मर्कूस 4:24 - ह्योल्‍मो

²⁴ ओहले येशूगी खुङया़ला दि ल़ेहमुॱआङ सुङ नाङसीन, “ख्‍यागी थे़क्‍यो तामला या़हबु ङ्यिहन्‍दी ज़्‍यो़! ख्‍यागी का़हन्‍दी पादीगी मिहया़ला ताहप्‍ती तेर्के, ओ़ह पादीगीॱराङ ख्‍याॱलाङ ताहप्‍ती तेर्च्‍ये येह। ओ़ह म़ेदीॱआङ माहङबु पा़हदी तेर्च्‍ये येह।

मर्कूस 4:24 ပူးပေါင်းရင်းမြစ်များ

मत्ती 7:2

च्‍यिबेमाना ख्‍याया़गी मिहला काह-ठि पेहती क्‍येन ता़क्‍यो, ओ़ह ल़ेहमुराङ जेती किन्‍ज्‍योगीॱआङ ख्‍याया़ला क्‍येन ता़ नाङज्‍ये येह। ओहले का़हन्‍दी ठुगी ख्‍येगी मिहला ताहप्‍कें ओ़ह ठुगीराङ किन्‍ज्‍योगी ख्‍येॱलाङ ताहप नाङज्‍ये येह।

मर्कूस 9:7

ओहजेला मुक्‍पा ओहङदी टिहप्‍सा छ्या़सीन ओहले खुङ फे़बेया़ला का़सीन। ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहम्‍बा, खोगी माक्‍यो ख्‍यागी ङ्यिहन्‍दोङ!”

लूका 8:18

ओ़ह सोङबे ख्‍या सेम माहयाहङबा पेहती ङ्यिहन्‍ग्‍योगी तामला या़हबु पेहती साम्‍लु ताङदोङ। च्‍यिबे मासीमाना सु ङ्याम्‍बु येहबा, ओ़हदीला माहङबुराङ तेर्च्‍ये येह, ओहले सु ङ्याम्‍बु म़ेहबा, खो ङ्याम्‍बु सिपाज्‍यी येहबा म़ेदी साम्‍लु ताङग्‍योदीॱआङ खोलेगी फ्रो़दी ख्‍येर्च्‍ये येह” म़ेदी येशूगी सुङ नाङसीन।

यूहन्‍ना 10:16

ओहले ङाहती लेहमेन ल़ूहया़ॱआङ येहबा, खुङ दि कोहरेदी मिहन। खुङया़ॱलाङ ङाहगी ख्‍योङ कोहच्‍ये येह ओहले खुङया़गी ङाहगी क़े थे़ज्‍ये येह, ओहले ल़ूह थाम्‍ज्‍यी ल़ूह बा़ल च्‍यी़राङ ओहङज्‍ये येह। ओहले ङाह खुङया़गी च्‍यिमे च्‍यी़राङ कोहरोवा ओहङज्‍ये येह।

यूहन्‍ना 10:27

ङाहती ल़ूहया़गी ङाहगी ताम ङ्यिहन्‍गे। ङाह खुङया़ला ङोह स्‍य़ेएँ ओहले खुङया़ ङाहती तिङदा तिङ ओहङगे।

यूहन्‍ना 5:25

तेहम्‍बाराङ ङाह ख्‍याला माएँ, ओ़ह ती़हजी ओहङगेॱराङ येह, ओहले ओ़ह ती़हजीदी ताहन्‍दाॱराङ यिहन, दि ती़हजीला स्‍यिक्‍यो मिहया़गी किन्‍ज्‍योकी स़ेबुगी सुङ-क़े थे़ज्‍ये येह ओहले ङ्यिहन्‍गेया़ थार्च्‍ये येह।

ल़ेह-पेन 17:11

बेरिया क्‍याहसाकी यहूदीया़ थेसलोनिके क्‍याहसाकी यहूदीया़ म़ेदी डा-छ्याक्‍पु येहकें। खुङगी किन्‍ज्‍योगी लुहङया़ निङरु पेहती ङ्यिहन्‍सीन, ओहले पावलगी माक्‍योगी ताम सुङराप ङ्याम्‍बु डी़उ दु नि मी़हन्‍डी दु म़ेदी ङ्यिहमा-टाहङमाराङ सुङराप लोङदी ताउ येहकें।

२ कोरिन्‍थी 9:6

यिहॱनाङ ताम छ्येस्‍योदी दिराङ यिहम्‍बा, ङ्ये़हमु ताप्‍केन्‍दीगी ङ्ये़हमुराङ तुहएँ, ओहले माहङबु पेहती ताप्‍केन्‍दीगी माहङबुराङ तुहएँ।

हिब्रू 2:1

ओ़ह सोङबे ओहराङगी ज़्‍योरक्‍यो किन्‍ज्‍योकी तेहन्‍दामला या़हबु पेहती ङ्यिहन्‍दी पेह कोहएँ, मिहन्‍सीमाना ओहराङ ओहलेगी लाहम जोल्‍ज्‍ये येह।

१ पत्रुस 2:2

थेरेरे क्‍येक्‍योगी पेहजा ओहमा थुङज्‍ये म़ेदी ङुहक्‍यो ल़ेहमुराङ ख्‍याया़ॱआङ किन्‍ज्‍योकी तेहन्‍दामगी सुङया़ ङोह स्‍येच्‍येला सेम ताङदोङ दि लाहमलेॱराङ ख्‍यागी ज्‍योरक्‍योकी थार्पाला ख्‍या जेन-जेन याहरक्‍यी पेहती डो ख़ूज्‍ये येह।

१ यूहन्‍ना 4:1

ङाहगी च्‍याहम्‍बु रो़हया़, “ङाह ङ्याम्‍बु नाम्‍पार-ताहक्‍पा थु येह” माएँ मिह थाम्‍ज्‍यीला ख्‍यागी यिह मा़हछ्ये, यिहॱनाङ खुङ ङ्याम्‍बु किन्‍ज्‍योगी नाम्‍पार-ताहक्‍पा थु येहबानी म़ेहबा म़ेदी ङ्याहम च्‍येतोङ च्‍यिबेमाना चिहन क्‍याहप्‍केन्‍गी लुहङतेम्‍बाया़ माहङबुराङ दि जाम्‍बुलीङला थेन सिहन्‍दी येह।