मर्कूस 4:26 - ह्योल्‍मो

²⁶ ओहले येशूगी येहपाराङ सुङ नाङसीन, “किन्‍ज्‍योगी क्‍याहल्‍सी मिह च्‍यी़गी राहङगी स्‍यिहङला सेन ताप्‍क्‍यो ल़ेहमु यिहम्‍बा।

मर्कूस 4:26 ပူးပေါင်းရင်းမြစ်များ

मत्ती 13:11

येशूगी खुङया़ला सुङ नाङसीन, “त़ेदोङ, किन्‍ज्‍योगी क्‍याहल्‍सीला नाहङ-तामया़ ख्‍याया़ला ह्‍अ कोह च्‍य़ूक्‍यो येह, यिहॱनाङ खुङया़लादी ह्‍अ कोह च्‍य़ूदी म़ेह।

मत्ती 13:24

येशूगी येहपाराङ पे ज़्‍या़दी सुङ नाङसीन, “त़ेदोङ, किन्‍ज्‍योगी क्‍याहल्‍सी राहङगी स्‍यिहङला सेन या़हबु ताप्‍केन्‍गी मिह च्‍यी़ ल़ेहमु ओहङगे।

मत्ती 13:3

ओहले येशूगी पे ज़्‍या़दी माहङबुराङ स्‍याहलया़ सुङ नाङसीन। ओहले येशूगी सुङ नाङसीन, “मिह च्‍यी़ राहङगी स्‍यिहङला सेन ताप्‍च्‍येला काहल्‍सीन।

मत्ती 13:31

येशूगी येहपाराङ लेहमेन पे च्‍यी़ ज़्‍या़दी सुङदेन नाङसीन, “किन्‍ज्‍योगी क्‍याहल्‍सी राइ-सेन ल़ेहमु ओहङगे। मिह च्‍यी़गी राइ-सेन लेहन्‍दे राहङगी स्‍यिहङला ताप्‍सीन।

मत्ती 13:33

ओहले येहपाराङ येशूगी लेहमेन पे च्‍यी़ ज़्‍या़दी सुङ नाङसीन, “किन्‍ज्‍योगी क्‍याहल्‍सी खमिर ल़ेहमु ओहङगे। पी़हमी-पेहजा च्‍यी़गी सिपाज्‍यी खमिर लेहन्‍दी चाम्‍बा पादी सुमचेला से़एँ ओहले ओ़ह चाम्‍बा थाम्‍ज्‍यी फोर्ती ओहङगे!”

मत्ती 3:2

“सेमगी स्‍या़बा पेहती तिहक्‍पा पाङदोङ च्‍यिबेमाना किन्‍ज्‍योगी जाम्‍बुलीङला क्‍याहल्‍बु जेकेन्‍गी ती़हजी लेप्‍च्‍ये पेह सिहन्‍दी येह” म़ेदी सुङ ख्‍येप्‍टा क्‍याहप्‍सीन।

मत्ती 4:17

ओ़ह ती़हजी यिहन्‍ज्‍यु येशूगी दि ल़ेहमु सुङदी सुङ ख्‍येप्‍टा नाङज्‍ये छ़ूसीन, “सेमगी स्‍या़बा पेहती तिहक्‍पा पाङदोङ च्‍यिबेमाना किन्‍ज्‍योगी क्‍याहल्‍बु जेकेन्‍गी ती़हजी लेप्‍च्‍ये पेह सिहन्‍दी येह।”

मर्कूस 4:25

च्‍यिबेमाना सु ङ्याम्‍बु येहबा, खोला तोहरोङ तेर्च्‍ये येह ओहले सु ङ्याम्‍बु म़ेहबा, खो ङ्याम्‍बु सिपाज्‍यी येहकेन्‍दीॱआङ फ्रो़ज्‍ये येह।”

मर्कूस 4:27

खो ङ्याहलॱनाङ ओहले लाहङॱनाङ ङ्यिहन-नुहप सेन क्‍येदी छार्ती ओहङगे। यिहॱनाङ काह-ठि पेहती दि सेन छार्पा म़ेदी खोला क्‍यी़ह मेहयोहङगे।

लूका 13:18

ओहले येहपाराङ येशूगी सुङ नाङसीन, “किन्‍ज्‍योगी क्‍याहल्‍सी ङाहगी च्‍यि ङ्याम्‍बु तुहर्च्‍ये?

लूका 8:11

“दि पेगी तेहन्‍दा दि ल़ेहमु यिहम्‍बा, ताप्‍क्‍योगी सेनदी किन्‍ज्‍योगी सुङदेन यिहम्‍बा।

लूका 8:5

“मिह च्‍यी़ राहङगी स्‍यिहङला सेन ताप काहल्‍सीन। ओहले खोगी सेन ताप-ताप्‍पा काहङला लाहला लाहमला लेप्‍सीन, ओहले मिहगी काङबागी नेम्‍सीन, ओहले च्‍यिहबीगीॱआङ ओहङदी साहसीन।

यूहन्‍ना 12:24

तेहम्‍बाराङ, ङाह ख्‍याला माएँ, ऩेहगी बुदी साला लेप्‍ती मा़हस्‍यी थु ओ़हदी ओ़हठीॱराङ लिहकें। यिहॱनाङ ओ़ह स्‍यिसीनमाना ओ़हगी माहङबुराङ सेदो या़हगे।

याकूब 3:18

स्‍य़िहदेला थिर पेहती ज़्‍या़गेया़गी स्‍य़िहदे लाहमलेॱराङ सेन ताप्‍के, ओहले खुङया़गी टाहङदेनकी कामे टू़हगे।