मर्कूस 3:16 - ह्योल्‍मो

¹⁶ येशूगी दाम नाङग्‍योगी ल़ेह-पेन च्‍यिङ्यी़गी मिहन दिया़राङ यिहम्‍बा– सिमोन, खोला येशूगी पत्रुस म़ेदी मिहन ज़्‍या़ नाङसीन।

मर्कूस 3:16 ပူးပေါင်းရင်းမြစ်များ

मर्कूस 1:16

गालील छोगी सुहरला कोरा क्‍याहप नाङगेमु येशूगी सिमोन दाङ खोगी नो़ह अन्‍द्रियासला ङ्याहटा क्‍याहप्‍ती तेहक्‍यो ज़ी़ नाङसीन। च्‍यिबेमाना खुङ ङ्याह ज़ुङगेन्‍गी ङ्याहबाया़ यिहन्‍गे।

मर्कूस 3:17

ओहले जब्‍दियागी पुह पिन ङ्यी़ याकूब दाङ यूहन्‍ना, खुङया़ला येशूगी “बोअनगर्नेस” म़ेदी मिहन ज़्‍या़ नाङसीन, ओ़ह माक्‍योगी तेहन्‍दादी नाम क़े तेन्‍गेन्‍गी छार्क्‍यीन यिहम्‍बा।

लूका 6:13

ओहले नाहम लाहङ फान्‍ज्‍यो स्‍याहप्‍च्‍यीया़ला क़े क्‍याहप नाङसीन, ओहले स्‍याहप्‍च्‍यीया़ नाहङला मेहन्‍दा च्‍यिङ्यी़ला दाम्‍दी ल़ेह-पेन ज़ो नाङसीन।

यूहन्‍ना 1:42

अन्‍द्रियासगी सिमोनला येशूसाला ख्‍येर्सीन। ओहले येशूगी सिमोनला ज़ी़दी सुङ नाङसीन, “ख्‍ये योआनेसकी पुह सिमोन यिहन, ख्‍येला केफास म़ेदी माज्‍ये येह।” (दिला ग्रीक तामला पत्रुस म़ेदी माएँ।)

ल़ेह-पेन 1:13

ओहले यरूशलेम क्‍याहसाला लेप्‍ती खुङ राहङ तेहकेन्‍गी खाङबागी थो़मे तेङला काहल्‍सीन। खुङ फ़ेबेॱया मेहन्‍दा च्‍यू़ज्‍यी येहके– पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयसकी पुह याकूब, देशभक्त माएँगी सिमोन दाङ याकूबकी पुह यहूदा येहकें।

१ कोरिन्‍थी 1:12

ङाहगी माज्‍ये छोल्‍ग्‍योकी ताम दिराङ यिहम्‍बा ख्‍या नाहङले लाहलागी “ङाह पावलती यिहम्‍बा” लाहलागी “ङाह अपोल्‍लोसती यिहम्‍बा” लाहलागी “ङाह केफासती यिहम्‍बा” ओहले लाहलागीती “ङाह मास्‍यीकाती यिहम्‍बा” म़ेदी माउ दु लो।

१ कोरिन्‍थी 3:22

पावल, अपोल्‍लोस दाङ पत्रुस ख्‍यातीराङ यिहम्‍बा, जाम्‍बुलीङ ख्‍यातीराङ यिहम्‍बा, मिहली दाङ स्‍यिवा ख्‍यातीराङ यिहम्‍बा, ओहले ताहन्‍दागी ती़हजी दाङ तिङले ओहङगेन्‍गी ती़हजी थाम्‍ज्‍यीराङ ख्‍यातीराङ यिहन।

१ कोरिन्‍थी 9:5

च्‍यि लेहमेन ल़ेह-पेनया़ ल़ेहमुराङ, चो़वोगी नो़ह दाङ केफासला ल़ेहमुराङ ङ्यिहलाॱआङ किन्‍ज्‍योला यिह छ्य़ेक्‍योगी पी़हमी थो़दी डोएँ ओङ म़ेहबा ले?

२ पत्रुस 1:1

येशू मास्‍यीकाकी योक्‍पु दाङ ल़ेह-पेन सिमोन-पत्रुस लाहमले, ओहले ओहराङगी किन्‍ज्‍यो दाङ थार्पा नाङगेन येशू मास्‍यीकाकी टाहङदेन लाहमले ङ्यिहती ल़ेहमुराङ चा़ छ्यिम्‍बु तेहपा ज्‍योर्केनया़ला: