन। ओहले खो खाङबा नाहङला स्‍य़ूहदी शाऊलगी थो़ला राहङगी लाहक्‍पा ज़्‍या़दी मासीन, “नो़ह शाऊल, ख्‍ये ओहङगे लाहमला थ़ूक्‍यो चो़वो येशूगीराङ ख्‍येगी मी़ थोङ ख़ूज्‍यु ओहले ख्‍ये नाम्‍पार-ताहक्‍पा थुगी काहङ ख़ूज्‍यु म़ेदी ङाहला ताङ नाङग्‍यो यिहम्‍बा।”