मर्कूस 4:36 - ह्योल्‍मो

³⁶ ओहले स्‍याहप्‍च्‍यीया़गी मिह मिह-माहङया़ला क्‍युर ज़्‍या़दी येशू ज़्‍य़ू नाङग्‍योगी टुह-छ्युङला जा़सीन ओहले येशूला ङ्याम्‍बुराङ ख्‍येर्ती काहल्‍सीन, ओहले लेहमेन टुह-छ्युङया़ॱआङ खुङ फ़ेबेॱया ङ्याम्‍बुराङ ओहङसीन।

मर्कूस 4:36 ပူးပေါင်းရင်းမြစ်များ

मत्ती 8:23

ओहले येशू टुह-छ्युङला ज़्‍य़ू नाङ फान्‍ज्‍यो स्‍याहप्‍च्‍यीया़ॱआङ येशूला ताहदा क्‍याहप्‍ती काहल्‍सीन।

मर्कूस 3:9

दि ज़ी़दी मिह मिह-माहङगी राहङला च्‍येप्‍ती माहयोङज्‍यु म़ेदी येशूगी स्‍याहप्‍च्‍यीया़ला टुह-छ्युङ च्‍यी़ ख्‍येर्स्‍यो म़ेदी सुङ नाङसीन।

मर्कूस 4:1

येशूगी येहपाराङ गालील छोगी सुहरला सुङदेन नाङज्‍ये छ़ूसीन। येशूगी ति-खिरे मिह मिह-माहङ जोम्‍दी येहकें सुङगोराङ येशू टुह-छ्युङ च्‍यी़ला जा़दी छोगी सुहरले फाच्‍चीला फार फेप्‍ती ज़्‍य़ू नाङसीन। ओहले मिहया़दी छोगी सुहरलाॱराङ तेहसीन।

मर्कूस 4:37

ओहले याहङमे-याहङराङ ल्‍हा़बा लुङजी स्‍युक छ्यिम्‍बुच्‍यी ओहङदी छोगी पाहलाप क्‍याहप्‍ती टुह-छ्युङ छ्युगी काहङज्‍ये पेहसीन।

मर्कूस 5:2

ओहले येशू टुह-छ्युङले फाप नाङगेमुनी मेहचाङा नाम्‍स्‍यी स्‍य़ूहक्‍योगी मिह च्‍यी़ रोह तो़हगेन्‍गी फुक्‍पा नाहङले छ्योङदे येशूला थ़ू ओहङसीन।

मर्कूस 5:21

ओहले येशू येहपाराङ छोगी छुर्केन देप ङो़ले लो़ह फेप नाङसीन। छुर्केन देपकी छोगी सुहरला येशूगी ति-खिरे मिह मिह-माहङ जोम्‍सीन।

मर्कूस 6:32

ओ़ह सोङबे खुङ फ़ेबेॱया टुह-छ्युङला जा़दी ग्‍या़ यिङबुच्‍यीला फेप नाङसीन।

लूका 8:22

ङ्यिहमा च्‍यी़ येशूगी राहङगी स्‍याहप्‍च्‍यीया़ला, “ओहराङ छोगी फार्केन देपला डो” म़ेदी क़े क्‍याहप नाङसीन। ओहले खुङ फ़ेबेॱया टुह-छ्युङला स्‍य़ूहदी फेप नाङसीन।