मर्कूस 3:9 - ह्योल्‍मो

⁹ दि ज़ी़दी मिह मिह-माहङगी राहङला च्‍येप्‍ती माहयोङज्‍यु म़ेदी येशूगी स्‍याहप्‍च्‍यीया़ला टुह-छ्युङ च्‍यी़ ख्‍येर्स्‍यो म़ेदी सुङ नाङसीन।

मर्कूस 3:9 ပူးပေါင်းရင်းမြစ်များ

मत्ती 15:39

ओ़ह तिङले येशूगी ओ़ह मिहया़ला कोहङबा नाङसीन, ओहले येशूदी टुह-छ्युङला जा़दे मगादान माएँ लुहङबाला फेप नाङसीन।

मर्कूस 4:1

येशूगी येहपाराङ गालील छोगी सुहरला सुङदेन नाङज्‍ये छ़ूसीन। येशूगी ति-खिरे मिह मिह-माहङ जोम्‍दी येहकें सुङगोराङ येशू टुह-छ्युङ च्‍यी़ला जा़दी छोगी सुहरले फाच्‍चीला फार फेप्‍ती ज़्‍य़ू नाङसीन। ओहले मिहया़दी छोगी सुहरलाॱराङ तेहसीन।

मर्कूस 4:36

ओहले स्‍याहप्‍च्‍यीया़गी मिह मिह-माहङया़ला क्‍युर ज़्‍या़दी येशू ज़्‍य़ू नाङग्‍योगी टुह-छ्युङला जा़सीन ओहले येशूला ङ्याम्‍बुराङ ख्‍येर्ती काहल्‍सीन, ओहले लेहमेन टुह-छ्युङया़ॱआङ खुङ फ़ेबेॱया ङ्याम्‍बुराङ ओहङसीन।

मर्कूस 5:2

ओहले येशू टुह-छ्युङले फाप नाङगेमुनी मेहचाङा नाम्‍स्‍यी स्‍य़ूहक्‍योगी मिह च्‍यी़ रोह तो़हगेन्‍गी फुक्‍पा नाहङले छ्योङदे येशूला थ़ू ओहङसीन।

मर्कूस 5:30

ओहजेला येशूगी राहङलेगी ओङ थेन्‍दी काहल्‍ग्‍यो छोर नाङसीन ओहले येशूगी ल्‍होक लो़हदी मिह मिह-माहङला, “सुगी ङाहगी काप्‍च्‍या दे़बा?” म़ेदी टी़ह नाङसीन।

मर्कूस 6:32

ओ़ह सोङबे खुङ फ़ेबेॱया टुह-छ्युङला जा़दी ग्‍या़ यिङबुच्‍यीला फेप नाङसीन।

लूका 5:1

ङ्यिहमा च्‍यी़ येशू गनेसरेत माएँ छोगी सुहरला ज़्‍याङदी ज्‍य़ूएँमु मिह माहङबुराङ किन्‍ज्‍योगी सुङदेन ङ्यिहन्‍ज्‍ये म़ेदी येशूगी पोहला च्‍येप्‍ती ओहङसीन।

लूका 5:3

ओहले येशू सिमोन माएँ मिहगी टुह-छ्युङला ज़्‍य़ूदी, “टुह-छ्युङ छो सुहरलेगी याहम्‍बी फाच्‍ची ख्‍येर्तोङ” म़ेदी सिमोनला सुङ नाङसीन। ओहले टुह-छ्युङलाराङ ज़्‍य़ूदी छोगी सुहरला तेहक्‍योगी मिह मिह-माहङया़ला सुङ ख्‍येप्‍टा नाङज्‍ये छ़ूसीन।

यूहन्‍ना 6:15

मिहया़ ओहङदी राहङला ज्‍यिबुराङ उर्चु पेहती क्‍याहल्‍बु ज़ोज्‍ये छोल्‍गेराङ येह माएँ ताम येशूगी थु ङ्ये फान्‍ज्‍यो येशू येहपाराङ राहङ च्‍यी़राङ काहङ ङो़ले फेप नाङसीन।