मर्कूस 2:20 - ह्योल्‍मो

²⁰ यिहॱनाङ दि ल़ेहमु ती़हजी च्‍यी़ॱआङ लेप्‍च्‍ये येह, माहक्‍पा साम्‍बा खुङया़ ङ्याम्‍बु खा फ़ेज्‍ये येह ओहजेला खुङया़ ङ्युङने तेहच्‍ये येह।”

मर्कूस 2:20 ပူးပေါင်းရင်းမြစ်များ

मत्ती 26:31

ओहजेला येशूगी स्‍याहप्‍च्‍यीया़ला सुङ नाङसीन, “तिहरीङ नुहङमु ख्‍याया़ थाम्‍ज्‍यीगी ङाहला क्‍युर ज़्‍या़दी प्रे़हदी डोज्‍ये येह। च्‍यिबेमाना सुङरापला दि ल़ेहमु प्री़हदी येहबा– ‘ङाह कोहरोवाला सेच्‍ये येह ओहले ल़ूहया़ फेतोर कोहतोर डोज्‍ये येह’।”

मत्ती 9:15

येशूगी खुङया़ला सुङ नाङसीन, “माहक्‍पा साम्‍बा खुङया़ ङ्याम्‍बु तेहकेमु च्‍यि जन्तीबाया़गी तुहङाल पेहती ङ्युङने तेहकें ले? यिहॱनाङ दि ल़ेहमु ती़हजी च्‍यिॱआङ ओहङज्‍ये येह, माहक्‍पा साम्‍बाला खुङया़ ङ्याम्‍बु खा फ़ेदी ख्‍येर्केमु गा खुङया़ ङ्युङने तेहच्‍ये येह।”

मर्कूस 2:19

ओहले येशूगी सुङ नाङसीन, “पा़हमाला ओहङग्‍योगी डोम्‍बोया़ माहक्‍पा साम्‍बा ङ्याम्‍बुराङ तेहकेमु नाहमॱआङ ङ्युङने तेहकें ले? माहक्‍पा साम्‍बा ङ्याम्‍बु तेहकेमुनी सुॱआङ टेहपा तो़बा मेहतेहकें।

मर्कूस 2:21

“येहपाराङ, सुगीॱआङ काप्‍च्‍या निङबाला साम्‍बा ल्‍हेम्‍बा मेहक्‍याहप्‍केन ग्‍यिले। का़हलेॱआङ क्‍याहप्‍सीमाना साम्‍बा काप्‍च्‍या चामराक-चुमुरुक काहल्‍दी काप्‍च्‍या निङबाला राल तेर्के ओहले तोहरोङ ओम छ्यिम्‍बु डोएँ।

लूका 17:22

ओ़ह तिङला येशूगी राहङगी स्‍याहप्‍च्‍यीया़ला सुङ नाङसीन, “दि ल़ेहमु ती़हजी च्‍यी़ॱआङ ओहङज्‍ये येह, ओ़ह ङ्यिहमाला ‘किन्‍ज्‍योगी ताङ नाङग्‍योकी मिहगी स़ेबुला थोङ ङ्युहङॱनाङ ओहङज्‍ये येहकें’ म़ेदी ख्‍यागी सेमला ने़ज्‍ये येह, यिहॱनाङ, ख्‍यागी थोङ ङ्युहङज्‍ये म़ेह।

लूका 5:35

यिहॱनाङ दि ल़ेहमु ती़हजी च्‍यी़ॱआङ लेप्‍च्‍ये येह, ओहजेला माहक्‍पा साम्‍बा खुङया़लेगी खा फ़ेदी ख्‍येर्च्‍ये येह, ओहले गा खुङ ङ्युङने तेहच्‍ये येह।”

यूहन्‍ना 12:8

च्‍यिबेमाना प्राङबुया़नी नाहम्‍माॱनाङ ख्‍या ङ्याम्‍बुराङ ओहङगे, यिहॱनाङ ङाहनी नाहम्‍माॱनाङ ख्‍या ङ्याम्‍बु मेहयोहङ।”

यूहन्‍ना 13:33

ए ङाहगी पेहजाया़, ता़हनी ङाह ख्‍या ङ्याम्‍बु ङ्यिहमा तोबा थु च्‍यी़राङ लिहच्‍ये येह। ख्‍याया़गी ङाहला छोल्‍ज्‍ये येह, ओहले ङाहगी यहूदी गोबाया़ला माक्‍यो ल़ेहमुराङ ख्‍याया़ॱलाङ माएँ ‘ङाह का़हला डोॱराङ येहबा, ओ़हला ख्‍याया़ ओहङ ख़ूज्‍ये म़ेह।’

यूहन्‍ना 16:28

ङाह याहप लाहमले दि जाम्‍बुलीङला ओहङसीन, ओहले ता़ह येहपाराङ ङाह दि जाम्‍बुलीङला क्‍युर ज़्‍या़दी याहप्‍च्‍येन आबासाला डोॱराङ येह।”

यूहन्‍ना 16:7

यिहॱनाङ, ङाह ख्‍याला तेहन्‍दामकी ताम माएँ, ङाह डोएँदीलाॱराङ ख्‍याला खेप्‍साङ येह। च्‍यिबेमाना ङाह मेहन्‍डोना, रो़हराम जे नाङगेन्‍दी ख्‍यासाला फेप नाङज्‍ये म़ेह। यिहॱनाङ ङाह डोसीमाना ङाह मिहरोला ख्‍यासाला ताङज्‍ये येह।

यूहन्‍ना 17:11

ता़ह ङाह राहङसाला ओहङगेॱराङ येह। ङाह दि जाम्‍बुलीङला माहङबु ती़हजी तेहच्‍ये म़ेह, यिहॱनाङ खुङया़नी दि जाम्‍बुलीङला तेहच्‍ये येह। नाम्‍पार-ताहक्‍पा याहप, राहङगी ङाहला नाङग्‍योकी राहङगी छेनला खुङया़ला तेम्‍बु जेती ज़्‍या़ नाङदोङ, ओहले ओहराङ ल़ेहमु खुङया़ॱआङ च्‍यी़राङ डो ख़ूज्‍यु।

यूहन्‍ना 17:13

यिहॱनाङ ता़हनी ङाह राहङसाला ओहङगेॱराङ येह। खुङया़गी सेम ङाहती काहसोगी काहङ्येॱराङ काहङ ख़ूज्‍यु म़ेदी ङाह दि केच्‍याया़ जाम्‍बुलीङला येहकेमुराङ माएँराङ येह।

यूहन्‍ना 3:29

काहदी मिह ङ्याम्‍बु नामा साम्‍बा तेहकें ओ़हदीॱराङ माहक्‍पा साम्‍बा यिहम्‍बा। माहक्‍पा साम्‍बा पोहला लाहङदी तेहकें रो़ह माहक्‍पा साम्‍बागी क़े थे़दी क़ेहनाङ पेहकें। ओ़ह सोङबे ङाहती दि काहसो ता़ह छाङबु काहल्‍दी येह।

ल़ेह-पेन 1:9

ओहजे सुङ सिहन फान्‍ज्‍यो स्‍याहप्‍च्‍यीया़गी ताताबा काहङला येशू नामला फुर्ती फेप नाङसीन। ओहले मुक्‍पागी येशूला का़सीन ओ़ह तिङले खुङया़गी येशूला माहथोङ।

ल़ेह-पेन 14:23

ओहले खुङ ङ्यी़गी छेन्‍छोक टाहङमाराङ एल्‍डरया़ला दाम्‍सीन, ओहले खुङ ङ्यी़गी सोल्‍वाङ ताप्‍ती, ङ्युङने तेहती खुङया़ला चो़वो छ्येवागी कुम्‍देनला छेन्‍छोकला चि क्‍याहप्‍सीन।

ल़ेह-पेन 3:21

यिहॱनाङ, नाम्‍पार-ताहक्‍पा लुहङतेम्‍बाया़गी सुङ नाङग्‍यो ल़ेहमुराङ किन्‍ज्‍योगी थाम्‍ज्‍यीराङ से़हया़ साम्‍बा ज़ो नाङगेन्‍गी ती़हजी माहलेप थु येशू स्‍यिहङगामलाराङ ज़्‍य़ू नाङ कोहज्‍ये येह।

१ कोरिन्‍थी 7:5

च्‍यी़गी च्‍यी़ला मा-लोक माहबे। ङ्यिहमा तोबाज्‍यीगी तेहन्‍दाला टे़ह क्‍याहप्‍ती सोल्‍वाङ ताप्‍च्‍येला खा फ़ेदी तेहॱनाङ लेहमेन ती़हजीलाती ङ्याम्‍बुराङ तेहच्‍यु। मिहन्‍सीमाना ख्‍याया़गी सेम ज़ुङ मी़हखुरो ओहले ती़ह गो-छ्येवागी ख्‍याला तिहक्‍पाला छ्यि च्‍य़ूज्‍येला लोहङ ज्‍योर्च्‍ये येह।

२ कोरिन्‍थी 11:2

किन्‍ज्‍योगी ख्‍याया़ला ठादो जे नाङग्‍यो ल़ेहमु ङाहॱआङ ख्‍याया़ला ठादो पेहकें। च्‍यिमे च्‍यी़राङ माहक्‍पा साम्‍बा मास्‍यीका ङ्याम्‍बु ङाहगी ख्‍याया़ला लाङज्‍याङ पेह तेर्सीन, ता़ह ङाह ख्‍याया़ला च्‍यिॱआङ क्‍येन म़ेहबा नाम्‍पार-ताहक्‍पा नामा साम्‍बाला ल़ेहमु पेहती माहक्‍पा साम्‍बागी लाहक्‍पाला च्‍योल्‍ज्‍ये सेम्‍बा येहबा।

२ कोरिन्‍थी 11:27

ङाहगी तुहक्‍पुगी ती़हजीॱलाङ ज्‍यिबुराङ कादुप च्‍याहङदी नुहप काहङ माहङ्याहल्‍बा पेहती लेहमा माहङबुराङ तेह कोहसीन। ङाह लेहमा माहङबुराङ टेहपा तो़बा दाङ खा कोम्‍दी च्‍यिॱआङ साह माहङ्युहङबा पेहती काप्‍च्‍या म़ेहबा ख्‍या़बुला कोहङदी तेह कोहसीन।

२ कोरिन्‍थी 6:5

ङ्यिहगी तुहङदा साहसीन, चोन-खाङला छ्यिसीन, ओहले मिहया़गी ङ्यिहला टाह पेहती ठ़ूस्‍यी पेहच्‍येला मिह-माहङ क्‍याहप्‍ती ओहङसीन। ङ्यिहगी ज्‍यिबुराङ कादुप च्‍येती ल़ेह पेह कोहक्‍यो येहबा। ङ्यिह साह माहङ्युहङबा, ङ्यि लो़ह माहङ्युहङबा पेहती तेह कोहक्‍यो येहबा।

ज्‍याल्‍गा 19:7

ओहराङ क़ेहनाङ पेहतोङ ओहले सेम सोनाम-साक्‍पु पेहतोङ, ओहले मिहरोला ज़िज्‍यिद फुल्‍दोङ! च्‍यिबेमाना ल़ूह स्‍ये़बुगी पा़हमागी ङ्यिहमा लेप सिहन्‍दी येह, ओहले मिहरोकी नामा साम्‍बा ज़ाप्‍ती ठाबे पेह सिहन्‍दी येह।

ज्‍याल्‍गा 21:9

ज्‍युक्‍स्‍योलला ओ़ह छ्यिम्‍बु तुहक्‍पु तिहनगी काहङग्‍यो फार्को तिहन नोम्‍ग्‍यो स्‍यिहङगामकी स्‍याहप्‍च्‍यी तिहन नाहङले च्‍यी़ ङाहसाला फेप्‍ती दि ल़ेहमु सुङ नाङसीन, “स्‍यो, ङाह ख्‍येला ल़ूह स्‍ये़बुकी पी़हमी, मिहरोगी नामा साम्‍बा तेन तेर्के।”