मर्कूस 4:8 - ह्योल्‍मो

⁸ यिहॱनाङ लाहला सेन या़हबु सासा खाला लेप्‍सीन ओहले सेन क्‍येदी छार्ती ओहङसीन ओहले ओ़ह लाहमले लाहलाला बुदी दाप सुम-च्‍यु, लाहलाला बुदी दाप डुक्‍च्‍यु, ओहले लाहलाला बुदी दाप क्‍याह च्‍यी़ या़हसीन।”

मर्कूस 4:8 ပူးပေါင်းရင်းမြစ်များ

मत्ती 13:23

यिहॱनाङ काहजे मिहगी सेमदी सा या़हबु ल़ेहमुराङ ओहङगे। खुङया़गी किन्‍ज्‍योगी लोप्‍च्‍युङ ङ्यिहन्‍दी ह्‍अ कोहएँ ओहले सेदो या़हएँ। ओहले खोगी ताप्‍क्‍यो सेनलेगी बुदी क्‍याह च्‍यी़, बुदी खाल सुम, बुदी खाल फेदाङ ङ्यी़ ल़ेहमु या़हगे।”

मत्ती 13:8

यिहॱनाङ लाहला सेनया़दी या़हबु साला लेप्‍सीन। ओहले ओ़ह च्‍याहङबा छार्ती लाहलागी बुदी क्‍याह च्‍यी़, लाहलागी बुदी खाल सुम, लाहलागी बुदी खाल फेदाङ ङ्यी़ ल़ेहमु या़हसीन।

मर्कूस 4:20

यिहॱनाङ या़हबु सासा खाला लेप्‍क्‍योगी सेनगी तेहन्‍दा च्‍यि यिहम्‍बा मासीमाना, लाहलागी सुङदेन ङ्यिहन्‍गे ओहले यिह-छ्य़े पेहकें ओहले सेन ङ्येमा च्‍यी़ले लाहलाला बुदी दाप सुम-च्‍यु या़हएँ, लाहलाला बुदी दाप डुक्‍च्‍यु या़हएँ ओहले लाहलाला बुदी दाप क्‍याह च्‍यी़ या़हगे।”

मर्कूस 4:7

ओहले लाहला सेनया़दी छेर्मा तोहङबो नाहङया़ला लेप्‍सीन दु ओहले ओ़ह छेर्मा तोहङबोया़ छार्ती ओ़ह क्‍येदी ओहङग्‍योगी च्‍याहङबाया़ला छर मा़हच्‍यु ओहले ओ़हला बुदी च्‍यिॱआङ माहता

मर्कूस 4:9

ओ़ह तिङले येशूगी सुङ नाङसीन, “सु ङ्याम्‍बु ङ्यिहन्‍गेन्‍गी नाम्‍ज्‍यो येहबा, खोगी ङ्यिहन्‍ज्‍यु।”

लूका 8:15

ओहले या़हबु साला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍दी सेमला ज़्‍या़एँ, ओहले सुङदेनगी सुङग्‍यो ल़ेहमुराङ ल़ेहया़ पेहकें ओहले ती़हजी लेप्‍केमु माहङबु म़ेदी माहङबु सेदो या़हगे” म़ेदी येशूगी स्‍याहप्‍च्‍यीया़ला ह्‍अ कोह च्‍य़ू नाङसीन।

लूका 8:8

ओहले लाहला सेनया़दी या़हबु सा खाला लेप्‍सीन ओहले क्‍येदी छार्ती ओहङसीन। ओहले ओ़ह ङ्येमा ऱेह-ऱेहला बुदी क्‍याह च्‍यिचे या़हसीन।” येशूगी दि पे स्‍ये छार सिहन फान्‍ज्‍यो सुङ-क़े छ्यिम्‍बुज्‍यी तेन्‍दी सुङ नाङसीन, “सुती नाम्‍ज्‍यो येहबा, खोगी ङ्यिहन्‍ज्‍यु।”

यूहन्‍ना 15:5

कुहन्‍डुमगी तोहङबो ङाह यिहम्‍बा, ओहले ख्‍यादी याहल्‍गाया़ यिहम्‍बा। सु ङाह ङ्याम्‍बु तेहकें ओहले ङाहॱआङ खो ङ्याम्‍बु तेहच्‍ये येह ओहले खोगी माहङबुराङ सेदोया़ या़हज्‍ये येह, च्‍यिबेमाना ङाह ङ्याम्‍बु खा फ़ेदी ख्‍याया़गी च्‍यिॱआङ पेह मी़हखुएँ।

यूहन्‍ना 7:17

किन्‍ज्‍योकी थु ङ्य़ेबु ल़ेह पेहच्‍ये छोल्‍गेया़गी दि सुङदेन किन्‍ज्‍यो लाहमले ओहङग्‍यो यिहम्‍बानी ङाह राहङ लाहमलेॱराङ ओहङग्‍यो यिहम्‍बा माएँ ताम ङोह स्‍ये़ज्‍ये येह।

ल़ेह-पेन 17:11

बेरिया क्‍याहसाकी यहूदीया़ थेसलोनिके क्‍याहसाकी यहूदीया़ म़ेदी डा-छ्याक्‍पु येहकें। खुङगी किन्‍ज्‍योगी लुहङया़ निङरु पेहती ङ्यिहन्‍सीन, ओहले पावलगी माक्‍योगी ताम सुङराप ङ्याम्‍बु डी़उ दु नि मी़हन्‍डी दु म़ेदी ङ्यिहमा-टाहङमाराङ सुङराप लोङदी ताउ येहकें।

एफिसी 2:21

खाङबा दोगेलाराङ मिहरोगीॱराङ ज़ुङदे ज़्‍या़ नाङदी येहबा ओहले मिहरोगी दि खाङबाला चो़वोकी छेनला फुल्‍ग्‍योकी नाम्‍पार-ताहक्‍पा छ्योखाङ च्‍यी़ ज़ो नाङज्‍ये येह।

फिलिप्‍पी 1:11

किन्‍ज्‍योकी ज़िज्‍यिद दाङ त़ेरा तेच्‍याकी तेहन्‍दाला येशू मास्‍यीका लाहमले ओहङगेन टाहङदेनकी सेदोगी ख्‍याया़ काहङदी तेहतोङ।

कलस्‍सी 1:6

दि या़हबु लेहङगु ख्‍या सालाॱआङ ओहङदी येह, ओहले तेहम्‍बाराङ मिहया़ला मेलाम ख्‍योङगेराङ जाम्‍बुलीङ काहङ्येॱराङ टाहम्‍दी डोॱराङ येहबा। ख्‍यागी किन्‍ज्‍योकी काटीनकी तेहन्‍दाला तेहन्‍दामकी ताम थे़क्‍यो दाङ ङोह स्‍य़ेक्‍यो ङ्यिहमा यिहन्‍ज्‍यु ता़ह या़हबु लेहङगुगी ख्‍याया़गी पाहरक्‍यीलाॱआङ ओ़हठीॱराङ पेहती छ्या़ले जे नाङगेराङ येहबा,