मर्कूस 4:40 - ह्योल्‍मो

⁴⁰ ओहले येशूगी स्‍याहप्‍च्‍यीया़ला सुङ नाङसीन, “ख्‍या च्‍यिबे दि ल़ेहमु पेहती का क्‍याहल्‍ग्‍यो? के ख्‍यागी तेहपा?” म़ेदी टी़ह नाङसीन।

मर्कूस 4:40 ပူးပေါင်းရင်းမြစ်များ

मत्ती 14:31

येशूगी ओ़हजेलाराङ छ्या़गी ज़ुङ नाङसीन ओहले “के ख्‍येगी तेहपा, ख्‍ये च्‍यिबे सेम ङ्यी़ च्‍याङगे? म़ेदी सुङ नाङसीन।

मत्ती 16:8

राहङगी स्‍याहप्‍च्‍यीया़गी दि ल़ेहमु पेहती ताम म़ेदी तेहक्‍यो सेन नाङदी येशूगी खुङया़ला सुङ नाङसीन, “ख्‍याया़गी यिह-छ्य़े काहजे फेमा? ख्‍याया़गी खुरा माहख्‍योङबा म़ेदी राहङ नाहङदुङ च्‍यिबे ताम म़ेदी तेहकें?

मत्ती 6:30

तिहरीङ स्‍यार्ती नाहङबार येहदी मेहला क्‍युर्केन्‍गी चाया़लानी किन्‍ज्‍योगी दि ल़ेहमु जेती ज़ाप नाङगेन मानानी च्‍यि किन्‍ज्‍योगी ख्‍याया़ला केहन्‍गेन्‍गी काप्‍च्‍या मेहनाङगे ले? के, ख्‍याया़गी यिह-छ्य़े?”

मत्ती 8:26

ओहले येशूगी खुङया़ला सुङ नाङसीन, “ख्‍याया़ च्‍यिबे दि ल़ेहमु पेहती का क्‍याहल्‍गेन? खोइ ख्‍याया़गी यिह-छ्य़े?” देजे सुङदी येशू ज़्‍याङ नाङसीन ओहले ल्‍हा़बा लुङजी दाङ छ्यु-पाहलापया़ला काप्‍क्‍येन नाङसीन ओहले ल्‍हा़बा लुङजी छ्येबे तेहती थाम्‍ज्‍यीराङ छ्यु-पाहलापया़ ङ्योमे काहल्‍सीन।

मर्कूस 4:41

ओहले खुङया़ याहम्‍जेनज्‍यी ने़दी ज्‍यी़दी राहङ नाहङदुङ दि ल़ेहमु म़ेदी ताम मामा चासीन, “मिहरो सु यिहम्‍बा ता़ह? ल्‍हा़बा लुङजी दाङ छ्यु-पाहलापया़गीॱआङ मिहरोगी काला ङ्यिहन्‍गु दु!”

लूका 8:25

ओहले येशूगी स्‍याहप्‍च्‍यीया़ला “के, ख्‍यागी यिह-छ्य़े?” म़ेदी टी़ह नाङसीन। खुङया़ ज्‍यिबुराङ ज्‍यी़सीन ओहले ह्‍अ ल़ेहदी खुङ नाहङदुङ ताम मामा चासीन, “दि मिह सु यिहम्‍बानी? ल्‍हा़बा लुङजी दाङ छ्युगीॱआङ मिहरोगी सुङग्‍योगी स्‍याहल ङ्यिहन्‍गु दु!” म़ेदी मासीन।