मर्कूस 5:15 - ह्योल्‍मो

¹⁵ ओहले येशूसाला लेप्‍ती खुङगी ओ़ह ल्‍हेन्‍डी माहङबु स्‍य़ूहक्‍योगी मिह टा़हदी, काप्‍च्‍या केहन्‍दी येशू पोहला तेहक्‍यो थोङसीन। दि थोङदी खुङया़ ज्‍यी़सीन।

मर्कूस 5:15 ပူးပေါင်းရင်းမြစ်များ

मत्ती 12:29

येहपाराङ ङ्यिहन्‍दोङ, स्‍युक छ्यिम्‍बु मिहला तोहङले माहताहम थु सु मिह च्‍यी़गीॱआङ खोगी खाङबागी पेला ख्‍येर मी़हखुएँ। खोला ताहम फान्‍ज्‍यो च्‍यी़राङ खोगी खाङबागी पेलाया़ फ्रो़दी खेर ख़ूएँ।

मत्ती 26:53

ङाहगी लाङबा यिहनानी ङाहगी याहपगी ङाहला नाहरेराङ ॱठि दाङ ठिले माहङा स्‍यिहङगामगी स्‍याहप्‍च्‍यीया़ ताङ नाङज्‍ये येहकें। च्‍यि ख्‍येगी दि ओहङ मी़हखुएँ म़ेदी साम्‍लु क्‍येउ दुबा?

मत्ती 4:24

ओ़ह सोङबे गालील साने़की पोहला येहकेन्‍गी सिरिया क्‍याहल-खाप काहङ्येॱराङ येशूगी जे नाङग्‍योकी जेबापया़गी तेहन्‍दाला ख्‍येप्‍टा काहल्‍सीन। मिहया़गी यिहन्‍जे मिहन्‍जे नाहजाया़ दाङ क्‍येन क्‍याहप्‍क्‍यो नेहपाया़ला येशूसाला ख्‍योङसीन। खुङया़ नाहङला रेहरेला ल्‍हेन्‍डी स्‍युहक्‍यो येहकें, रेहरेला ज़ा नाहजा क्‍याहप्‍क्‍यो येहकें ओहले रेहरे ओङबु स्‍योरक्‍योगी मिहया़ येहकें। येशूगी थाम्‍ज्‍यीलाराङ टा़ह च्‍य़ू नाङसीन।

मत्ती 9:33

येशूगी ओ़ह ल्‍हेन्‍डी तेन नाङ-लुहङ मे़हबाराङ ओ़ह मिह ताम मा ख़ूएँ काहल्‍सीन ओहले मिह थाम्‍ज्‍यीगी ह्‍अ ल़ेहदी मासीन, “दि ल़ेहमुनी ङ्यिहगी इस्राएलला नाहमॱआङ थोङदी म़ेह।”

मर्कूस 5:14

दि थोङदी फा़ कोहरोवाया़ ओहलेगी छ्योङदी काहल्‍दी क्‍याहसा दाङ युहलया़ला ओ़ह केच्‍या थाम्‍ज्‍यीराङ फेल्‍सीन। ओहले मिह माहङबुराङ, ता़ह च्‍यि काहल्‍बा नि म़ेदी येशूला ता ओहङसीन।

मर्कूस 5:16

ओ़हला काहल्‍ग्‍योगी केच्‍याया़ थोङगेन मिहया़गी ल्‍हेन्‍डी स्‍य़ूहक्‍यो मिह दाङ फा़या़ला च्‍यि काहल्‍दी येहकें माएँ ताम थाम्‍ज्‍यीराङ स्‍य़े तेर्सीन।

मर्कूस 5:18

ओहले येशू टुह-छ्युङला जा़ज्‍ये जेकेमु ओ़ह टा़हक्‍यो मिहगी “ङाहॱलाङ राहङ ङ्याम्‍बुराङ नोम फेप नाङदोङ लाह” म़ेदी स्‍युहसीन।

मर्कूस 5:4

लेहमा माहङबुराङ खोला लाहक्‍पा दाङ काङबाला च्‍याल्‍दागी ताहम्‍दी ज़्‍या़ॱनाङ खोगी च्‍याल्‍दाया़ राहप-रेहप च्‍येको येहकें। ओहले सु मिहया़गीॱआङ खोला ताहमला ज़्‍या़ मा़हखुबा येहकें।

मर्कूस 5:9

ओहले येशूगी, “ख्‍येगी मिहन च्‍यि यिहम्‍बा?” म़ेदी टी़ह नाङगेमु, “ङाहगी मिहन बुङजी यिहम्‍बा, ङ्यिहनी माहङबुराङ येहबा!” म़ेदी खोगी मासीन।

लूका 10:39

मोहती मरियम माएँ नुहमु च्‍यी़ येहकें। मरियमती येशूगी स्‍याहप पोहला तेहती मिहरोगी सुङदेन ङ्यिहन्‍दी तेहसीन।

लूका 8:27

ओहले येशू टुह-छ्युङले फाप नाङगेमु ओ़ह क्‍याहसालेगी ल्‍हेन्‍डी स्‍य़ूहक्‍यो मिह च्‍यी़ थेन्‍दी ओहङसीन। ओ़ह मिहगी ङ्यिहमा माहङबुराङ यिहन्‍ज्‍यु काप्‍च्‍या माहकेहम्‍बा येहकें ओहले खो खाङबाला माहतेहपा पेहती तुहर्सागी फुक्‍पाया़ला तेहको येहकें।

कलस्‍सी 1:13

मिहरोगी ओहराङला ना़-जुबेकी क्‍याहल्‍सीलेगी खा फे़ नाङसीन, ओहले राहङगी चेवा जे नाङग्‍योकी स़ेबुकी क्‍याहल्‍सी नाहङला ओहराङला पो नाङसीन।

२ तिमोथी 1:7

च्‍यिबेमाना किन्‍ज्‍योगी ओहराङला ज्‍यी़सुगी सेम मिहम्‍बा यिहॱनाङ ओङ, चेवा दाङ राहङला थिला ज़्‍या़गेन्‍गी सेम नाङदी येहबा।