मर्कूस 4:11 - ह्योल्‍मो

¹¹ ओहले येशूगी सुङ नाङसीन, “किन्‍ज्‍योगी क्‍याहल्‍सीला तिहङ-रिहङबुगी केच्‍याया़ ङोह स्‍य़े ख़ूएँगी ओङ ख्‍याला तेर्ती येह, यिहॱनाङ फिगी मिहया़लानी ताम थाम्‍ज्‍यीराङ पे ज़्‍या़देॱराङ माएँ।

मर्कूस 4:11 ပူးပေါင်းရင်းမြစ်များ

मत्ती 11:25

ओहजेला येशूगी सुङ नाङसीन, “ओ़ किन्‍ज्‍यो याहप स्‍यिहङगाम दाङ जाम्‍बुलीङगी ताहक्‍पु, ङाहगी राहङला थुज्‍यी-छ्ये़ फुल्‍गे च्‍यिबेमाना रिहक्‍स्‍यी छ्यिम्‍बु दाङ टिहम्‍बु मिहया़ ङो़ले पे़हदी ज़्‍या़ नाङग्‍योकी स्‍याहल राहङगी च्‍यिॱआङ मे़हस्‍येएँगी मिहया़ला ङोह स्‍य़े च्‍य़ू नाङसीन।

मत्ती 13:16

“यिहॱनाङ ख्‍याया़दी काहजे काहवा, ख्‍याया़गी मी़गी थोङगे ओहले नाम्‍ज्‍योगी थे़गे। तेहम्‍बाराङ ङाह ख्‍याया़ला माएँ, ख्‍याया़गी थोङग्‍यो दाङ थे़क्‍योगी दि केच्‍याया़ माहङबुराङ लुहङतेम्‍बा दाङ टाहङबु मिहया़गी ताज्‍ये दाङ ङ्यिहन्‍ज्‍येला ज्‍यिबुराङ सेम पेहती येहकें।

मत्ती 16:17

येशूगी सुङ नाङसीन, “ए योनाकी पुह सिमोन, ख्‍ये काहजे सोनाम-साक्‍पु! दि केच्‍या ख्‍येगी स्‍या दाङ ठा़ लाहमले पेहती माक्‍यो मिहम्‍बा, दिनी स्‍यिहङगामला ज़्‍य़ू नाङगेन्‍गी ङाहगी किन्‍ज्‍यो याहपगीॱराङ ख्‍येला क्‍यी़ह ज्‍योर च्‍य़ू नाङग्‍यो यिहम्‍बा।

मर्कूस 3:23

ओ़ह सोङबे येशूगी खुङला क़े क्‍याहप्‍ती दि केच्‍यागी तेहन्‍दाला पे च्‍यी़ ज़्‍या़दी सुङ नाङसीन, “ती़ह गो-छ्येवा खो राहङगी राहङलाराङ काह-ठि पेहती ङ्ये ख़ूज्‍ये ले?

मर्कूस 4:10

येशू च्‍यी़राङ येहकेंमु ल़ेह-पेन च्‍यिङ्यी़ दाङ लेहमेन रो़हया़गी येशूगी पे ज़्‍या़दी सुङ नाङग्‍यो स्‍याहलगी तेहन्‍दाला येशूला टी़हसीन।

मर्कूस 4:2

ओहले येशूगी मिहया़ला पेया़ लाहमले माहङबुराङ तामया़ लोप नाङसीन। ओहले येशूगी खुङया़ला दि ल़ेहमु सुङदेन नाङसीन।

लूका 8:10

ओहले येशूगी खुङया़ला सुङ नाङसीन, “ख्‍याया़ला किन्‍ज्‍योगी क्‍याहल्‍सीगी तिहङ-रिहङबुगी केच्‍याया़ ह्‍अ कोह च्‍य़ूदी येह, यिहॱनाङ लेहमेन मिहया़ ङ्याम्‍बुदी ङाह पे ज़्‍या़दी ताम माएँ, खुङया़गी ताज्‍येनी ताएँ यिहॱनाङ मेहथोङगे, ङ्यिहन्‍ज्‍येनी ङ्यिहन्‍गे यिहॱनाङ ह्‍अ मेहकोएँ।”

१ कोरिन्‍थी 4:7

च्‍यिबेमाना लेहमेन मिहया़ म़ेदी ख्‍या च्‍यि तामला ख्‍येपार काहल्‍बा ले? च्‍यि ख्‍या ङ्याम्‍बु येहकेन्‍की ना थाम्‍ज्‍यी किन्‍ज्‍योगीॱराङ नाङग्‍यो मिहम्‍बा ले? ओ़हठी यिहन्‍सीमानानी ख्‍या च्‍यिबे लेहमेन सुज्‍यीगी तेरक्‍योॱराङ मिहम्‍बा रोहवा पेहती छ्य़ेन्‍दो तेन्‍गे ले?

२ कोरिन्‍थी 4:6

“ना़-जुबेला क्‍या-साङेगी येहपा छ्याज्‍यु” म़ेदी सुङ नाङगेन्‍गी किन्‍ज्‍योॱराङ, ताहन्‍दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्‍ज्‍योगी ज़िज्‍यिदकी येहन्‍देनगी क्‍या-साङे मास्‍यीकागी स्‍याहल्‍दोङला येहपा छ्या़ ख़ूज्‍यु।

एफिसी 1:9

ता़ह किन्‍ज्‍योकी तिहङ-रिहङबुगी राहङगी ज़ोक्‍योकी च्‍याहम्‍दाया़ मिहरोगी ओहराङला मास्‍यीका लाहमले तेन नाङसीन। दि किन्‍ज्‍योकी राहङगी ज़ोक्‍योकी च्‍याहम्‍दा मिहरोगी थुला तोहङ यिहन्‍ज्‍युराङ ठुङग्‍यो येहकें ओहले दि राहङगी ज़ोक्‍योकी च्‍याहम्‍दा तेहन्‍दा डुप च्‍य़ू नाङज्‍येला मिहरोला या़हबु ऩेसीन।

कलस्‍सी 4:5

यिह मे़हछ्येएँ मिहया़ ङ्याम्‍बु डोलु-तेहलु पेहकेमु रिहक्‍स्‍यी छ्यिम्‍बु तेन्‍दी पेहतोङ। ख्‍यागी ज़्‍योरक्‍योगी लोहङ च्‍यी़ॱआङ तोर मा़हच्‍यु।

१ थेसलोनिकी 4:12

ओ़ह ल़ेहमु पेहसीमाना ख्‍या फ़ेबे-म़ेहमेया़ला फि-मिहया़गीॱआङ ची़नाङ पेहच्‍ये येह। ओहले ख्‍याला कोहपु डोएँमु लेहमेन मिहया़ थो़ला रे़ह कोहच्‍ये म़ेह।

१ तिमोथी 3:7

येहपाराङ, फि मिहया़गी तन्‍दोलाॱआङ खो या़हबु सी़ह कोहएँ, मिहन्‍सीमाना खोती आब्रु स्‍योर्ज्‍ये येह ओहले खो ती़ह गो-छ्येवागी मिताला छ्यिच्‍ये येह।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।