मर्कूस 3:22 - ह्योल्‍मो

²² यरूशलेमले ओहङग्‍यो लाहला छ्य़ेगी ख्‍येम्‍बोया़गी “खोला बालजिबुल माएँ ल्‍हेन्‍डी स्‍य़ूहक्‍यो दु, ओ़ह ल्‍हेन्‍डीगी क्‍याहल्‍बुगी ओङगी पेहती खोगी ल्‍हेन्‍डीया़ला ङ्येके” म़ेदी माज्‍ये छ़ूसीन।

मर्कूस 3:22 ပူးပေါင်းရင်းမြစ်များ

मत्ती 10:25

ओ़ह सोङबे स्‍याहप्‍च्‍यी राहङगी लोबेनचेबाॱराङ, ओहले योक्‍पु राहङगी ताहक्‍पुजेबाराङ काहल्‍ग्‍योगी तेहन्‍दाला सेम लो तेहमु पेहच्‍यु। का़हलेॱआङ खुङगी खाङबागी ताहक्‍पुलाॱराङ ती़ह गो-छ्येवा बालजिबुल म़ेदी मासीमानानी खोगी खाङबा मे़हमेया़लानी तोहरोङ च्‍यि मारो?” म़ेदी येशूगी सुङ नाङसीन।

मत्ती 11:18

“कुहन्‍डुमगी निङगु मिहथुङगे दाङ ङ्युङने तेहकेन्‍गी यूहन्‍ना ओहङसीन, खोला ख्‍याया़गी ल्‍हेन्‍डी स्‍युहक्‍यो मिह म़ेदी मासीन।

मत्ती 12:24

दि ताम थे़दी फरिसीया़गी मासीन, “दि मिहगीनी ल्‍हेन्‍डीया़की क्‍याहल्‍बु बालजिबुलगी ओङगी पेहती गा ल्‍हेन्‍डीया़ला तेन्‍गे।”

मत्ती 15:1

ओहले लाहला फरिसी दाङ छ्य़े-ठिमकी लोबेनया़ यरूशलेम क्‍याहसाले ओहङदी येशूला टी़हसीन,

मत्ती 9:34

यिहॱनाङ फरिसीया़गी येशूला दि ल़ेहमु मासीन, “खोलानी ल्‍हेन्‍डीगी क्‍याहल्‍बुगीराङ ल्‍हेन्‍डी तेन्‍गेन्‍गी ओङ तेरक्‍यो यिहन” म़ेदी मासीन।

मर्कूस 7:1

यरूशलेम क्‍याहसाले ओहङग्‍योगी फरिसी दाङ छ्य़े-ठिमकी लोबेनया़ येशूसाला जोम ओहङसीन।

लूका 11:15

यिहॱनाङ खुङया़ नाहङगी लाहला मिहया़गी, “दि मिहगीनी ल्‍हेन्‍डीया़गी क्‍याहल्‍बु बालजिबुलगी ओङगी पेहती का ल्‍हेन्‍डीया़ तेन्‍गु दु!” म़ेदी मासीन।

लूका 5:17

ङ्यिहमा च्‍यी़ येशूगी मिहया़ला सुङदेन नाङगेराङ येहकें। ओहजेला फरिसीया़ दाङ छ्य़े-ठिमकी लोबेनया़ येशूगी पोहला तेहती येहकें। ओहले खुङया़ गालील दाङ यहूदीयागी युहलया़ले, ओहले यरूशलेम क्‍याहसालेगीॱआङ ओहङदी येहकें। ओहले येशू ङ्याम्‍बु नेहपाया़ला टा़ह च्‍य़ूगेन चो़वो छ्येवागी ओङ येहकें।

यूहन्‍ना 10:22

ओहजेला सेर्का दावा येहकें ओहले यरूशलेमला छ्योखाङ राहम्‍ने फुल्‍गेन्‍गी छ्येपा लेप्‍ते येहकें।

यूहन्‍ना 7:20

मिह मिह-माहङया़गी मासीन, “ख्‍येला ल्‍हेन्‍डी स्‍य़ूहसीन दु, ख्‍येला सुगी सेच्‍ये छोल्‍बा?”

यूहन्‍ना 8:48

ओहले यहूदीया़गी येशूला मासीन, “ख्‍ये सामरी यिहन ओहले ख्‍येला ल्‍हेन्‍डी स्‍य़ूहदी येह म़ेदी ङ्यिहगी माक्‍यो ताम च्‍यि ठाबे मिहम्‍बा ले?”

यूहन्‍ना 8:52

ओहले यहूदीया़गी मासीन, “ता़हनी ङ्यिहगी तेहम्‍बाराङ ङोह स्‍य़ेसीन, ख्‍येलानी ल्‍हेन्‍डीराङ स्‍य़ूहक्‍यो दुबा! अब्राहाम स्‍यिसीन, लुहङतेम्‍बाया़ॱआङ स्‍यिसीन, यिहॱनाङ ख्‍येगी माएँ, ‘ङाहगी सुङदेन ङ्यिहन्‍गेया़ नाहमॱआङ स्‍यि कोहज्‍ये म़ेह।’